باركووولي ولدت ...قصة ولادتي السريعة

صباح \مساء الفل والورد
وكل عام وانتوا بخير وعساكم من عوادة




باركووولي يا عروسات ولدت وجبت ولد (....) لاني قالو لي بنت للان ما عرفت شنو اسمي ولدي المهم بقول لكم قصة ولادتي السريعة على السريع







يوم الاربعاء اللي قبل العيد حسيت بالم في ظهري مثل الم الولادة وخبرت الحرمة اللي احط عندها ولدي اني اذا ما جيت بكرة معناها ولدت وثاني يوم قمت عادية جدا ورحت الدوام ورجعت ورجع الالم فكل الناس قالو لي من التعب ولاني اشيل ولدي ....واقعد فترة طويلة في المكتب واسوق مسافة طويلة وكذا ... يوم السبت كنت عادية جدا ونشيطة قمت الصبح لبست ولدي وفطرت ( طبعا للاسف ما صمت رمضان ولا يوم ) ولبست ووديت ولدي للحرمة وقلت لزوجي يوديني الدوام لاني ما بسوق بعد اليوم قام وداني وداومت عادي ولما خلصت جا زوجي اخذني وجبنا ولدنا ورحنا البيت ....في الطريق زوجي قال لي نروح نفطر برا اليوم قلت له اوكي مع اني افكر في العيد وتجهيزات الولادة ما خلصتها وكذا قلت مو مشكلة هو صايم ...المهم رحنا وفطرنا وبعدها رحنا اتمشينا في شارع الشيخ زايد ورحنا الجميرا ولفيييييييييييينا ورجعنا البيت ....على الساعة 11 ونص بالليل ....جيت البس شبشب الحمام ( اكرمكم الله ) رجلي ما دخلت فيه فقلت لزوجي رجلي ورمت ....استغرب وقال لي من شنو قلت له ما اعرف المهم نيمت ولدي وزوجي قام يصلي ....على الساعة وحدة بدا الالم بس عادي لما جا زوجي قلت له عندي الم الولادة قال لي يعني ممكن انام شوي ولا اوديك المستشفى قلت له نام ....وانا بعد نمت الساعة 3 زاد الالم ....قمت دفيت الماي وتسبحت خف الالم وطلعت شيكت شنطتي وصليت الصبح الساعة 4 ونص على طول بعد الاذان ما انتظرت الاذان الثاني
وسبحان الله لا نزل دم ولا ماي ولا اي شي
بعدها على طول زاد الالم وااااااايد صحيت زوجي ولبسنا ووديت ولدي لامي الساعة 5 دخلت الطوارئ وكان الالم كل 5 دقايق وانا بدأت اصارخ ....حطوا لي جهاز التخطيط وكشفوا على قالوا لي 3 ونص سم
وقاسوا الضغط والوزن واخذوا عينة دم وركبوا لي الفراشة وبدلت ثيابي وخلت غرفة الولادة الساعة 6 طبعا امي خلت ولدي مع اختي الصغيرة ولحقتني الساعة 5 وربع ...
دخلوني على طول على ستيج 3 .. ...غرفة الولادة فيها المرحلة الاولى والثانية والثالثة ...استغربت وانا جاية اقوم من الكرسي المتحرك جاني طلق وكنت ماسكة في ايد الممرضة واصارخ جات القابلة وهذبتني خخخخخخخخخ قلت لها اتالم قالت لي الحمدلله الالم زيين ولادتك بتكون سريعة .....ورحت السرير وكل شوي يزيد الالم وانا استغفر وادعي اقول يارب ...وقلت للممرضة بروح الحمام قالت لاء وجات فحصتني قالت لي 8 سم ..استغربت كانت الساعة 6 ونص ....الساعة 7 الاربع جات فحصتني وقالت لي 10 لما تحسين انك بتروحين الحمام سوي بوش طبعا لفيت وجهي منها وقلت هذه مجنونة وبعد شوي حسيت عمري بسوي بوش ....صااااااااااااااارخت وناديتهم بسرعة رفعوا السرير ونزلوا الاضواء وفصلوا جهاز التخطيط ورفعوا رجولي وسويت البوش الاول والثاني ولا ولدي طلع الحمد لله ....بعدها اعطوني اياه بدمه ووسخه وقالوا احضنيه ....حضنته كان صغيييييييير وشالوه ونظفوه وفصحوه ....وقعدت الدكتورة تخيط لي




ولدت الساعة 7 يوم 28\8\2011 وهو يوم ميلاد امي ويوم زواجها ويوم تخرجها من الجامعة
ولدي الحمدلله سالم معافي بس دخلت ماي الجنين في عيونه وانفه وعملت له التهاب بسيط والحين هو بخير وانا الحمد لله بخير
شفتوا ولادتي السريعة الحمدلله ربي خفف عني وعوض صبري