مشكلة الاتصال

اختي دشي ادارة الاجهزة (مدير الاجهزة) في لوحة التحكم واختاري محولات الشبكة وبتلقين تحتها موجود تعريف حق الوايرلس فطقي عليه باليمين واختاري تفحص تغييرات الاجهزة وبعدين جربي الانترنت واذا ما نفع ردي نفس المكان بس هالمرة اختاري تحديث برنامج التشغيل وبعدين جربي الانترنت واذا ما نفع ردي نفس المكان واختاري تعطيل وبعدين طقي عليه باليمين واختاري تشغيل وجربي الانترنت اذا تعدل او لا...

مشكورة للاسف دخلت لوحة التحكم ماعندي ادارة الاجهزه او مدير

اوكي اختي عيل بتلقين النظام والصيانة فطقي عليه وبعدين داخله بتلقين مدير الاجهزة (ادارة الاجهزة)
واذا ما لقيتيه فصوريلي لوحة التحكم عندج وهذي طريقة التصوير:
عن طريق زر print screen او بتلقينه باسم PRTSC او باسم PrtScr وبعدين تروحين برنامج الرسام وتسوين لصق وبس تحفظين الصورة وترفعينها من المنتدى...

وهني طريقة ثانية تقدرين تراويني فيها اللي يطلع لج عن طريق اداة القطع
http://forums.3roos.com/showthread.php?t=563172

الصورة مو راضيه تتحمل بس انا دورة في لوحة التحكم مدير او ادارة الاجهزه مافي

يمكن له اسم ثاني وانا الاب حقي سيمنس

اوكي حبيبتي ممكن تكتبين الاسامي الموجودة عندج في لوحة التحكم عشان اقولج وين تدشين

المظهر والسمات
اتصالات شبكة الاتصال وانترنت
طابعات واجهزه اخرى
حسابات المستخدمين
اضافة او ازالة البرامج
خيارات الاتاريخ والوقت واللغة

الاصوات والكلام واجهزة الصوت
خيارات الوصول
الاداة والصيانه
مركز الامان


..معليش تعبتك معي

اختاري الادارة والصيانة وبعدين بتلقين مدير الاجهزة (ادارة الاجهزة)