شات حوامل مصر لشهر شوااال .. كل عام وانتن بخير

كل سنه وانتم طيبين جميعاا وياررررررررررررب عيد سعيد ع الكل

اخر اخباري الصحيه ال نكدت عليا ف العيد

عملت تحليل ال Asot
واتصلت جبت النتيجه لاني مكنتش قادره انزل وطلع عندي حمى روماتزميه
اتصلت بالدكتوره ال انا متابعه معاها قالتلي لازم اعمل رسم قلب عشان تشوف القلب سليم والاورده ولا فيه ضعف
طبعا الكلام ده كان يوم الاثنين والدكاتره كلهم ال عندهم رسم قلب قافلين عشان العيد
فأنا مستنيه لبعد العيد عشان اروح اعمله وربنا يستر بجد جالي اكتئاب كل تحليل بعمله بيطلع وحش خايفه كمان من رسم القلب ده

الاوحش ان الدكتوره قالتلي هيبقى فيه حقن بنسلين طويله المفعول عشان سرعه الترسيب والحمى وحقن البنسلين مش متواجده ف السوق بقالها 5 شهور وقليل اوي ال بيعرف يجبها والناس بتدوخ عليها............. دعواتكم بقى معايا

بسمه الاسلام تسلمي ياقمر والله انا مريحه اهو غصب عني كمان لان مش ليا نفس اعمل اي حاجه

اشري الله يخليكي ياحبيبتي يارب ان شاء الله لما اكشف المره الجايه تكون الراس طلعت والانقباضات قلّت... قوليلي زوزو عامله ايه كبرت ولا لسه :)

نور القمر ... انا والله مش فاهمه انا كمان حاجه مره وحده دخلت ف دوامه مرض غبيه
ربنا يعافيني ويعافي الجميع يارب واديني اهو مستنيه بعد العيد عشان اعرف راسي من رجلي.. قوليلي انتي معلوماتك ايه عن ال انا فيه ده جايز تقولي كلمه تطمني عشان الدكتوره بتعتي دي هولع فيها من كتر مابتقلقني

كل البنات الحوامل والامهات ال معانا عاملين ايه...

كيتي انتي مختفيه فيه ازيك وازي كوكي عامله معاكي ايه ف العيد

ايمي حبيبتي عامله ايه انتي وهنا يارب تكونوا بخير
فله وميسو وساسو وساره افندي وساره مس كات وكووووووول البنات طمنونا عليكم

الف سلامة عليكي يا ايمو ، ايه يا بنتي كل ده، بس ان شاء الله خير وتبقي حاجة بسيطة يارب

emoooooo;15514582:
كل سنه وانتم طيبين جميعاا وياررررررررررررب عيد سعيد ع الكل

اخر اخباري الصحيه ال نكدت عليا ف العيد

عملت تحليل ال Asot
واتصلت جبت النتيجه لاني مكنتش قادره انزل وطلع عندي حمى روماتزميه
اتصلت بالدكتوره ال انا متابعه معاها قالتلي لازم اعمل رسم قلب عشان تشوف القلب سليم والاورده ولا فيه ضعف
طبعا الكلام ده كان يوم الاثنين والدكاتره كلهم ال عندهم رسم قلب قافلين عشان العيد
فأنا مستنيه لبعد العيد عشان اروح اعمله وربنا يستر بجد جالي اكتئاب كل تحليل بعمله بيطلع وحش خايفه كمان من رسم القلب ده

الاوحش ان الدكتوره قالتلي هيبقى فيه حقن بنسلين طويله المفعول عشان سرعه الترسيب والحمى وحقن البنسلين مش متواجده ف السوق بقالها 5 شهور وقليل اوي ال بيعرف يجبها والناس بتدوخ عليها............. دعواتكم بقى معايا

بسمه الاسلام تسلمي ياقمر والله انا مريحه اهو غصب عني كمان لان مش ليا نفس اعمل اي حاجه

اشري الله يخليكي ياحبيبتي يارب ان شاء الله لما اكشف المره الجايه تكون الراس طلعت والانقباضات قلّت... قوليلي زوزو عامله ايه كبرت ولا لسه :)

نور القمر ... انا والله مش فاهمه انا كمان حاجه مره وحده دخلت ف دوامه مرض غبيه
ربنا يعافيني ويعافي الجميع يارب واديني اهو مستنيه بعد العيد عشان اعرف راسي من رجلي.. قوليلي انتي معلوماتك ايه عن ال انا فيه ده جايز تقولي كلمه تطمني عشان الدكتوره بتعتي دي هولع فيها من كتر مابتقلقني

كل البنات الحوامل والامهات ال معانا عاملين ايه...

كيتي انتي مختفيه فيه ازيك وازي كوكي عامله معاكي ايه ف العيد

ايمي حبيبتي عامله ايه انتي وهنا يارب تكونوا بخير
فله وميسو وساسو وساره افندي وساره مس كات وكووووووول البنات طمنونا عليكم

ايمو حبيبتي الف مليون سلالالالالامه عليكي وان شاء الله خير والاهم لازم تعرفي اسباب الحاله دي ايه ,وانصحك انك تشوفي دكتور تاني بجد وتاخدي رأيه ضروري وتاخدي معاكي كل التحاليل اللي انتي عملتيها...وبالنسبه لحقن البنسلين اللي بتقولي انها ناقصه من السوق ياريت بس تعرفيني انتي منين بالظبط في مصر؟؟؟انا من المنصوره وان شاء الله اقدر اوفرهالك بس تعرفيني النوع بالظبط وان شاء الله حاتصرف واوفرهالك للاني اصلا بشتغل في مستشفى وليا اصحاب كتير في شركات ومخازن ادويه وصيدليات كبيره ,,,ماتقلقيش باذن الرحمن مش تحتاجيلها اصلا

كل عام وانتم بخير جميعا
ايمو الف سلامه عليكي ياقمر وان شاء الله تطمنى ومتطبقاش حاجه تقلق والاحسن فعلا انك تشوفي بردو دكتور تانى طالما الدكتوره بتقلقك اتاكدي تانى احسن بردو وان شاء الله كل حاجه هتبقي كويسه
بنات عندي حاجه تعبانى وكله من برشام الحديد امساك تاعبنى جدا جدا شربت لبن مع انى مش بحبه استغفر الله العظيم يعنى لو فى حد جرب اى حاجه تانيه او ملين انا قولت اسالكم قبل مااروح لاى صيدلي واساله اللى يعرف اى حاجه يرد عليا بجد

الحديد فعلا بيعمل امساك بس في انواع بتبقي اقل شوية ممكن ادكتورة تغيرلك النوع، وكلي فاكهة وخضار من اللي بيلينوا واشربي عصير برتقال وكده

كل سنه وانتم طيبين يابنات

ايمو ياحبي ألف سلامه عليكي ومش تكتئبي ولا حاجه ده كل اللي بيحصلنا من عند ربنا يعني اكيد مش حاجه وحشه يمكن نكون بنشوفها وحشه بس يكون ربنا باعتهالنا تخفيف من عنده بدل حاجه اوحش كانت هتحصل

روقي انتي بس وظبطي النفسيه وان شاء الله رسم القلب يكون كويس والبنسلين مش تقلقي ناس كتير والله بتاخده وعادي هتلاقيه بإذن الله


عاوزاكم يابنات تقولولي حل لقلة النوم انا اعصابي بتتدمررر
حاجه كمان انا ساعات بحس ان بطني مشدوده خالص كده مش عارفه ده ايه المفروض ان انا لسه 7 اسابيع تقريبا

ادخلوا بقققققققققققي عشان خاطري

هبة انتي حامل الف مبروك يا جميلة وكل سنة وانتي طيبة

.. Hopes;15514967:
كل سنه وانتم طيبين يابنات

ايمو ياحبي ألف سلامه عليكي ومش تكتئبي ولا حاجه ده كل اللي بيحصلنا من عند ربنا يعني اكيد مش حاجه وحشه يمكن نكون بنشوفها وحشه بس يكون ربنا باعتهالنا تخفيف من عنده بدل حاجه اوحش كانت هتحصل

روقي انتي بس وظبطي النفسيه وان شاء الله رسم القلب يكون كويس والبنسلين مش تقلقي ناس كتير والله بتاخده وعادي هتلاقيه بإذن الله


عاوزاكم يابنات تقولولي حل لقلة النوم انا اعصابي بتتدمررر
حاجه كمان انا ساعات بحس ان بطني مشدوده خالص كده مش عارفه ده ايه المفروض ان انا لسه 7 اسابيع تقريبا

