بسم الله الرحمان الرحيم
حبيبتي انا أأيد البنات بخصوص الكيراتين..مفعوله خيالي ,أنا استعملته في كثييير زباين بحكم شغلي في مجال الحلاقة و التجميل..وانصحكي به بس لازم مو لحالك تعمليه في شعرك , روحي لصالون تثقين فيه لانه لازمه طريقة معيّنه حتى يتعمل في شعرك, و يبغاله بين 3 الى 4 ساعات مدّة بقائك عند الكوافيرة حتى تكمّل تعملهولك في شعرك يعني شغلانه عشان كدا هو غالي , ومن شروط تمااام فعاليته لازم يا عروستنا الحلوة يبقى في شعرك لمدة 4 ايام بدون ما تغسليه و لا تمشطيه لان الكوافيرة راح تزبطلك شكله بمكواة الشعر المبسّطة الشبيهة بالفييير اتمنى انك فهمتيني عن ايش اتكلم
اسفة لاني ما عرفت انزل الصورة..:o
*كمان لازم ما تمشطي شعرك ولاااااااا اي نوع من انواع الامشاط ابدااااااااااااااااااااااااااا .. ولا تفكّري حتى انك تزبّطيه شوي بأصابيعك الحلوة
*ولاااااااا تغسّليه ولا تبلّيه ... وعشان تتوضئي للصلاة انصحكي انك تتيمّمي او الافضل اسألي اهل العلم بهالخصوص
*كمان لازم انك ما تحطي ولا بنسة .. ولا تلمّي شعرك ابدااااااا .. لازم يبقى مفكوك
* حاولي قدر المستطاع انك ما تعرقي لآن العرق والمويا راح يوقف مفعول الكيراتين وما راح تستفيدي ولاااااا شيء ...حاولي تجلسي في اماكن فيها تكييف او مو حارة حتى ما تعرقي , ولا تجهدي نفسك
*كمان لا تغطي شعرك ابدا لمدة 4 ايام ولمّا تصلي حاولي ما تطوّلي الصلاة واوّل ما تخلّصي لا تنسي شعرك شيلي الطرحة على طووووووووول
****يعني من الاخير يبغالك ما تطلعي من بيتك لمدة 4 ايام ,وخذيها فرصة ريّحي نفسك من كثير اشياء تشغلكي يعني ايجازة لمدة 4 ايام;)
و اخيراا في رابع يوم راح تغسليه ولازم بشامبو و بلسم خاص بالكيراتين
-ولاتخافي تقدري اذا خلّص عليكي الشامبو والبلسم الخاص بالكيراتين تقدري تغسلي شعرك باي شامبو عادي طبعا خاص بنوع شعرك لانك اذا كان استعملتي شامبو الشعر الدهني وانت شعرك جاف راح تتعبي شعرك
- اذا شعرك جاف استعملي الشامبو والبلسم كل واحد في علبته لحاله ولا تستعملي الشمبو 2في1
***عزيزتي اسفة لاني طوّلت عليكي لكن حبيت انصحك بأمانة واعرفي انك راح تفرحيييي مررررة ان شاء الله بالنتيجة بعد الكيراتين
يعني تقدري تسبحي مو زي الفرد ما يحب البحر لانه اذا انبل بالبحر يخرب الشعر, والكيراتين هو عبارة عن علاج للشعر يخليه ناعم و فيه لمعة حلوة وسهل التسريح...
على فكرة هو ما يطلق الشعر ولكن يخفف من تجعيده و يخليه سهل التسريح و تقدري تمشطيه بسوهواة وتسشوري شعرك لحالك بدون تعب, وفعاليته تبقى في الشعر مدة 6 شهور ..ولما تعيديه بعد 6 شهور راح ينعم اكثر وتجعيده راح يخف اكثر من الاوّل....وانصحكي بالنوع البرازيلي القوي حتى يعطيكي مفعول اسرع
ووالله اني اتكلم بكل صدق معاكي لاني اشتغلت بيه لكثيييييير من الزباين وكمان وزوجي عمل منه في شعره ..شعر زوجي كان مررررررررررررررررررررررررررررررررة مجعّد واشترطت عليه انه ما يقابلني يوم الخطوبة وشعره كدا لانه شعره كان طويل شوي يعني لحد الرقبة كان دايم يستشوره , فعمل الكيراتين و صار شعره مررررررررة حلو وخف التجعيد للي فيه و صار مموج وبعد 6 شهور عمل الكيراتين مرّة ثانية واستغنى عن السيشوار لانه صار ناعم...
وكمان من فوائد الكيراتين يطوّل الشعر...زوجي كمان حلاّق رجال بيحكيلي انه في عنده زبون كان شعره تعبااان و ما يطول , وبعد الكيراتين صار ما شاء الله بيطول بيقول صار دايم بيجي عشان اقصله شعره طبعا صار داءم الاهتمام ب شعره اكثر من الاوّل...
اتمنى اكون قد افدتك بمعلوماتي المتواضعة :study:وارجووووووووكي سااااامحيني على طول رسالتي....والله يباركلك و يوفقكي في حياتي الزوجية والمهنية دنيا و اخرة ان شاء الله
سلااااااااااااااااااااااااامF:F:
{ لذوات الشعر الكيرلي .. طريقتي السهلة بدون أضرار لمظهر ناعم..~ 
{ "خلطة ذيل الحصان" .. لكثافة+طول+نعومة+قوة الشعر..~