ضروري يابناات (جاب أهله مرتين وبعدين يبي !!

أ

أريد حلاً

عضوية عامة لمن تبحث عن حل لمشكلتها

09-09-2011 | 09:51 PM

السلام عليكم
اول مرة اكتب مشكلة لي
ابيكم تشيرون علي قلبي محتار
انا من بيئه متشدده وعندنا العادات والتقاليد ماتخلينا عنها سواء العباية ع الراس والغطوة وو
ومافي نظرة شرعيه عندنا اللي يبي يخطب ع راي اهله في البنت
شاب اتقدم لي
ودق ع اخوي قال له بجيب اهلي يشوفوني
وحددنا موعد وجاب اهله
وماردوا علينا !!!!:-#
بعد اكثر من شهرين رد وقال بجيب اهلي مرة ثانيه !!! عذره ان امه ماجات اول مرة <<اصلا امه ماتشوف حييل وقلنا يلا ماعليه
وحددنا موعد وجاب وشافوني

دق الحين قال يبي:
صورة لي !!!!!
واشرايكم
؟؟
نعطيه ولالا الكل استغرب ويقول اشفيه هذا جايب هله مرتين واكيد وصفوا له وش له بعد الصورة
هالدرجه مومقتنع!!
وانا يابنات الحمد الله طول ورشاق وشعر ناعم
يعني حسيت بالقهررر واشدعوة لهالدرجه متردد
شاروا علي اني اعطيه
بسانا يابنات قلبي مقبوووض
حتى لو وافق بس ماتوقع اني بنسى له هالشي ..القهر شنو شايف نفسه ؟
عايلتي منصب ورزه ومشهورة وخريجة جامعه وهو عايلته3بيوت !!

ومتخرج من ثانوي وراتبه مو ذاك الزود
بس الكل يشهد انه ع اخلاق
وهم انا ع اخلاق
احس قلبي معورني ع سالفه اني اوريه احس كأني بذل نفسي يعني هاا شنو تطلب نعطيك بس اخذني:(

وش رايكم

ذ

ذابحهم غرووري

عروس ماسية

10-09-2011 | 05:12 PM

شوفي حبيبتي هو راح يتزوج ومن حقه يشوف شريكه حياته
بالنسبه لااهله يمكن ماوصفوله عدل وهو يبي يشوف شريكه حياته قبل لايتزوجها وهالشي من حقها
ومافيها شي انج تعطينه صورتج او انه ايي يشوفج نظره شرعيه
موفقه الغلا

أ

أجراس الحنين

عروس رائعة

10-09-2011 | 05:21 PM

ممدري واللهي شيء يحير ..

وسسالفه الصوره ! مآلهآ دآعي .. من جهتي لو مكآنهآ ما بعطيهم للحيني مى في بينآ عققد واعطيه صورتي مدري

وش بغبر فيهآ ..

مدري واللهي شيء يحير ..

(=

n

nooralhidayah

عروس مشاركة

10-09-2011 | 05:44 PM

حبيبتي انت قلتيها قلبي مقبوض منه وانصحك تصدقي قلبك يعني جاب اهله مرتين والحين يبي الصورة ليش؟؟؟؟؟
الموضوع ماحبيته ابدا ومثل ماقلتي انك حلوة وماعليك قصور لا من ناحية الشكل ولا الأخلاق وهو عارف بعاداتكم فماله داعي يسوي هالحركات والغلطة انكم قبلتم ردة اهله للمرة الثانية كأنهم قاعدين يترجونه يتزوج و اهو اللي موبراضي وهذا رأيي الشخصي ولك مطلق الحرية تاخذيه او تتركيه لكن افضل ان تصلي استخارة والله يقدم لك كل خير آمين يارب العالمين. وسامحيني و تقبلي مروري.

