ابي مساعدتكم اول موضوع لي

بكون معاكي صريحه
يعني انتي عروس جديده ويتصرف معاكي كدا صراحه قلة ذوق وعقل
حركته مررا بايخه ومو عشان اخته يسوي فيكي كدا
يعني كل ما اخته تكلمه فيكي بشئ يقوم يطردك وياللا بيت اهلك
حبيبتي بنات الناس مو لعبه في يده ويد اخته
كلمي ابوكي ولا عمك ولا خالك
المهم رجال
عشان يعرف قدرك واخته كمان تعرف
ولا الموقف هذا راح يتكررررر معاكي دايما
الله يعينك وينصرك

يا قلبي عليج شنو هذا بصراحه مدري شقولج بس تصرفه غريب يعني هو ماعنده شور ولا راييي اخته هي اللي تتحكم فيه وهي شكو تتحكم فيكم اختي لازم تحطي حد للي يصير انتي ماصار لج مده متزوجه وهذي قاعده تخرب بينكم قعدس معاه وتناقشي وقولي له ماحب احد يدخل بخصيوصاتنا لا من اهلك ولا من اهلك انا اللي مستغربه منه موقفه هو وش مفكر بنات الناس لعبه ياخذهم وياذيهم وهو بدون سبب يروح يوذيج بيت اهلج صج ماعنده دم اسمعي اختي انتي لا رجتي بيت اهلج وجا بيردج وردي عليه رد قوي قول له بنات الناس مو لعبه متى ما بغيت وديتهم بيت اهلهم وجبتهم لازم توقفيه عند حده هذا وانتي ب لج 3 شهور متزوجه كيف لو تصير سنه وسنتين وش بيسوي واضح انه معقد الله يشفيه ويهديه

ماشاء الله البنات ماقصرو....
بس لازم يحط حد لأخته و يقوي شخصيته قدامها و مايخليها تتحكم فيه و لا فيك
لو يظن انه الاحترام بسماع كلام اخته قوليله انه غلطان
الله يوفقك اختي و لازم تدخلي رجال كبير فاهم و عاقل خليه يكلمه على النقطة دي
لأنه لو ما انقرص من الاول رح تدخل اخته اكتر و تعمل مشاااااااكل اكتر

الله يهينك لاتسكتله علمي اهلك خليه يعرف ان وراك رجال اذالك3 شهوريسوي كذا اشلون لو3سنين

الله يهديه لك انشاءالله

الله يكون في عونك

[
]
[
تصرف غريب والله
بس اختي شوفي الاسباب يعني حاولي تساليه ....
لكن مو الحين انتظري لين تروحي عنده البيت
وتقابليه واساليه وجهاً لوجه
بس بهدووووووووء تام وعقلانية .....
ولاتجيبي ذكر اخته انك شاكة فيها
وعسى خير
ربي يسخركم لبعض ويهدي سركم ويوفقكم
[
]
[

الله يعينك ويسهـّل أمورك ..

طيب هو يوم يوديك بيت أهلك كان زعلان ومعصب ؟.!!

يمكن يبيك تتعيدين مع أهلك أفضل لك .. وانتي فهمتيها غلط .. !!

يمكن أختـه قالت له يوديك لأهلك تعيدين معهم ..

تأكدي من اللي صار بالضبط قبل ما تتناقشين معه بشئ ..

وينج يا حبيبتي ؟ اولا مرحبا بك وكل عام وأنت بألف صحه لا اعلم ماذا حدث لك وكيف تطورت

الأحداث معك مع زوجك , في المره القادمه اذا اوصلك زوجك الى بيت اهلك اعتبريها راحه

ولا تتذمري بل بالعكس عيشي مبسوطه ولكن نصيحتي اثناء ذهابك استفسري ماذا حدث ؟

ام أنك تريدني أن اذهب لكي يحدث بيننا شوق :adore: واذا كانت اخته تفرق , كوني رسمية

معها ,ولكن حاولي أن تسترجعي ما حدث بينك وبينها في الفتره الأخيرة , هذا اذا كان اكيد

هي السبب في الخلافات , وابدا لا تذكري اهل زوجك امام زوجك بالشر ,وعزيزتي اذا طلب منك

زوجك أن يرجعك الى بيته تصرفي معه بطبيعية ورومانسية واسأليه إن كان مشتاق اليك ام لا ,

حاولي أن تكسبيه في صفك وحاولي أن ترفعي من شأنه امام اهله وامامه ليس من خلف

ظهره وانما حينما يكون جالسا صدقيني سيتغير كثيرا .

