بنات مسقط بليز طلبتكن (اختكن صغيرونه)

روحي ستي سنتر ولفي المحلات وان شالله هنالك بتحصلي ملابس نوم مثل محل نعومي .... وبعد باقي المشتريات لفي ف الستي ع راحتك وخذي وقتك ودشي كل المحلات وبتحصلي
وبعد المعرض سمعت بيفتح بدايه شهر 10 ممكن تحصلي بعض الاشيا الي ناقصتنك
بخصوص الاشيا لتزين الغرفه والحمام شوفي ف ماكس وف سنتربوينت
بخصوص المبالغ انا بعد ما اعرف لاني انا ببدا تجهيز بعد العيد وانا شاء الله بنستفيد انا وانتي من باقي الاخوات الحلوات:)

هلا بالعروووس
ان شاء الله تتسهل امورج والحين بادية فتره التنزيلات فحلو تخلصي امورج :thumbs_up:


ملابس الدلع على قولتك: لفي في سيتي الموالح بتحصلي واجد ( برومود، زارا، مانجو، اويشو ،محلات غيرها)
خذيلج 3 جينزات، 4 بناطلين الوان مختلفه، 3 برمودات، 3 شورتات، 3 تنانير قصيرة، 5 فساتين قصيرة خفيفه للبيت، قمصان على بديات نوعي حسب االالوان مفتوح على نص كم.
و 200 ريال كافي بالذات اذا خذيتيهم في التنزيلات . ولا تزيدي واجد لان بعد العرس وشهر العرس فرصة تاخذي الي تحتاجي

العبايات: 3 عبايات كافيه اذا عندج قبل، وبعدها خيطي عشان لا تروح الموديلات
الاماكن: ما اقدر افيدج لان صايره اتعامل مع وحد سامنه في مطرح ( روحي التجمع حطيت عنوانها)
الشيل خذي على حسب لبسج اذا تلبسي ملون او اسود وحاولي تاخذي معاهم الشنط من نفس اللون عشان الطلعات


المكياج : ما افهم فيه كللللش :worn_out:

طقم الشنط تحصلي في سلمان، وطقم الروب الرجالي كمان في سلمان و في نعومي النسائي واااجد حلوو

ملابس النوم: نعومي، اويشو، لاسنزا، وعندج في السبلة بنات يجيبو من الصين، حلوووة واسعارها رخيصة
نوعي بين الطويل والقصير وكمان في الالوان، خذيلج 12 -15 لبسه لان بتحتاجبهم بالذات في اول الايام
وصح لا تنسي تاخذي بجامات للتغيير :thumbs_up:


شنط و جواتي احس 6 او 7 كافي
وخذي الوان محايدة بتسهل عليج :)

ملابس داخلية: لاسنزا ( خذي طقم للمسا اشكال وحركات، واليوميه العادية)


للغرفه والحمام: سنتربوينت

كريمات الجسم. لا تكثري عشان تعرفي ذوق زووجج واحتمال تحصلي هدايا
عنديج لوكسيتان. بودي شوب،women secret, والي تجي مع العطور الفرنسية


وبس :thumbs_up:
روحي التجمع لفي فيه يمكن تتذكري شي ناسيته والبنات ما يقصروا:thumbs_up:

أنا وانت,,,,
مشكورة وربي يعطيك العافيه ياااااااااارب

وااجد افدتيني وان شاء الله اخلص اموري,,,,,



بعد سؤال.....

ياريت توصفيلي وين مكانها لي بمطرح؟؟؟

وسؤالي 2: تعرفي صالون شاطر بالأثنين جلسات الشعر والبشرة؟؟؟ ( صعب علي اروح صالونين)؟؟

ومشكووووووووره

هذا موقعها في مطرح

هي في البيت.. وانتي رايحة مطرح من بعد اشارات دارسيت بيجيلج اول داور اعتقد فيه سفينه وشراع تاخذي يمين تكملي لين ما تشوفي لفه صايرة شوي صعده على يسارج. تاخذي اللفه بيكون يمينج مدرسة تكملي شوي سيدا بتشوفي صالون اسمه الخدلج ومقابلج دكان وخياط. البيت الي مقابل الدكان والخياط. حتى تتصلي فيها وهي تطلعج. برسلج الرقم

وبالنسبة للجلسات ما عندي فكرة للاسف