م

محبوبة عاشقها

عروس رائعة

10-09-2011 | 05:54 PM

عادي تعطيه الصوره من حقه يشوفك لا تبدين من البدايه تشيلين عليه
لكن اذا انت مو مرتاحه للسالفه بلاها
وانت الك مطلق الحريه بلاختيار بالرفض والقبول
واخذي الامور ببساطه
والله يتمم لك ع خير
ويكتب لك الي في الخير الك....

B

Belle Rosa

عروس متألقة

10-09-2011 | 06:04 PM

أنا رأيي أنه حركته مو حلوة..بس من حقه يشوفك..أنا لو مكانك بقوله ما بعطيك صورة و إذا هو أصر عليك حاولي رتبي شوفة شرعية بس افرضي ما صار نصيب ما بصير يكون عنده صورتك! و أولا و أخيرا استخيري ..موووفقــة ..

س

سيده نفسي

عروس فضية

11-09-2011 | 12:38 AM

يمكن عندهم ظروف سبحان الله!!

ثانيا من حقه يطلب صورة ومن حقه يشوفك بالنظرة الشرعية ولا تنقهرين ولا شي ..

حتى لو اهله وصفوك له وصف دقيق لازم يشوف سبحان الله احيانا من الصورة او حتى النظرة يحدد الاستمرار ام لا..

ثانيا الظاهر انك شايفة حالك او منقهره لانه طلب وقمتي تقولين انتوا اعلى وعايلة ووو ..

اذا هذي نظرتك رفضي الشاب ولا انك تقولين هالكلام لانه عيب..

الرجال ينأخذ بالاخلاق والسمعه الحسنة وانتي من بدايتها تقارنين..

بس دام الموضوع ما عجبكم كان من البداية قلتوا ما فيه نصيب..

F

FINDY

عروس رائعة

11-09-2011 | 12:59 AM

أنا اقول لا تعطينه الصورة

خليها نظرة شرعية او ( شوفة السنة )

الصورة صعبة جداااا
و إذا أصر مش لازم 100 رجال غيرك

لا تعطينه الصوره ابدا انتي ما تدرين وش كثر هالمشاكل بالدنيا
والدنيا ما فيها امان

ما تدرين يمكن نيته مش حلوه مثلا يعني لا توسوسين
بس انا بتاتا ما أأؤيد الصورة

شوووفة السنة بس

.

.. أمــ عــلــيــ ..

عروس ماسية

11-09-2011 | 01:10 AM

لمثل هالمواقف شرعت النظرة الشرعية ..

اذا هو مصرّ يبي الصورة .. اطلبي من أهلك يسمحوا لك بالنظرة الشرعية .. منها يشوفك ومنها تأمنين على نفسك لو ما حصل بينكم نصيب ما يستغل صورتك بأشياء ثانية ..

الله يسهـّل أمورك ويعجـّل لك اللي فيه الخير ..

*

*×*انا غير*×*

عروس جديدة

11-09-2011 | 01:29 AM

انا اشوف انو من حقه يشوفك .. لانو هو الي حيتزوجك مو اهله !
وبما انو انتوا عادتكم ماتسمح لكم بالنظره الشرعيه ممكن عشان كذا
هو طلب صوره .. بالنسبه لي لو حتعطيه الصوره يشوفك يكون عندكم
او حد من اخوانك جنبه يشوفك وتاخذون الصوره منه .. بكذا يكون شافك وحتى لو
ماصار نصيب مايقدر يسوي لك حاجه ..
اتمنى ـأ اكون افدتك .. دعواتك

ا

الجوهرة

مشرفة سابقة

11-09-2011 | 01:50 AM

*×*انا غير*×*;15544984:
انا اشوف انو من حقه يشوفك .. لانو هو الي حيتزوجك مو اهله !
وبما انو انتوا عادتكم ماتسمح لكم بالنظره الشرعيه ممكن عشان كذا
هو طلب صوره .. بالنسبه لي لو حتعطيه الصوره يشوفك يكون عندكم
او حد من اخوانك جنبه يشوفك وتاخذون الصوره منه .. بكذا يكون شافك وحتى لو
ماصار نصيب مايقدر يسوي لك حاجه ..
اتمنى ـأ اكون افدتك .. دعواتك

