حياتي هاتتدمر ارجوووووووووكوا ردوا عليا

السلام عليكم ..........انا بكتب ليكوا بجد لاني تعبت وحاسة اني عندي 70 سنة من كتر الهم والحزن .معلش سيبوني افضفض ليكوا وارجوكم حاولوا تنصحوني بجد من قلبكوا لاني تايهة وضايعه ومش قادرة احكي لحد يعرفني ...انا المفروض اني اتجوزت الانسان اللي بحبه هو كان زميلي في الكلية وحبينا بعض جداااااااااااااا...انا حبيتة في الاول من غير حتى مااعرفه ولا اكلمة كنت مشدودة لية مش عارفة لية ولما عرفتة حبيتة اكتر وحبيت حبة ليا ..كنت حاسة اني طايرة في السما بية لما اتخطبنا مكنتش مصدقة ان في حد بيحبني وبيخاف عليا بالشكل ده مكانتش بتعدي ساعة غير لما بنتكلم ..مكانش بيستحمل تعبي ابدااااااااااا وييجي عندنا البيت حتى لو عندي برد بسيط ويجيبلي معاه ادوية قد كده وعصاير ويصر يوديني المستشفى ...اقولة يابني ده برد عادي يقولة مش مستحمل اشوفك كده انا بموت من احساس انك تعبانة ....رسايل ليل نهار عالموبايل بيدعي فيها ان ربنا يعدي الايام ويجمعنا بيت واحد ...والله من غير مبالغة كانت اعصابة بتتعب لما بنام وكان بيحلف انة مش بيعرف يشتغل او يعمل اي حاجة غير لما اصحا واكلمة كان محسسني ان الدنيا بتقف من غيري او بالاصح مفيش دنيا اصلا لاني كنت كل دنيتة وحياتة... مكانش في دماغي اي حاجة غيرة وقفت حياتي علية وعلى تجهيز حاجتي عشان الجواز...والحب كان بيكبر مابينا ...هو كان حنين اوي واحن ولد في اخواتة على اهلة تقريبا ودى كانت نقطة للاسف مش في صالحي مش عارفة لية .من اول يوم ومامتة بتعمل تصرفات غريبة معايا وبتتعمد تضضايقني وانا كنت مستغربة من اسلوبها ده بس هو كان بيقولي ان طبعها صعب حتى عليهم في البيت...وانا اصلا مكانش عندى خبرة اوي في الحياة اهلي كانوا مدلعني ومعيشني في جو اسري مبني على الحب والاحترام ومش معني انى كنت مدلعه اني كنت وحشة او لا يعتمد عليا بس قصدي اني مكنتش متعوده على ان حد يكلمني باسلوب مش حلو ومتعوده عالنقاش بادب دايما....المهم قبل جوازنا بحوالي 6 شهور حصلت مشكلة جامده بيني وبين مامتة وكانت هي الغلطانة في راي كل الناس والموضوع تتطور وجة هو وقالي الموضوع كده كبر انت لازم تكلكي ماما تعتذريلها ..اتصدمت وقلتلة مين يابني اللي يعتذر لمين دية اهانتني من غير سبب ...قالي ماينفعش لازم تكلميها قلتلة انت كده بتيجي عليا ..امال لما نتجوز هاتعمل اية وتطورت المشكلة جدااااااااا وسيبنا بعض وفسخنا الخطوبة وانا زي التايهة مش مصدقة ان الحياة مش هايبقا موجود فيها تاني وتعبت اوي وجالي انهيار عصبي ودخلت المستشفى .واتدخل واحد زميانا لحل الموضوع لانة عارف احنا بنحب بعض قد اية ورجعنا لبعض تاني بس تقريبا رجعنا باجسامنا بس لكن قلوبنا مش زي الاول من ناحيتي مكنتش مسامحه انة يتخلى عنى مع اني انا اللي طلبت ده وهو تاثير اهلة علية غيره كتير.....ومع الوقت اتلهينا في تحضير شقتنا والفرح والكلام ده واننا هانبقا مع بعض بس كان في حاجة جوايا مخلياني مش قادره افرح قوي ويوم فرحنا مش عارفة لية مكنتش مبسوطة رغم الحب اللي كل الناس كانت بتتكلم عنه وكان متهيالي انة اول ماهيتقفل علينا باب واحد هانسى كل التعب ده لما اترمي في حضنة...واتجوزنا والمفاجاة اللي دمرت نفسيتي اني مادخلتش غير بعد 5 شهور من جوازي ..صدمة عمري ونفسيتي اللي كانت بتتقطع كل يوم ونفسيتة هو كمان اللي كانت متدمرة ...