« تجهيزات عرائس ' لــــيبيا ' لشهر شوال 1432 - 2011 م / الجزء : 22 »

ت

تحكمني قناعاتـي

مشرفة سابقة

11-09-2011 | 10:32 AM

بسم الله الرحمن الرحيم

نفتتح على بركة الله الجزء [ 22 ]

لشهر [شوال ] 1432 - 2011 م

لعرائس ( ليبيا )

♥|..

بداية تذكير مهم جداً بقوانين القسم وأرجو من الجميع الإلتزام بها :

..|♥

الجزء السابق للموضوع من هنا

♥|..

بالتوفيق لجميع العرائس

الله يسهل لكم أموركم

ويوفقكم ويسخر لكم أزواجكم

ويرزقكم بالذرية الصالحة

والله يرزق باقي العزابية

بأولاد الحلال اللي يسعدونهم ويهنونهم

(الْلَّهُمَّ حَصِّنْ فَرْجِيَ … وَيَسِّرْ لِيَ آَمْرِيْ … وَأَكْفِنِي بِحَلَالِكَ عَنْ حَرَامِكَ … وَبِفَضْلِكَ عَمَّنْ سِوَاكَ)

...

اللهم إني أستودعك أهل ليبيا
رجالها و شبابها ...نساءها و فتياتها ...اطفالها و شيوخها
اللهم انى استودعتك ممتلكاتها و مبانيها و منشآتها
اللهم انى استودعتك اراضيها و خيراتها
اللهم انى استودعتك امنها و امانها و ارزاق اهلها ...
اللهم انى استودعتك ...حدودها و بحورها و جنودها ...
فاحفظهم بحفظك يا من لا تضيع عنده الودائع و أنت خيرالحافظين
اللهـم حرر كـل المدن المحاصرة يارب
اللهم أمـين يارب العالمين

في امان الله

م

مرج حمام

عروس مشرقة

13-09-2011 | 09:06 PM

السلام عليكم وألف مبروك التجهيزات الجديدة

سؤال للمخالفة

نبي تصميم مودرن للستائر في غرفة الاستقبال ، اي يعني تشكيلة جديدة وحديثة ، لاني نبي انديرها في الغرفة

ت

تحكمني قناعاتـي

مشرفة سابقة

16-09-2011 | 12:36 PM

رد مخالف/

حبوبتي مرج هذوما ستاير الي عجبوني المودرن مافيهميش هرجة واجد
وع بساطة اكثر والوان هادية وحلوة
وبما اني ندور ع حتي انا مودرن فعطيتك الي انا عاجباتني

ت

تحكمني قناعاتـي

مشرفة سابقة

16-09-2011 | 12:41 PM

[COLOR=#ff00ff]السلام عليكم ورحمة الله وبركاته
مسساءكم /صباكم جوري
كيفكم يا صباياا

قبل ان [COLOR=#b2505c]تتزوجى يجب ان تعرفى هذه الاشياء

حياتك وأنت في منزل والديك تختلف كل الاختلاف عن حياتك مع زوجك ففي الأولى لا مسئولية عليك.. وفي الثانية أنت مسئولة تقريبًا عن كل شيء.

¤ أخطر سنوات الزواج هي السنة الأولى، فإن اجتزت الامتحان ضمنت لنفسك ولزوجك عيشة هانئة.

¤ لا تنسي أن فترة الخطوبة لا تكشف عن طباع زوجك أو من تقدم لك فكوني على استعداد لمواجهة المفاجآت بحكمة وعقل.

¤ التضحية من جانب الطرفين أمر لابد منه.. فهي أساس الحياة الزوجية.

¤ من أسس الحياة الزوجية الناجحة.. التعاون في مواجهة أمور الحياة وذلك بتدبير شئون البيت دون إرهاق لميزانية الزوج.

¤ مهما يكن الأمر فلا تنسي أن تحرصي على العلاقة الطيبة مع أهل زوجك، فإنك إن أحببتهم أحبوك وأحب هو أهلك وإن وصلتيهم ساعد ذلك على وصاله لأهلك وبرهم.

¤ وثقي علاقتك بأم زوجك فهي التي ربت وسهرت وأعطتك أعز ما تملك واعذريها إذا طمعت في جرعة زائدة من الحنان، فقدري ظروفها خاصة عند الكبر وكوني حليمة ورفيقة بوالده.

¤ تفقدي مواطن نظر زوجك وسمعه وشمه، وكوني له أرضًا يكن لك سماءً، وكوني له فرشًا يكن لك غطاءً، واحفظي غيبته وماله.

¤ بيت الزوجية – بيتك مملكتك – فعليك أن تتعلمي فنون الطهي والاهتمام بالمطبخ.. فالزوج يحب زوجته التي تهتم بأناقته وثيابه وملبسه ونظام بيته ومكتبه ومكتبته ويزيد احترامه لها إذا رتقت جواربه وثبتت له أزرار قمصانه وذكريه بمواعيده.

¤ شاركيه أفكاره واهتماماته وآماله وآلامه وطموحاته.