انا مع كلامها

الصورة صعبه

لأن في هالزمن الأمور سهله من تزييف وطبع الصورة في ثواني

خل يشوف الصورة في بيتكم وماياخذها معاه ولا يطرش اخته تاخذها له

والله يسخر لك الخير ويستر عليك

م

مآأقوى الفراق

عروس مشاركة

11-09-2011 | 02:14 AM

انا اقول خليه يشوفك شوفه شرعيه
وبعدين لاتشيلين هم
اذ كان من نصيبك بتاخذينه سوا اعطيتيه صورتك والا لا
الله يكتبلك الي فيه الخير

ز

زهوور البحرين

عروس مبدعة

11-09-2011 | 02:25 AM

اولا اهو من حقه يشوف الانسانة اللي بيتزوجها يعني مو معقولة مايشوفج هذا صار مال قديم الزمان و اكيد لان انتو عاداتكم و تقاليدكم غير قال يبي الصورة ..

و بعدين مو حلوة تقولين عن الصبي جذي انتي ماتدرين شنو اللي حداه يقول يبي يشوف صورتج لا تسيئين الظن ..

وترى اقلها اهو بعد بيقول عايلة و منصب و مشهورة و خريجة جامعة و اهلها متخلفين مايبوني حتى اجوف الانسانة اللي بتزوجها هذا الشي صار نادر يصير عندنا ..

م

مشكلتي دلوعة

مشرفة سابقة

11-09-2011 | 02:42 AM

حبيبتي هو طلب الصورة من اخوك ؟؟؟
اذا كذا سهل الموضوع قولي لااخوك خليها نظرة شرعية...يمكن انتي بعد ماترتاحي لة بالنظرة الشرعية ...

ل

لوسيالدلوعه

عروس نشيطة

11-09-2011 | 03:04 AM

عادي حبيبتي عطيه هذه زواج مو لعب عيال يعني لو عطيتيه صوره عادي
تحياتي

خ

خلود2

عروس مبدعة

11-09-2011 | 04:48 AM

انت كمان اطلبي صورة له وتكون متساوين
الله يوفقك

S

Sweet N Sour

عروس ركن العناية بالبشرة والجسم وركن العطور والعناية بالشعر

11-09-2011 | 12:27 PM

اختي اشوف موضوع الصورة غير ملائم،،اذا يحب يشوفك يجي يشوفك طبقا للنظرة الشرعية في حظور عايلتك غير كذه لا يصح، ما يصح صورتك تطلع لغريب.

الله يوفقك و يكتب لك الخير

!

!سموي خلقي!

عروس رائعة

11-09-2011 | 11:40 PM

ماله داعي الصورة صراحة
في طرق ثانية يشوفج فيها ويتاكد انج حلوة

ت

تاج الدين

عروس برونزية

11-09-2011 | 11:46 PM

حبيبتي هادا الشئ من حقه
خليه يشوفك عادي ببيتكم وسط اهلك عادي
هدا شرعا من حقه

أ

أمنيات قلب

عروس متألقة

12-09-2011 | 12:26 AM

.. أمــ عــلــيــ ..;15544924:
لمثل هالمواقف شرعت النظرة الشرعية ..

اذا هو مصرّ يبي الصورة .. اطلبي من أهلك يسمحوا لك بالنظرة الشرعية .. منها يشوفك ومنها تأمنين على نفسك لو ما حصل بينكم نصيب ما يستغل صورتك بأشياء ثانية ..

الله يسهـّل أمورك ويعجـّل لك اللي فيه الخير ..

كلامك صحيح :thumbs_up::thumbs_up: