بناات البحرين الحبيبات ..عمليه التلقيح بالمجهر

النويره;15549745:

أختي محرقيه انا سويت الحقن المجهري في الرياض في مركز

داما الطبي مركز ذرية بس الله ما أراد يصير حمل والحمدلله على كل حال

والله المركز للأمانه تعامله وايد ممتاز بس مكلف شوي واذا سويتيها في الرياض تضطرين تجلسين هناك شهر تقريباً انا كلفتني العملية مع العلاج مع السكن تقريباً5000 دينار لأن كانت عمليتين الحقن المجهري لي والتفتيش المجهري حق زوجي

أما صباح وزوجها كنت اراجع عندها في البداية ولكن زوجها سبحان الله ما يعرف يتعامل مع المرضى صراحه دفش زوجي ما ارتاح له فغيرنا .

والصراحه اذا بفكر اسويها العملية غالباً بسويها في البحرين او الأردن والله ييسر لنا ان شاء الله الحمل بقدرة الله بدون علاجات ولا دكاتره...اللهم آمين

محرقيه حتى النخاع;15550559:
مكلف واااايد الصراحه لو مسويتها هني مابتوصل 2000
المشكله هني اشطر واحد يسويها بركات ومن كثر الناس وسرعته صار الواحد مايحب يروح له خصوصا اللي منصدم فيه مثلي يعني كان شي قبل العمليه وصار شي بعدها سبحان مغير الاحوال ..

والله مشكله
استغفر الله العظيم
ربي ايسر لنا وللمسلمين دون عمليات ودون شي يارب العالمين
قادر يا كريم

النويره;15553296:
[/SIZE]



اي اختي انا معاج الناس في البحرين وحتى خارج البحرين يمدحون بركات وانا وزوجي استخرنا ورحنا عنده وسبحان الله من دخلنا المستشفى عنده زوجي يقول لي قلبي مقبوض وانا بعد صادتني نفس الحالة انقبض قلبي من دخلت عنده الصراحه واول ما شافنا وشاف تقارير زوجي قال لنا بالحرف الواحد (جيبو فلوس العملية وتعالو) ومنها ما طبينه عنده الصراحه انا اخاف منه كلش ما آرتاح له ابداً ولا افكر اسوي العملية عنده .... والحين انفكر نسويها بالعسكري والله ييسر الأمور

والله يكتب لنا الحمل بصحه وعافيه من عنده انه على كل شي قدير سبحانه
بس اختي عليج بسورة البقرة والاستغفار والله كريم

مظلومة من اقرب الناس;15555335:
الله يوفقك ويرزقك بالذرية الصالحة

التفاحة الجناوية;15553754:
الله يوفقك بكل خطوة ان شاء الله ويكتب لك كل الخير و الذرية الصالحة ياااااااااارب و مايحرمك من الأولاد و يكون في ميزان حسناتك و يقويك و يشد من أزركـ و يرحمـ بحالك ان شاء الله و يرزق كل طالب حاجة ولا يرده ان شاء الله إلا وهو راضي ,, فهوو القادر على كل شئ واذا قال للشئ كن فيكون ..

حبيبتي اختي ماعندي فكرة عن الموضوع بس ان شاء الله دعواتنه تكون ذات قدر عند الله .. دمت بود وسلام

فراولــــه ملكيــــة;15553355:
يارب يرزقكم بالذرية الصالحة ان شا ءالله

وتفرحون في عيالكم وتستانسون فيهم