ولادتي بعد شهر ساعدوني

مو شرط أكل معين و لا قهوة معينة

كلي بروتينات تعوضي الدم اللي فقدتيه و لأنك مرضع بعد
ركزي على الفيتامينات ( الفواكه و الخضار ) و التمر



سوي لكـ مغلي قرفة و فلفل أسود و زنجبيل لتنظيف الرحم
اشطفي بماي و ملح لتعقيم الجرح

و انتبهي لحركتك بشويش و لا تشيلي شغلات ثقيلة

الطبخ سوي مشوي أسهل لك و أخف لك و لا حتى مسلوق
و رز أبيض

لا تتعبي حالك



شغلات النفاس الخاصة ما أدر ي عنها
و الله يسهل ولادتك و تقوموا بالسلامة

هم بعد في طريقه ثانيه
تتسوى بالحسو مع كستر وحليب او مررره حلوه
وتنشرب كثير حتى بنت خالتي تعمل ترمس كبييير وتوديه معاها الشغل وكمن يشرب منه
وممكن حتى زوجك يحب طعمه ..

بنزل لك الطريقه بالصور من منتدى اخر
جزاها الله خير البنت منزله الطريقه والصور

ــــــــــــــــــــــــــــ من منتدى اخر ــــــــــــــــــــــــــــ

اليوم تجمعنا في بيت امي الا تكلموا في حسو باالحليب والكاسترد وصار خاطري فيه ودورت الطريقه من المنتديات وحمدلله قدرت احصل على طريقه سهله وشكلي باجربها الليله وهالطبخه مو شرررط للنفااس حتى الضيوف تقدرون تعطونهم وهي طبخه تدفي خصوصا لهالايام الي فيها البرد موووت وان شالله تجربونه وانه معاكم واخليكم مع المقاادير


المقادير


1/2 كوب حبه حمرا ( حسو )
مغسولة ومنقوعة بالماء لمدة 3 ساعات او اكثر

2 كوب حليب سائل ( ندى )
2 ملعقة كبيرة طعام كسترد
1/2 1 ملعقة كبيرة سكر او حسب الرغبة
1 ملعقة صغير هيل - زعفران

الطريقة:


نضع الحسو منقوعة بالماء على النار




نضع الحليب مع السكر في القدر
على النار حتي يبدأ يغلى




ثم نذيب الكسترد في بقية الحليب




ونضيفه على الحليب المغلي مع التقليب جيدا





ثم نضيفه الحسو المنقوعة بالماء ونقلبه بسرعة بالخفاقة اليدوية



ثم ضيفي الهيل و الزعفران وحركيه ثم طفي النار






بالهناء والشفاء

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
من منتدى اخر
جزاها الله الف خير



بس للامانه اللي اعرفه
ان النوع الاول اللي يكون بدون حليب
احسن واقوى يعني النوع الثاني طعمه احلى
بس فايدته ماتجي قويه نفس النوع الا ول لان يكون مخفف بكستر و حليب
بس الاساس الاثنين تمام ...

انا امي تقول يفضل ان ينطبخ يوم بيومه او حتى ليومين او ثلاثه بس مره وانا افتر فالنت قريت ان وحده تطلب هالاشياء من برى يعني من طباخات من البيوت وهي كويتيه

قالت طلبت قبوط وطلبت حسو وطلبت اشياء ماعرفها وقالت ان طلبت الحسوو ويكفي لمده 5 ايام
فاعتقد عادي يعني ,,

وممكن تاخذين هالفكره انج
تتفقين مع طباخه تطبخ لج فالبيت وزوجج يجيب لج الطلب كل يوم او كل يومين
وتكون ثقه ونظيفه وقولي لها انج يتيمه وبتعتمدين عليها علشان يكون طلبج مضمون عندها

تسوي لج مثلا
الحسو والعصيده بالبيض واكيد هي تعرف شنو
الاكل المفيد لانها بتكون طباخه متمكنه


هم بعد عندنا
شي نسميه علج البان
ماعرف شنو تسمونه
وهاذي صورته لعيونك



على حسب ماسمعت
تحطينه في قاع بطل مويه وتصبين عليه ماي عادي
وتخلينه يتنقع ليما تحسينه اصبح لين وتغير لون الماء تشربينه
قبل النوم والصبح حاول تسوين المويه ليومين يعني تسوي جديده يوم وترك

واساسا ترى هالطريقه تنفع حتى لشد الجسم ..
ماعرف لو في طريقه ثانيه لها بعد لاستخدام علج البان ....


اممم كان بودي افيدج اكثر واكثر بس والله ماعندي خبره
انا استخدمت الحسو وماي علج البان
لاني طرحت بو شهرين

يعني ما اكتمل الحمل فماسويت وايد اشياء

على الله العوض ان شاءالله ...


والله يتمم لك على خير يارب
وان شاءالله كل شي بيتسهل وبيتيسر
لاتحاتين ياقلبي ربي ماينسى احد

والله يسهل لك يااارب العالمين

لاتنسين تتصدقين
بنيه تيسير وتسهيل الولاده
وتيسير الامور باذن الواحد الاحد

F:F:F:F: