لمتنا السورية اهلا وسهلا فيكم لشهر شوال 1432

كل عام وأنتو بخير جميع وينعاد عليكم بالصحة والسلامة وتكون بلدنا بألف خير ان شالله
لا تواخذوني المعايدة أجت متأخرة بس والله الخطوط عنا كتير عم تنقطع والكهربا كمان
بس قلبي عند الدمشقية وسورية بدي اطمن على أهلكم لأنو يلي بعرفو انن ساكنين بالبختيار بقى احتمال يكونو بليلة ال 27 بالرفاعي والله بعرف ناس ساكنين بالتنظيم طلعو عالرفاعي و انصابو

مرحبا اياحلوين

انا كتير مشغولة ولسا ناقص مليون قصة امانة ادعولي ايه

بحبكم

السلام عليكم ورحمة الله وبركاته

كاتس حبيبتي انتي الله لا يحرمنا منك وتبقي دائما منورتينا
الغنية بتجنن بتذكرني باول عيد زواج الي كانت الاغنية وقتها طالعة ههههه

ياحبيبة قلبي وانتي بالف خير وسلامة ينعاد عليكي يارب وعلى زوجك وتالا والنونو اللي ببطنك ههههه وان شالله بتولدي بالسلامة وبتشوفيه بحضنك بخير وسلامة


رايحة جيب الحلويات واجي اضيفكم من ضيافتي ههههههه
كيف العيد معك انتي وبطونك هههه وتالا اهم شي ؟

ياحبيبة قلبي الله يسلمك يارب ماتشوفي الشر والله عم اكل مابعرف ليش هيك صار فيني ومن ايش
الحمد لله على كل حال واكيد الابر مو احسن اخ لو تشوفيني كي بتلئح بهالمشفى نص ساعة حتى يخلص السيروم ... راح احلول اعوض ان شالله والله لا يوريكي شر ابدا ياقمر

صحيح مباركين يارب الشالات والشنط ان شالله بتتهني يارب وتهريهم وتجددي ومبروكة الدبلة لزوجك خير ماعملتي شطووورة الله يسعدكم ولا يفرقكم يارب

منيح حجم بطونك صغير معناها والعالم الله انك حامل بصبي .... قري اعترفي هههههه
اكيد المهم الخلقة التامة والله لا يحرمهم لمؤمن

وتسلميلي يارب بس طمنيني اكلتي الكنافة ولا لاء ..... ونحن من بعدك حبيبة قلبي
الله يقويها يارب لزهورة انا والله بدي سجل شام هالاسبوع بمدرسة خاصة ابتدائي وربك حميد المدارس عنا بعد 8 ايام وخلااااص عوفنا هههههه

شامية حبيبة قلبي وانتي بالف خير وصحة وسلااامة
وانتي الصادقة اهلي ساكنين بكفرسوسة نفسها والله سلمهم وماصار عليهم شي الله يحميهم يارب ويحمي اهاليكم وربي يعين الناس التانية وتخلص هالازمة يارب

طمنيني عنك وعن سلومة الله يحميه يارب وكبف العيد معكم شخصيا

كنتي سئلتيني عن هي الحروسة ههههههه



اسفة كتير اتاخرت بالرد بس بتعرفي مرضت والتهينا بهالدنيا

المهم حبيبة قلبي انتي وكاتس طريقتها كتير سهلة اول شي بتفرموها ناعم شوي انا فرمتها
بالبراون بعد هيك بتفركوها بالسمنة على نار هادية مع كاسة سكر وعلبة نستلة صغيرة
افركوها منيح حتى تتشرب السمنة والحليب والسكر
بعد هيك جيبوا المقلاية الحجم اللي بناسبكم وبناسب كمية الكنافة
ورصوا الكنافة منييييح على المقلاية وطلعولها حواف بقصد يعني تاخد شكل المقلاية بالسطح والحواف وبس انا هون حشيتها قشطة التاج ساويتها على سطح المقلاية وعملت طبقة تانية فوق القشطة كنافة ورصيتها وخلوها على العين الصغيرة للفرن على نار هادية واستنوا شي ربع ساعة اكتر شوي وبعدين اقلبوها على صحن وردعوها على المقلاية على الوجه التاني حتى يتحمر وبس تتحمر صبوا القطر وهنا وعافية وعن جد لا تفوتكم بتشهيييي ومحمرة ومن جوا مستوية لاننا عركناها قبل المقلاية مع السمنة يعني طيبة ومضمووونة

وبخصوص الكلاج ياشامية جدا سهل وطييييب


جبت رقائق جاهزة كلاج وحطيت اربع طبقات فوق بعض بس لازم كل رقاقة تندهن بالسمنة منييييح يعني الاربعة لازم يندهنوا كل وحدة لحالها وتحشيهم انا هون الرولات حشيتهم مكسرات طحنتهم وحطيتلهم ملعقة سكر وماء زهر وبعد مافيتهم قطعتهم اصابع ... والشكل التاني بعد ماحطيت الرقاقات فوق بعض ودهنتهم وحشيتهم قشطة طبقة خفيفة جبت قطاعة البيتي فور وقطعتهم نجوم ومربعات وعلى الفرن يعني ربع ساعة تحمير من تحت اول وبعدين من فوق
وكل شوي شوفيهم لانها بتحترق بسرعة بقى انتبهي وبس يطلعوا على طول بتغطيهم بالقطر وبس يتشربوا شليهم وبتصفيهم على كيفك

وهنا وعوافي على قلبكم

هنودة الله يوفقك يارب وان شالله ربي يسعدكم ويصير كل شي متل مابدك واحلى


لولية ان شالله يتقل دمي لانو خفان دمي ههههههههه
اكيد صرتي ببيروت طمنينا عنك وعن اخبارك

عروستنا زوجة ابراهيم كيفك ياقمر وكيف العيد وانتي موووودام هههه اكيد غير واله نكهة خاصة صح ؟؟؟ ياستي ربي يسعدك ويهنيكي

سلامي للجميييع لولو وشامة ومونو وبيرل وبنوتة ولولو الدوحة واميرة الامورة وكل الصبايا

ينعااااااااد عليكن
أتاخرت بس بتعرفو عيد الواحد بيلتهي الدمشقية وكاتس انبسطت كتير انو عجبوكن صور عرسي ..

الدمشقية العيد تمام وانا مداااااااااااااااام نكهة غير شكل ;)..كيف صرتي طمنيني عليكي .

هند الله يوفقك ومبروك ..

هلا وغلا عروسة ونعاد عليكي يارب وانتي حامل او عندك بيبي
سبحان الله اكيد اله نكهة جديدة العيد بوجود زوجك الله يخليكم لبعض
العيد ببيروت احلى ولا بالرياض ؟

واي والله حلو فرحك راااقي ونعوووم متلك.... وانا صرت احسن الحمد لله باقيلي ابرتين وبخلص

آمييين ان شاء الله :063:

تسلمي يارب ويخليلك جوزك والله العيد هنيك مع أهلي غير كمان إلو نكهة اول مرة بعيد بدون ماما وبابا :'( بس يلا هني كم شهر ونازلة ...

فرحي حاولت نعمو اد مابقدر هيك بحب مابحب العجئة والكركبة ... والحمد الله ع سلامتك ديري بالك على حالك :087:
مبارح طلعت من البيت رحنا ع كفتيريا اسمها يلا يلا قعدتها رايقة مع أني كنت تعبانة قبل ماأطلع بس قعدنا عالكنبايات هنيك على أد مانن مريحين أرتخى بدني وأرتحت خخخخ

يخليلي ياكي ياقمر يارب

يالله العيد حلو مع الاتنين بس هي الدنيا سبحان الله بكرا بس يجي البيبي بتصير الدنيا احلى واحلى ههههه

يالله كويس رحتي وغيرتي جو بس خير من شو تعبانة ؟؟

والله نحنا عيدنا هيك قضيناه اول يوم رحنا الملاهي نحنا وبيت سورية
لعبنا الاولاد وضاع محمود ونشف قلبي لحتى لقيتوا واتعركنا ورجعنا على مطعم خخخخخ
رحنا مطعم الوزان لبناني كتير طيب وتاني يوم رحت مول وفيه العاب لعبنا الاولاد واكلنا بمطعم صيادية جمبري وفيليه واخر يوم رحنا كمان مطعم شيزان هندي عزمونا عليه بيت سورية يعني هدا العيد بالنسبة النا مافي شي مميز ههههه وعايدنا على بعض انا وسورية من بيتي لبيتها والحمد لله ينعاد عليكم

والله الفرح الناعم حلو وبيبقى اله طعم خاص انا لو يرجع فيني الزمن بغير كل مجريات فرحي لانو ابدا ماكان على خاطري ابداااااااا بس الحمد لله المهم بعد الفرح والمحبة والالفة ولا لاااااء ؟ خخخ

ومن العايدين ومن الفايزين قولوا ان شاء الله
ياربي يعيده عالجميع بالصحة والسلامة وراحة البال ويعيده على سوريا بالامن والامان والاستقرار يااااااااااااااااااااااااااااااااااااارب
كيفكم اشتقتلكم كلكم كاتس شو هالافتتاحية الحلوة الله لايحرمنا منك ويقيمك بالسلامة انتي والبيبي
شامية الله يسعدك اطمني الحمدلله اهلي بخير الله يحميهم ويحميكم ويحمي شعب سوريا وتخلص هالشغلة على خير انتوا امانة انتبهوا على حالكم
هنودة الله يكون بعونك وربي ييسرلك كل امر عسير
عروسة ان شاء الله العيد الجاية بيكون على ايدك بيبي يارب
دمشقية يسلملي النشيط انا خلصتي من الابر ولالسى وامانة خليك منتبهة على حالك
لولية ان شاء الله العيد الجاية تكوني فرحانة ببناتك يارب

يابنات بدي خبركم خبر حلو كتيييييييييييييييييييييييييييير انا واخيرا ركبت اللولـــــــــــــــــــــــب هههههههههههههههههه يوم الوقفة بس الله يستر مااحمل فوقه خخخخخخخخخخخ ولي الله لايقدر

مسا ولا صباح المهم يسعد اوقاتكم يارب

شامية طمنيني عنك والله قلبنا عندك الله يحميكم يااارب ويحمي هالبلد

لولية خانم الله يقويكي يارب انتي كمان طمنينا ان شالله مو صاير شي على اهلياتك بحمص والله يفرجها على الجمييع يارب
الحمد لله على سلامتك ان شالله العيد الجاي بكون احلى على الجمييع يارب
صحيح وين هي فاربا ؟؟؟؟؟

سورية تؤبشي قلبي باقيلي ابرة وحدة عم فكر اخدها يوم الاربعا ان شالله
ومبروووك اللولب ديري بالك هااا ايوا حاكم بعرفك انتي مالكيش امان خخخخخ

شامية للعظم;15516075:
كل عام وأنتو بخير جميع وينعاد عليكم بال والسلامة وتكون بلدنا بألف خير ان شالله
لا تواخذوني المعايدة أجت متأخرة بس والله الخطوط عنا كتير عم تنقطع والكهربا كمان
بس قلبي عند الدمشقية وسورية بدي اطمن على أهلكم لأنو يلي بعرفو انن ساكنين بالبختيار بقى احتمال يكونو بليلة ال 27 بالرفاعي والله بعرف ناس ساكنين بالتنظيم طلعو عالرفاعي و انصابو

هند حلوة الحلوات;15517024:
مرحبا اياحلوين

انا كتير مشغولة ولسا ناقص مليون قصة امانة ادعولي ايه

بحبكم

الدمشقية;15517618:
السلام عليكم ورحمة الله وبركاته

كاتس حبيبتي انتي الله لا يحرمنا منك وتبقي دائما منورتينا
الغنية بتجنن بتذكرني باول عيد زواج الي كانت الاغنية وقتها طالعة ههههه

ياحبيبة قلبي وانتي بالف خير وسلامة ينعاد عليكي يارب وعلى زوجك وتالا والنونو اللي ببطنك ههههه وان شالله بتولدي بالسلامة وبتشوفيه بحضنك بخير وسلامة


رايحة جيب الحلويات واجي اضيفكم من ضيافتي ههههههه
كيف العيد معك انتي وبطونك هههه وتالا اهم شي ؟

ياحبيبة قلبي الله يسلمك يارب ماتشوفي الشر والله عم اكل مابعرف ليش هيك صار فيني ومن ايش
الحمد لله على كل حال واكيد الابر مو احسن اخ لو تشوفيني كي بتلئح بهالمشفى نص ساعة حتى يخلص السيروم ... راح احلول اعوض ان شالله والله لا يوريكي شر ابدا ياقمر

صحيح مباركين يارب الشالات والشنط ان شالله بتتهني يارب وتهريهم وتجددي ومبروكة الدبلة لزوجك خير ماعملتي شطووورة الله يسعدكم ولا يفرقكم يارب

منيح حجم بطونك صغير معناها والعالم الله انك حامل بصبي .... قري اعترفي هههههه
اكيد المهم الخلقة التامة والله لا يحرمهم لمؤمن

وتسلميلي يارب بس طمنيني اكلتي الكنافة ولا لاء ..... ونحن من بعدك حبيبة قلبي
الله يقويها يارب لزهورة انا والله بدي سجل شام هالاسبوع بمدرسة خاصة ابتدائي وربك حميد المدارس عنا بعد 8 ايام وخلااااص عوفنا هههههه

عروسة ابراهيم;15519310:
ينعااااااااد عليكن
أتاخرت بس بتعرفو عيد الواحد بيلتهي الدمشقية وكاتس انبسطت كتير انو عجبوكن صور عرسي ..