مكناش فاهمين لا انا ولاهو فية اية دكاترة وكنا بنروح شيوخ والكلام ده وجبنا كل حاجه اللي يقول ده ربط وكلام من ده واللي يقول ده خوف واللي يقول تعب نفسي لحد مالموضوع اتحل بعد 5 شهور لكن نا جوايا لااااااااااااااااااااااااااااااااااااااا ...........انا متجوزة دلوقتي بقالي سنتين ونص ومعايا بنت عندها 9 شهور بس الموضوع ده ضايع جوايا مش بفكر في العلاقة مابينا دية خالص وعمري مابشتاقلها ابدا وعمري ماحسيت اني عايزاها معاه بعد ماكنت زي اي بنت هاتجنن علية واحنا مخطوبين ...الموضوع بيحصل تقضية واجب بالنسبة ليا وبستنا اللحظة اللي ينتهي فيها ........اتعقددددددددددددددددددددت ولا اية انا مش عارفة بقيت مريضة نفسيا وعايزة اتعالج ولا اية ...كل هدومي وقمصان نومي مش عايزة البسها مش عارفة في اية؟؟؟؟؟؟
كمان من يوم ماتجوزنا واهلة عاملين ليا مشاكل عجيبة من غير سبب مش قادرين يشوفونا مبسوطين شوية ..مامتة واختة الغيره قاتلاهم تقريبا مش عايزين يشوفوني انا ولا بنتي لابسين حاجة حلوة مش عايزنا نسافر نغير جو مثلا بتروح علطول مخصماة ومنكده علية وبتتلككلي علي طول ......طبعهم غير طبعي خااااااااااااالص دماغهم غريبة جدا وغاويين مشاكل مش عايزين يسيبوني في حالي مشاكل علطول معاهم لحد ماقرفت وزهقت وكرهت نفسي وحياتي وكرهتة هو كمااااااااااااااااااااااااااان...ايوة كرهتة ومش عايزااااااااااااااااااااة بسببهم محدش يقولي مالوش ذنب ...هو سلبي اوي معاهم ودايما بيغلطني وبيجي عليا انا ....مابقاش يحس بيا ابدا لو تعبت بيضايق بعد ماكان مش بيستحمل تعبي زي ماقلت...لو اتخنقت وعيطت شوية بيقولى لية النكدددددددددددددددددددددد بعد ماكان مابيستحملش دمعه من عنيا ...بقا مش طويل البال خالص وعصبي جدا مفيش كلام حب نهائي بيتقال ...دايما بعد ماكان طالع بيا السما بيقولي انا مش بيعجبني تفكيرك في اي حاجة ولا حتى واحد في المية اتغير معايا في كل حاجة ....حاولت اصلح مابينا كتير مش نافع بيرجع تاني ...بقولة فين حبك ليا فين خوفك عليا انت اللي عودتني انك تحبني اوي.لو كنا متجوزين جواز تقليدي كان ماشي يقولي خليكي في دلوقتي الحياة بتمشي والظروف بتتغير ....تصرفاتة وتغييرة خلو حبى لية يقل اوي مع الوقت لكن مشاكل مامتة وصلتني لدرجة اني فعلا حاسة اني مش عايزااااااااااااااة ....بكرههم اوي للاسف وانا عمري ماكرهت حد وكمان حاسة اني بكرهة ومش بحب اشوفة ولا بيوحشني ابدا لو بعدت عنة بقالي كده حوالي 4شهور والموضوع بيزيد معايا بشوف كل عيوبة ومش قادره اشوف اي ميزة فية وشايفة كل الناس احسن منة وبقلل منة قدام كل الناس وبشتكي منة علطول بعد مكنت بكلم علية كلام اكتر من الرائع..........حياتنا كلها عصبية ونكد وخلافات وصعبانة عليا بنتي بحس انها حاسة باللي بيحصل وهي في سنها ده وخاااااااااااااااااااااااااااايفة اوي ....خايفة اكمل وانا حاسة اننا هانسيب بعض اكيد لان مفيش تفاهم خالص واضيع عمري وانا لسة صغيرة....وخايفة اسيبة اتعب اكتر.........انا عايزاكم تنصحوني بجد اسيبة ولا اكمل معاه ....لاني والله تعبانة وبدعي ربنا كل شوية ياخدني عنده ....هو الططلاق صعب ولا اللي انا فية اصعب ....حاسة اني عايزة اهرب بعييييييييييد منة ومن اهلة ومش عايزة اشوفهم تاني ....ارجوكم قولولي اعمل اية بيجيلي حالات انهيار عصبي وشلل تقريبا وتقل في جسمي كلة من التفكير والحزن ...مش قادرة احكي لماما لانها بتتعب عشاني وبابا عصبي اوي ومتهور وممكن يحصل غلط وانا عايزة انة حتى لو حصل انفصال يحصل بهدوء عشان بنتي اللي لسة مش عارفة حاجة دية .......انصحوني واعتبروني زي اختكم ارجوكممممممممممممممممممم