¤ إذا اشترى لك شيئًا أو هدية فاشكريه ولا تعيبيها أبدًا حتى ولو لم تعجبك، مجاملة له واتقاءً لجرح مشاعره وعدم الطعن في ذوقه واختياره.

¤ استخدمي معه أسلوب النفس الطويل والخطوة خطوة والكلمات الحانية والمعاني الرقيقة والهمسات الجميلة عند تغيير سلوك لا يعجبك فيه، وإياك والمصادمة حرصًا على مشاعره.

¤ لا تفشي له سرًا، ولا يتجاوز ما بينكما عتبة بابكما

منقول[/COLOR][/COLOR]

ق

قهوه الصباح

عروس رائعة

16-09-2011 | 12:47 PM

مرج كيف ماقاتلك تحكمني البساطه حلوه وبعدين حسب الجلسه

انا نفضل انه مايكونش فيه قصه ( قصه الستار الي تبدا فوق ومدندشه ههه) وياريت تحطيلنا صوره الجلسه واحنا نعطوك راينا حبوبه

M

Mella2

عروس رائعة

16-09-2011 | 01:08 PM

سؤال للمخالفة ..
حد جرب ملح وصابون اليوكو؟

صابون اليوكو

ملح اليوكو

ت

تحكمني قناعاتـي

مشرفة سابقة

16-09-2011 | 01:25 PM

رد مخالف :

انا نستعمل في الملح والصابون مرة بس استعمله وحق ماعجبنيش

بس الملح ممتاز ومفيد وشريت منه حتي لبتاتي وخذيت ملح بابايا وبياغور وحليب يعني روعة

وباذن الله حنزل صور حاجات العناية ببشرة وجسم

سؤال مخالف :

شنو حاجات مستلزمات الي ينحطن في الحمام مش فرش ولا ستاير

لا حاجات نظافة زي الشامبو وشنو اخره ؟

عطوه قائمة عشان نشوف شنو ناقصني

وربي يوفقنا ويهنينا جميعا ويرزق العزوبيات ازواج صالحة عاجل غير اجل يارب

M

Mella2

عروس رائعة

16-09-2011 | 01:52 PM

رد مخالف

نظافة شخصية :-
انا من اول الحاجات بتع النظافة كانت معطر جوو .. فكرت فيها عل اساس شهر العسل او البيت منعرفش ليش هههه

وأعواد قطن للادن

وقطن نسائي

وكلينكس وغسول كير فري للاماكن الحساسة

ومحتاجة اكيد قطن يومي

قطن عادي للوجه ...

ديتول كلينكس

وجل

كلينكس جونسن للمكياج

... غسول ومقشر وتونر وحليب

... ديودوارنت ...

فرشة ومعجون وغسول وخيط اسنان ..

... واكيد شامبو وبلسم وسيروم للشعر ...

وحجر للرجلين وفرشة للاظافر

متنسيش عوالة الباديكير والمانيكير
حاجة زي هادي .. لكن انتي خوديها ماركة من تيتان مثلا .. لانها حاجة حساسة واشري حتي كلينكس المعقم بالكحول من صيدلية وكل ماتستعمليهم امسحيهم

.. والسبونج بتع الصابون للجسم ...

لو بترفعي معاك للبيت حاجات نظافة للحمام او المطبخ زي مادرت انا :p
ديتول بخاخ (( للرخامات )).

. ومسيو بروبر (( للارضية ))..
ابدااااع هالمنتج

دواء الخشب

والزجاج

... دواء الغاز والكوشة والمايكرويف

... صابون غسالة وصابون تايد وصابون معاين وصابون ايدين ... محتاجة قوانطيات ... محتاجة وزرات للغبرة ومجموعه حكاكات ... ومتنسيش معطر الملابس وبخاخ تسهيل المكوي ... وممكن معطر الصالونات .. او الاثاث بمعني اصح

هادم الي في بالي حاليا ... ان شاء الله هادم الي انتي قصدك عليهم :(

ت

تحكمني قناعاتـي

مشرفة سابقة

16-09-2011 | 02:04 PM

رد مخالف :

منورة ياملوكة تمام في حاجات اشويا ناقصاتني

اشويا وحنزل صور بس الخط ضعيف ,,, نبي نسال

سؤال مخالف :/ الي عدوا لتركيا

نبي مكان دغري تعديله تلقي فيه محل متاع توزيعات افراح يعني ماكن واحد محل دغري تمشي وتلقي ؟؟؟

ت

تحكمني قناعاتـي

مشرفة سابقة

16-09-2011 | 04:01 PM

هذا الغسول اليومي الي حاليا نستعمل فيه في حد مجربه ؟

وهذا تونك عجبني ان بصبار واول مرة نجربه خذيته لجهازي

وكريمة هذي عجبني نبي ناخذها عشان ببايا في حد مجربها؟

شنو قصدك بالحليب قصدك الي يحول المكياج؟

وبخصوص حاجات نظافة الخاصة بمطبخ عارفة انا موتيه كم حاجة ونبي ناخذ

الي قتي عليهم بس مايدروش فيها عندنا هنا فقت لماما جبيه ليا بعدين لما نستقر باذن الله

اسئلة واجده هيا جاوبوا

في امان الله

M

Mella2

عروس رائعة

16-09-2011 | 04:18 PM

جواب مخالف :-

لا واللهي ولا حاجة من الي حطيتيهم جربته الحق .. ولا عندي اي فكرة ...
بالنسبة للحليب .. هو ينظف ويلطف ... وفيه انواع حتي تبيض وتعطي فيتامينات .. هالاشياء تقدري انتي تتحكمي بيها بمنتجاتك ... الي بتختاريها ... توا كلارنس .. كل حاجة وحاجتها وتقدري تشري سيت 1غسول 2 تقشير 3 تنضيف 4 تبيض 5 مرطب مثلا ...

ا

اروجا

عروس نشيطة

16-09-2011 | 04:30 PM

سوال مخالف
بنات من يعطنى طريقة لتغليف شوكلاته مع حلوة كونفيتى مع بعض نبي طريقة تكون حلوة

M

Mella2

عروس رائعة

16-09-2011 | 06:15 PM

جواب مخالف ..
اختي اروجا .. موضوع التغليف يبي شوية ابدااااع .. يعني فكري ف ثيم بتاعك لو مدايرة .. وحاولي تمشي للدغري او محلات الكونفيتي واللفات وشوفي افكارهم .. وركبي من كل زهرة بستان ^_*

لكن لو بتجي لنصيحتي ... وبكل صراحة ومن دون زعل .. كأن وخيتي
انحس فيها هلبة دسمة شكلاطة وكونفيتي .... حتي ف مدان ..
بما انك مدايرة الزوز ... الشكلاطة قدميها في الاول والكونفيتي بما انك بديري
لفة بديري ديري اللفة عل كونفيتي !!!! ان شاء الله مطولتش عليك ...

..

ع

عروس ليبيه

عروس جديدة

16-09-2011 | 06:37 PM

السلام عليكم F:

سؤال مخالف :

معلش خواتي نبي نسأل عن معارض لبيع الاثاث الاسود في بنغازي بالله اللي تعرف اسم اي معرض ومكانه تساعدني :(...

ت

تحكمني قناعاتـي

مشرفة سابقة

17-09-2011 | 09:55 AM

رد مخالف :

عندك تاج محل في طريق المطار ... بضاعه تركية وبضاعة صينية ....

وفي حتي تاج محل فرع في شارع دبي جنب الاسكافي ... حتي هو بضاعه تركية ... وبضاعه صينية ....

عندك محل بضاعه ايطالية وتوصي عليها انتي وممكن هو يكون عنده في شارع جمال هو بعد بنات حواء يجي في صفة ماعليش يافطه بس اسالي عليه يقولوك

وفي محل استقبال وفي منه فرع في مصر توه مش مذكره في اثاث ولا بس صالونات بس عدي شوفيه يجي في طريق فنيسيا

شوفي حبوبة هو كله ع ميزانيتك واثاث الاسود هو مقصود ان مودرن يعتبر نوعا ما اغلي من كلاسيك وكل ماكانت الجودة احسن كل ماكان اغلي بس

هذوما المحلات الي في بالي .... لو نعرف اخره حنزيدك

في امان الله

M

Mella2

عروس رائعة

17-09-2011 | 12:25 PM

سؤال مخالفة:-
انا نقصت هلبة المدة الي فاتت اكثر من 10 كيلو
بس لاحضت ان شعري بدي يطيح هلبة ... وخف بطريقة
خيالية ... زي ديل الفار حشاكم .. يعني طويل بلا فايدة

وعرسي قريب لو سخر الله ... فيه حد يقدر يساعدني ؟؟

م

مرج حمام

عروس مشرقة

17-09-2011 | 01:40 PM

رد مخالف: ملكة حبيبتي جربي زيت جدايل من عبد الصمد القريشي ضد تساقط الشعر وان شاء الله يفيدك

ق

قهوه الصباح

عروس رائعة

17-09-2011 | 05:35 PM

ملكه ..

خودي فيتمانينات بيش ايتقوي شعرك

سوءال قصقصه ..

امتا عرسك ؟

ت

تحكمني قناعاتـي

مشرفة سابقة

17-09-2011 | 05:39 PM

رد مخالف :

ملوكة انا شريت زيت الحية وان شاء الله يدير فايدة قريت عليه ان مفيد واجد للشعر

وحبوب زيت الحوت حتي هيا مفيدة

وزيت حندير موضوع في قسم الشعر حيفدوني العرايس

M

Mella2

عروس رائعة

17-09-2011 | 05:51 PM

رد مخالف
زيت جدايل شعري تعود عليه لين قال باااع !! يعني فترة مشي شعري معاه كويس وبعدين معاش مشي القدام ...
بالنسبة لزيت الحية ميمشيش معاااي لان شعري دهني ... وهو يبي شعر جاف !!!
وبالنسبة لحبوب زيت كبد الحوووت راحو من بالي .. بادن الله حناخدهم كورس :)

قهيوة بالنسبة لعرسي مزال محددتش بزبط .. بس ناوين عل عيد كبيرة ان شاء الله