صدمني لدرجه اني بتمني الموت

السلام عليكم ورحمه الله وبركاته
يابنات انا تعبت وفاض بيا وجايه احكيلكم قصتي اللي كرهتني في الدنيا والبشر
من سنه سافرت مع اهلي الاسماعليه وانا من القاهره اصللا والمسافه بين المحافظتين ساعه ونص المهم كانت صديقه امي هناك فماما كلمتها قالتلها يلا احنا وصلنا مستنينك تيجي فجات هي واخو زوجها عمره كان 33 سنه فلما شفته لفت انتباهي بس ما ظهرت شي قدامه اسلوبه رجولته تدينه مش بيفوت فرض ورجل عاقل جدا واحنا قعدنا هناك ثلاث ايام كان بيجي كل يوم مع صديقه امي يوصلها بس هو كان معجب بيا ومكنش مبين ابدا وفي اخر يوم قبل سافرنا حسيت اني مش عايزه اسافر واني اعجبت بيه لدرجه انه في تفكيري دايما مش عارفه انام ولا عارفه اذكر ولا اي حاجه وانا بسلم عليه واحنا مسافرين لقيت في نظراته حزن فقلبي حس بيه وبقيت اقول يارب ما يكون احساسي بيكدب عليا بيت هتجنن علشان اشوفه تاني ودي اول مره يحصلي كده وكان هو دايما بيكلم اهلي يطمن عليهم وفي مره بعد شهر من رجوعي كلم ماما وانت كنت بذاكر وقالها ازيهم كلهم وامتحانتهم عامله ايه فقالته قعدين بيذكروا انا واخواتي يعني فقالها طيب ممكن اكلمها اقولها علي دعاء حلوووو واسلم عليها فسلم عليا وقالي ركزي بامتحانتك ووهو بيكلمني كنت حاسه بكهرباء بقلي من كتير ما كان نفسي اسمع صوته وبعد كل امتحان يسيب شغله ويكلم اهلي يسئل ويطمن عليا وفي يوم كلم ماما علي تليفونها وماما كانت نايمه فرديت انا لما صدقت بقا وقعد يتكلم معايا وقالي ابقي اسالي عني فمره بمره كلمنا بعض ونزل القاهره وجالنا وقالي انه بيحبني من اول ما شفني وقولتله انا كمان وعشينا اجمل قصه حب ولا كننا في فيلم رومانسي واتخطبنا علي طول وبقيت اسعد انسانه في الدنيااااااااااااااا وبعد خطوبنا ابتدا يتغيرررررررررر مبقاش يسال عني كتير وفي شغله طول اليوم واكتشفت انه بخيل جداااااااااااااااا وبيحسب كل حاجه قووووووووووووووووي فبتديت اركز معاه قوي وبقيت عايزه اشوف شخصيته كويس فا في يوم اتكلمت معاه بالتليفون واتكلمنا في حياتنا علشان نرتبها بعد الزواج انا بحبه ومش عايزه اظغطهفي اي حاجه فقالي انا دخلي كذا فلما قالي كدا لقيت دخله قليل جداااااااااااا فقولت مش مشكله انا بحبه وهعيش معاه علي اي وضع مع انه قبل الخطوبه كان مبين نفسه انه مفيش حد زيه فحبيت اختبره كدا وقولتله مش مشكله حبيبي انا لو احتجت حاجه زياده هخدها من بابا تخيله رد قالي براحتك ما انا اختي لما اتجوزت بابا كان بيدها اللي هي عايزاه :( فلما قالي كده وقع من نظري فجاءه فقالي احكي لمامتك اللي قولتهولك فقولتله لا كلمها انت وقولها فلما قالها كان بيتكلم بطريقه مش حلوه وماما اضايقت منه وقالتله واحنا جاين بكره الاسماعليه هجبلك دبلتك معايا احتياطي واتكلم مع باباها ونشوف فقالها اوك امهم سافرنا وبابا كلمه مكنش بيرد عليه :'( واختفي تماما وبعت اخته تاخد الدبله انا طبعا من صدمتي مرضت وكنت ببكي ليل ونهار وحاسه اني في وهو او نايمه وبحلم بكابوس :'(لقيته كلمني بعد تلات ايام فرديت لاني كنت معصبه ونفسي اقوله اي حاجه تجننه كنت مقهوررررررررررررررررررررررررررررررررررررررررررررررررررررررره فلما رديت عليه كان بيبررلي موقفه فقطعتله كلامه وقولتله انا مش عايزاك وقعد قلبي يقولي شوفي يمكن عنده مبرر وعقلي يقولي دا ما احترمش اهلك حتا ولا فكر فيكي فكلمته نفسي اسمعله مبرر فقالي انتي حياتي وحبيبتي وانا مقدرش استغنا عنك انا افتكرت اني علشان قولت لاهلك ان دخلي كذا هما رفضوني فضايقت وانا اسف فصدقته وقولتله كلم اهلي صلح الموضوع فكلم بابا كذا مره واهلي طبعا مش طيقينه لانه مكنش ليه موقف المهم بعد كذا مره لما باب رد عليه وقاله بنتي مش هتعيش في مكان بعيد عننا ومبدائيا لازم تجبلها شقه جمبنا بنتي مش هتسافر بعيد عننا وكمان في بيت عيله معندهمش حاجه غير انهم يقوله دي قالت دي عملت وبس كده فقاله ان شاء الله حاضر وبعد كده جيه قالي ظروفي ومش هقدر وهو يقدر يعمل كده مش عايز حتا يتنازل عن حاجه وانا تنازلت علي شغلي علشانه وكنت مواقفه اسافر معاه واسيب امي المريضه اللي محتجني دايما جنبها :'( فقطعت معاه شهرين ويوم عيد ميلاد كلمته كان وحشني قووووووووووووووي والعشره كانت ماثره فيا مع اننا اتخطبنا شهرين بس المهم اتكلمنا والكلام جاب كلام وقالي انا بحبك ووحشتني قولتله وانا كمان بس لازم تعمل حاجه علشان نعرف نرجع لبعض قالي هحاول وطبعا معملش حاجه فقطعنا تاني ثلاث شهور وكنا كل ما نبعد عن بعض اتعب واشوف الدنيا كلها سوده وبقيت زعلانه من نفسي هو صلا معملش حاجه تخليني متمسكه بيه قوي كده فلقيته بعتلي رساله في رمضان فرديت عليه عادي برساله لقيته كلمني وقالي انا كنت بموت في بعدك وهعمل اي حاجه علشانك انتي حب عمري جالي امل وقولت يارب بقا كويس معايا قوي وبيحاول يرضيني ومن كلامه مره بمره عرفت انه مش هيعمل حاجه فكدبت نفسي انا بحبه وعايزه صورته اللي حبيته بيها اول ما فابلته تكون هي دي الحقيقه مش اي حاجه تانيه فشوفته من ثلاث ايام في مناسبه لقريبه صاحبت امي ونزل القاهره علشان عرف اني هكون موجوده وكنت مبسوطه قووووووووووووووووووووووي وبعد كده لقيته بيقولي متيجي نكتب كتبنا وبعد كدا نقول لاهلك قولتله انت بتتكلم بجد قالي اه والهي هيزعله شويه وبعد كده خلاص ولما يلقوني محافظ عليكي هيعرفه انهم كانوا غلطانين وقع من نظري تماما ورديت عليه قولتله وفين احترام البيت اللي دخلته واراجل اللي اتكلمت معاه قالي اعمل ايه من كتر حبي فيكي نفسي اعمل اي حاجه تخلينا مع بعض :'( انا مش مصدقه وحاسه انه شخص تاني مش هو دا اللي انا حبيته ابدددددددددددددا قلبي بيقولي اكيد ليه مبررات او ميقصدش وعقلي بيقولي ربنا بيحبك وكشفه انا في حيره ومرضت وكرهت الحياه ومصدومه وحاسه ان حبيبي دا مش هو اللي بيعمل الحاجات دي وشايفه ان دا مدام طلع وحش يبقا مفيش حد كويس وكله بيمثل ارجوكم سعدوني قولولي يمكن اكون ظلماه ولا هو اللي لا يصلح ؟؟؟