هوبس كل سنه وانتي طيبه ياقمر...بالنسبه لموضوع النوم فلما تلاقي حل ابقي قوليلي للاني بجد بشد في شعري وفعلا زيك حاسه انه حيجيلي انهيار عصبي بس انا قرأت قبل كده ان العلاج الوحيد لمشكلة الارق عند الحوامل هي ان ساعة ماتطلب معاكي نوم تنامي وتسيبي الدنيا تولع بمعنى الكلمهحتى لو كانت ساعتين في اليوم والساعتين دول نوم عميق احسن من 10 ساعات ارق وتقليب في السرير
بالنسبه لبطنك فده عااااادي جدا للان رحمك بينقبض وينبسط علشان يكبر ويوسع استعدادا لنمو البيبي ان شاء الله فمش تقلقي,,,وكمان حتحسي بمغص في مواعيد البريود العاديه بس مافيش دم طبعا وده برضه عادي مش تقلقي وساعتها خدي اي مضاد تقلصات زي البسكوبان للانه آمن مع الحمل

ربنا يخليكي ياايمي كل سنه وانتي طيبه
انتي المحل بتاعك جنب بيت حماتي اوووي بس حاليا الواحد مش قادر خلاص

سمورة ازيك يا جميلة ما شاء الله اتطورنا خالص اهو وكبرنا وقربنا علي الاخر


هوبس، مش قادرة من دلوقتي ضحكتيني والله هههههههههههههه ربنا معاكي يا رب ان شاء الله

يلا كويس عشان يبقي معايا حد في نفس الطريق ومبقاش لوحدي مين كمان بقي عشان ابقي عارفة

سمر
والله يابنتي هتجنن من قلة النوم مش بيجيلي نوم خالص !!

ايمي :D
انا والله لو عليا مش هقعد في البيت وجوا البيت اصلا مش بقعد يعني
بس الوسواس بقا الدكتورة قايله بلاش نزول يلاش خروج بلاش وقوف بلاش مشي وراحه ومثبت وعك كتير عشان انا سوابق :lol:

ايوة صح معاكي حق لما تخلصي التلات شهور بإذن الله الدنيا هاتبقي احسن واضمن يارب

مين تاني حامل بقي من البنات

ايه روحتوا فييييين

كل سنه وانتو طيبين يا بنات

انا نمت ياايمي معلش
شوفتي نمت كتير ازاي :lol:
نمت 12 وصحيت 1و نص زي البتاع ده وفايقه ومش عارفه انام تاني
حاجه تشل :(

CuTie KaTkOoTa;15515011:
سمورة ازيك يا جميلة ما شاء الله اتطورنا خالص اهو وكبرنا وقربنا علي الاخر


هوبس، مش قادرة من دلوقتي ضحكتيني والله هههههههههههههه ربنا معاكي يا رب ان شاء الله

يلا كويس عشان يبقي معايا حد في نفس الطريق ومبقاش لوحدي مين كمان بقي عشان ابقي عارفة

ايمي قصدك اتنفخنا وبقللنا وكعبرنا هههههههههههههه يارب فعلا اكون قربت للاني خلاص حاسه ان جسمي بينهار والله

بس بجد مفاجأه جمييييييييييييله ياايمي مبروك يامعلم بس سؤال بريء لو سمحتي هو الحمل ده مخطط ليه ولا جه على سهوه ههههههههههه؟؟؟؟؟ انا تفرق معايا التفاصيل اوي على فكره

هوبس انا نمت الساعه 2 وصحيت زي قرد قطع الساعه 5 وماتقوليليش ليه للاني مش عارفه !!!!!!!!!!!! يمكن علشان عندي برد والتهاب في الحلق فظييييييييييييييع ورشح وزكام بقى وزوري بيحرقني فبنام ممن التعب وتكسير الجسم مش نوم مريح وممتع وبجد ياهوبس بمنتهى الامانه اخبطي دماغك في الحيطه علشان يغمى عليكي او خلي جوزك يديكي روسيه في نفوخك علشان تنامي ههههههههههه المهم اعملي اي حاجه علشان تنامي وخلاص للانك دلوقتي في الوقت الجميل الممتع اللي النوم فيه صح الصح وحياتك وغلاوتك حتضربي نفسك بالبتاعه هههههه لما توصلي للسابع والتامن للانك مش حتعرفي تنامي من كتر اوجاع جسمك ومش حتبقي عارفه ايه اللي بيوجعك :رقبتك ولا ضهرك وبطنك ولا ركبك ولامعدتك ولا ولا ولا .....نصيحه بقى نصيحه اقولهالك لما يجيلك ارق اقرئي قرآن حتلاقي عيونك بتقفل لوحدها للان فعلا الشيطان حينيمك علشان تبطلي تقرئي والله ودي نصيحه انا مجرباها