يعطيكم العافيه على ردودكم والله يجزاكم خير ويوفق كل وحده ردت او مرت على الموضوع من جد ماقصرتو الله لايحرمني منكم

انا علمت اخوي واخوي كلمه وقال انه بيقرا عند شيخ انه تعبان هو يبيني بس في شي يمنعه وكلمني وتاسف بعدين رجع ولاعاد كلمني اتصل عليه مايرد واتصل على اهل ابي اعايدهم مايردون وهو مكلم خالي لانه صاحبه وعادي معه جدا وانا لما رجعت اتصلت عليه في نفس الوقت مارد علي

الله يخليكم ادعولي ان رب يسير امري ويرده لي وللي في بطني

اسفه اني طولت عليكم وازعجتكم بس لاني معتبرتكم بيتي الثاني

مشكورين والله يجزاكم خير اخواتي

لاحول ولاقوه الا بالله
الله كريم ان شاءالله
استمري بالدعاء والاستغفار وان شاءالله خير يارب العالمين

اختي ...

لا عين ولا همك الله ... الموضوع واضح من كلامك..

يعني كلم اخته وقالك شلي اغراضك وروحي بيت اهلك.....بدون احم ولا دستور...

ان بغيتي شوري... سويه ولك طيبه الخاطر ..... حتى لو كانت بفراقه.... عزي نفسك ,, ولا ترخصيها عشان ريال حتى لو برقبتك ياهل...مابيموت ولا شي...

شوفي يابنت الناس ... هالحركات ما تطوف علينا والعين والعمل والحسد لها ظروف ومواصفات كثيره .. والريال راسه مشحون...ولك الحل باذن الله.....

السوات الحين ... اول شي ما تتصلين .. ,خليه ...

ثاني شي تنتظرين لين يرد يتصل .. ,اذا اتصل قولي له مالك كلام معاي كلامك مع اخوك..

توصين اخوج .. ان يشرط عليه ان يحط لج بيت منفصل بروحكم .. ( في حال سكنك مع اهله )

ولو ساكنه لحالك.. تحطين لك شروط ان يحسن معاملتك .. واي شي بخاطرك..
وان يجي يعتذر ويتسامح منك...

وثاني شي يبرر موقفه منك ... ويحدده .... اذا يبي يواصل الزواج اهلاً وسهلا .. والعين قبل الراس... واذا هو عايف .. الباب يوسع جمل...
وخل يكون اخوج حازم معاه ... ويعطيه وقت يرد ... وان ما رد خل يسمع الرد من الهيئه او المحكمه ,, من تصرفاته ..
وكل يوم انتي تقضينه ببيت اهلج يوصلج مصروفج ..بالكامل ما ينقص ريال... وهالكلام خليه يوصله من اخوج..

وخلج بعيده عن الموضوع وابد لا تتصلين..... وبيعرف .. انج يمكن تعافينه ويمكن يراجع روحه.. البنت الي تحسس زوجها ان لها ظهر يعمل لها الف حساب...

اما البنت الي يحس زوجها ان اهلها ما يقدرون عليه يدوسها ,, وما يعبرها...

تحياتي

ام جنى

كلا م ام جنى درر

فديتك والله _الله يعينك ومالك الأ الدعاء والله يهدي سركم يارب

تصرفه غريب

يمكن يكون من آخته فعلآ .. و يمكن يكون عين آو سحر لآ سمح الله

آنتي حآوليـ تعرفين شنو آلسبب

آذآ كآن من آخته حطي حدود لهآلشي لآن مو معقوله مكآلمه من آخته تخليه يسوي جذيه :-#

و آذآ عين آو سحر خليه يتعآلج عند شيخ

مشكورين ماقصرتو على كل كلامكم الي كانه علاج لي والله يريحني

ام جنى سويت نفس كلامك بالضبط ويارب يجيب نتيجه حلوه

مشكورين

الله يوفقك وبانتظار اخبارك..

تحياتي

ام جنى