الدمشقية العيد تمام وانا مداااااااااااااااام نكهة غير شكل ;)..كيف صرتي طمنيني عليكي .

هند الله يوفقك ومبروك ..

لولية;15525141:

مسا الخيرات يا أحلى بنوتات ويا رب ينعاد عليكن وعلى أمة محمد بالخير والسلامة والله يروق الأحوال يا رب
أنا الحمدلله ارجعت من الرياض وزوجي رجع معي وعيدنا أول يومين ببيروت وبعدها رحنا شي 3 أيام على فاريا والله الطقس كان بيجنن وبرد يعني غيرنا شكل عن الشوب
هلأ رجعنا على بيروت وزوجي مسافر الجمعة على الرياض وطبعا رح ارجع للروتين المعتاد
هيدي هي أخباري وعروسة ابراهيم ناطرة ليتسهل ابن عمي من غير شر وان شاء الله بتواصل معك

سورية وبفتخر;15525968:
ومن العايدين ومن الفايزين قولوا ان شاء الله
ياربي يعيده عالجميع بال والسلامة وراحة البال ويعيده على سوريا بالامن والامان والاستقرار يااااااااااااااااااااااااااااااااااااارب
كيفكم اشتقتلكم كلكم كاتس شو هالافتتاحية الحلوة الله لايحرمنا منك ويقيمك بالسلامة انتي والبيبي
شامية الله يسعدك اطمني الحمدلله اهلي بخير الله يحميهم ويحميكم ويحمي شعب سوريا وتخلص هالشغلة على خير انتوا امانة انتبهوا على حالكم
هنودة الله يكون بعونك وربي ييسرلك كل امر عسير
عروسة ان شاء الله العيد الجاية بيكون على ايدك بيبي يارب
دمشقية يسلملي النشيط انا خلصتي من الابر ولالسى وامانة خليك منتبهة على حالك
لولية ان شاء الله العيد الجاية تكوني فرحانة ببناتك يارب

يابنات بدي خبركم خبر حلو كتيييييييييييييييييييييييييييير انا واخيرا ركبت اللولـــــــــــــــــــــــب هههههههههههههههههه يوم الوقفة بس الله يستر مااحمل فوقه خخخخخخخخخخخ ولي الله لايقدر

حبيبتي و صمصومة قلبي سورية ان شاء الله بنتلاقى بسورية و هي باحسن حال و اهلها مبسوطين دائما و ابدا :thumbs_up:
شو هالخبرية الحلوة هيدي بدها احتفال يعني دمشقية نشفت دمنا لشالت اللولب و انتي نشفتي لركبتي اللولب هههههههههههه هلأ اهتمي بأطافيلك و بابن عمك و بحالك و بس تشتاقي لبيبي نحنا بنقولك ايمتى بدك تشيلي اللولب هههههههههه
انا من اول ما فتت بالتامن و ميتة رعبة من يوم الولادة و دايما عم بفكر بالموضوع لانو تجربتي بتالا كانت فيلم رعب :'( ان شاء الله ولادتي تكون هالمرة احسن ادعولي :'(:'(:'(

فتاوى العلماء حول صيام ست من شوال


حكم صيام الست من شوال
السؤال
هل هناك أفضلية لصيام ست من شوال؟ وهل تصام متفرقة أم متوالية؟

الجواب
نعم، هناك أفضلية لصيام ستة أيام من شهر شوال، كما جاء في حديث رسول الله –صلى الله عليه وسلم-:"من صام رمضان ثم أتبعه بست من شوال كان كصيام الدهر" رواه مسلم في كتاب الصيام بشرح النووي (8/56)، يعني: صيام سنة كاملة.
وينبغي أن يتنبه الإنسان إلى أن هذه الفضيلة لا تتحقق إلا إذا انتهى رمضان كله، ولهذا إذا كان على الإنسان قضاء من رمضان صامه أولاً ثم صام ستاً من شوال، وإن صام الأيام الستة من شوال ولم يقض ما عليه من رمضان فلا يحصل هذا الثواب سواء قلنا بصحة صوم التطوع قبل القضاء أم لم نقل، وذلك لأن النبي –صلى الله عليه وسلم- قال:"من صام رمضان ثم أتبعه..." والذي عليه قضاء من رمضان يقال صام بعض رمضان ولا يقال صام رمضان، ويجوز أن تكون متفرقة أو متتابعة، لكن التتابع أفضل؛ لما فيه من المبادرة إلى الخير وعدم الوقوع في التسويف الذي قد يؤدي إلى عدم الصيام.
[فتاوى ابن عثيمين –رحمه الله- كتاب الدعوة (1/52-53)].