طفشانه كارهه عمري ودي اهرب من البيت

ياعمري والله حزنتيني يوم قلتي اجلس بالفسحه لوحدي :( من جد شعور وجلسه الوحده تذبح

Noor1979;15546548:
السلام عليكم ورحمه الله وبركاته...

اختي الغاليه بالنسبه لمرضك .. الله يلبسك لباس العافيه وما يعوده عليك وطهور ان شاء الله ..


بخصوص مشاكلك يااختي من غيره ومشاكل بالعيله .. كونك بنت بال 22 سنه ما يعفيك ان تكون عندك اولا الصدمه النفسيه من المرض,, وهالشي هذا ضروري انك تتعالجين عنده عند اخصائيه نفسيه..لما بعد المرض.. خصوصا الاجانب تشوفيهم ماشاء الله يتابعون المرض وما بعد المرض والتأهيل النفسي والتثقيف الصحي والوقايه .. الخ .. الخ...

هالشي ضروري يكون عندك ,, وتسعين له.. المشاكل الي قريتها ,, ,وماشاء الله ضخمتيها وما عطتها اكبر من حجمها . ماهي الا مشاكل يوميه تمر على اغلب البنات الي في سنك .. الغيره والمكايد والبغض ,, والحب والكراهيه ,, والمصالح ,, والصداقه وغيره.. واخوك الي يحب يطلع رجولته عليك بحكم ان في سنت النضوج... كل الامور هذي .. هي شي طبيعي تمر فيه البنت..

ولول لاحظتي نفسك بين كل مشكله ومشكله .. انتي كاتبه الحل بنفسك... هو انك لا تهتمين لهم وطنشين... وتخلين علاقتك سطيحه معهم ...الشغله الثانيه... هي عليكي بتعزيز علاقتك مع اهلك ... الانسان ما يخلى من اهله .. وهم عزوته وهم ظهره .. حتى اخوك .. الي يستقوي عليكي.. شوفي العامل المشترك بينك وبينه... وتكلمي فيه معاه .. وقضي وقت معاه.. اختك الي معاك الي عمرها ست سنوات تلقينها مسكينها عندها مشاكل ...تحس انهامهمله ,, وان المشاكل بس تدور حواليك ,, وانتي ماتدرين عنها...

صاحبيها شوفيها سولفي معاه سوالفها الي على قد عقلها ... سوي معاها برنامج.. .. سوي جدول بغرفتك وحطيه قدام عينك... ان هذا الي تبين توصلين له... .. وما تخلي اي شي يخرب عليك..

بالنسبه لتليفونك او الاب توب... شغله وحده لو انتي ماتسوين شي غلط.. مايهمك كلام احد... وحاولي انك تسمعين كلام اهلك وتبتعدين عن اي شي يسبب لك مشاكل..

الدنيا ما تنأخذ بالساهل ,, هذي تغير مني هذي تكيد .. لي انتي لسه صغيره وماشفتي شي من بلاويها .. شوفي الي ادنى منك .. كيف عايشين ... شوفي ( الصومال) الي بعمرك عندها اطفال وزوج وبيت وعندها مصايب الدنيا واهمها كيف تأكل اولادها .. ادري يمكن تقولين اشدخل الصومال.. انا اعطيكي مثال.. الواحد يطالع النعم الي عنده ويقول الحمدالله ,, وواضح انك انسانه مؤمنه وقويه..

اعتذر اني طولت عليكي .. بس تحتاجين فعلا وقفه مع نفسك ومراجعه هل فعلا يستحقون هالناس انك تستهلكين قدرمن حياتك الثمنيه الي كانت ممكن ان تروح منك... بسبب هالمرض الخبيث... ولا انك تستمعين بكل لحظه.. منها وتحتفلين بلحظه انتصار على هالمرض وتشكرين ربك وتحمديه..

تحياتي

ام جنى