اول حاجه عملتها
ديسك سبونج
ودى المقادير
1 كيلو دقيق
1/2 كيلو زبده ( بدرجه حراره الغرفه )
1/4 كيلو سكر بودره
1/2 كيس بيكنج باودر
3 بيضات
الطريقه
نضرب الزبده قليلا حتى تتفكك
ثم نضيفه السكر ونضرب لتصبح كالكريمه ثم الدقيق بالتدريج وبعده نضيف البيض واحده تلو الاخرى لنحصل على عجينه شبه البيتيفور
ناخد مقدار معلقه من العجينه ونضعها فى ورق الكب كيك فى الصينيه الخاصه بالكب كيك ونحاول نفردها شويه بالمعلقه
طبعا كان نفسى اصور كل الخطوات لكن ماقدرت لان اليوم كان طويل وشاق
اسيبكم مع صور الطبق
دى بعد ماحطيت عليه كريم شانتيه وقبل التزيين
دى بعد التزيين زينته بشريحه تفاح احمر واصفر وكيوى وفاكهه مجففه
وهنا فتحت الورقه علشان تشوفوا شكلها
تورته الفراشه
المقادير
10 بيضات
1كوب سكر
1 1/2 كوب دقيق
رشه فانيليا
نضرب البيض والسكر والفانيليا حتى يرتفعوا ويتضاعف المقدار ونحصل على قوام كريمى ثم نضيف الدقيق بالتدريج وتدخل الفرن على درجه حرارة 160 حوالى 45 دقيقه او حسب الفرن اللى عندك
ولما طلعت قسمت الدايره نصيت وحطيتهم بالعكس اسيبكم مع الصور
وبعدين حبيت اعمل تورته وعليها صورة ابنى عملت اتنين واحده كريمه وواحد شيكولاته وحطيت صوره ابنى بين الاتنين
كل التورت بنفس المقادير السابقه
والصور هاتشرح قصدى
والجزء الابيض الفاضى ده نص مساحه الصوره اللى هاحطها تابعونى
هنا جبت التورته الشيكولاته وحطيتها جمب الكريمه وحطيت الكارت بينهم
بروزت الكارت بالكريمه والكريز وعملت وردات كريمه بين الفراغ اللى بين التورتتين علشان ميبانش فاصل
وطبعا شيلت الصوره قبل تقطيع التورته
ودى اشكال بالشيكولاته البيضاء زوجى الغالى هو اللى عملها كنت خلااااااااااااااااااص تعبت:worn_out:
ودى Castle Cake
شوفت طريقتها على اليوتيوب وعملتها لابنى وعجبت ابنى جدااااااااااااااااااااا
وده اكلير طريقته بالتفصيل فى مواضيعى
ودى صوره جماعيه لنتيجه مجهود يومين متواصلين قبل توزيع الاطباق والكانز والتفاف المعازيم
والحمدلله اليوم كااااااااااااااااااان رائع ومحدش صدق ان الحاجت دى معموله فى البيت من جمال طعمها
كان نفسى اصور كل خطو بس غصب عنى اكيد هاتعذرونى
ماتبخلوش بالتقييم لو عجبكم موضوعى
