بنتي مو قادره تتبرز ...؟؟؟؟

السلام عليكم ورحمة الله وبراكاتة
كل عام وجميع منتدى عروس بخير وعيد سعيد علينا جميعا يارب


اختى همسات النجوم الافضل تستشيرى الدكتور الاطفال الى انتى متبعه معه على ازى تتصرفى معها
وازى تعوديها تتبرز فى الحمام هو اكتر واحد يقدر يفيدك

هلا خيتي .. كل عام وانتي بخير وربي يحفظ بنتس ويخليهآ لس ..

شوفي يا اختس لو قلتي إن وما تبرز نهائي كان بقول

خوزيهآ لدكتور .. لكن تقولي تبرز بالحفاظ .. يعني

هاي شي نفسي داخل الطفله مدري يمكن لإنو بالحفاظ

تحس إنو عادي .. اعرف كتير اطفال وقت برزو بالحمام

يبكو يمكن لإنو يحسب له شيء غريب وتسسذآ ^^ ما ابقى

آلوع تسبدك بس يمكن تخاف هي .. فشيء نفسي اعتقد ..

حآولي تعوديهآ ع الحمام ولا تيآسي .. بنت جيرآنآ

بنوتتهآ الزغيرآ تسسذآ من تخش الحمام وتشوف الوششسمه تقعد تبكي وتصصارخ ..

وربي يحفظس

خمس سنوات مو صغيره تفهم لإزم تعلمينها وأنتي غلطانه لأن قمتي تشترين لها لا تخادين قوول. لها ماقي بحجمك وأنتي كبيرة مثلنا لو راحت المدرسة ولو كنت طالعه معها شبتسوي أنصحش تبتعدين عن الحفاظ بالمرة وتحاولين اذا مابديتين من الحين البنت قاعده تكبر وصعب تتركها وبصراحه الشغله مو نظيفه لا الى الأم ولا البنت والله يساعدش بس أكرر شجعيها وأصري بعزيمة كبيرة تنسينها إياها

الف شكر للجميع وكل عام وانتوا بألف خير وينعاد عليكم بصحه وعافيه
يمكن شي نفسي مادري ..احاول مالبسها لكن والله اذا مالبستها بطنها يألمها وتدور حفاظه في كل مكان عشان تبي تلبس وتتبرز واذا جلستها في الحمام ماتسويها مع انها متأذيه وهي طول اليوم ماتلبس بس اذا تبي تتبرز ..عدة مرات احاول معها ولا اشتري بعد لكن بعد ماشوف كيف وضعها تظل بالايام ماتسويها وهي تبي تسويها لكنها ماتقدر من غير حفاظه ..تدرون ان اليوم رابع وهي تقولي تبي تتبرز واحاول معها في الحمام ولا تسوي لدرجة اليوم مستلقيه متألمه من بطنها وبعدين اضطريت اشتري لها وخبيتها بس طلعت وحده عشان كسرت خاطري خفت عليها اليوم رابع وهي متألمه ..وبالفعل بس شافتها لبستها وتبرزت ..يعني امر غريب ليه ماتقدر تسويها ابد من غير حفاظه؟قلت لها هذي اخر وحده بحاول معها بعد ولو مادري متى تتعود ..

حتى لو جلست 10 ايام بدون ماتتبرز لاتيأسي وترجعي تلبسها
تأكدي انها بتسويها يعني بتسويها طال الزمن او قصر
خلاص خمس سنوات كبيره
لاتاخدي موقف في هالموضوع بكره بتروح روضه واللي بعدها مدرسه
بعد بتقول لمعلماتها في الروضه ابى حفاظ عشان اتبرز

السلا م عليكم .. شوفي عندي اشتري لها هديه وقوليلها لي رحتي الحمام وسويتيها بالحمام اعطيج هديه وانتي قعدي معاها بالحمااام وسولفي معاها لمن يطلعها بطنها وخليها تاخذ راحتهاااا واخذي قصه طمعاج او اي شي عشان ماتمل وتعصري جدامها خل تشوف شلون الوضع :> ( مادري إذا صح ولا لأ د )خليها الحمام وانتي بكرامه وياج وريهاا قوليلها الناس تدخل الحمام كذا وكذا خل تشوووووووووووف يمكن لمن تشوفج تتعلم :×


انا عندي طريقه إذا دخل ابني الحمام اكافأه وحط له ستيكرز على الشخصيه إلي يحبها على جدران الحمام وكل مادخل حطيت له ستيكرز

عزيزتي

ابداي معاها من البدايه

ونقطه مهمه لاتسويها بالحمام ابدا ابدا ولاتقريون صوبه


حطي لها نونيه بغرفتها ولاعند العابها بمكان معين حتى مايرتبط بالحمام لان اتوقع تعقدت من الحمام واطفال كثير يحتاجون ارجلهم تضغط على الارض حتى يعملوها وبكرسي الحمام صعب عليهم بسبب طول ارجلهم

وكوني دايم حنونه معها ولاتتاففي منها امسكي اعصابك ادري صعبه بس لازم

وشجعيها كثير حتى لو غلطت وكافئيها فورا باشياء تحبها

وخلي اكثر من شخص يشجعها مثل الاب وغيره

بس ماقلتي لنا هل يوجد اخت او اخو اصغر منها هل تغار وكيف ارتباطك فيها

ومن اول واحد علمها انتي ولا الخدم


انتظرك بالتوفيق

الف شكر للجميع
ميس الريم حبيبتي الف شكر ..ماعندي اصغر منها واختها انا الي علمتها وتعلمت بسرعه ماشاء الله ولا تعبتني كثير ..بنتي هذي غيير متسلطه تحب كلمتها هي الي تمشي حتى وقت النوم احاول اخليها تتبول ماترضى تعاااند بصعوبه تروح تتبول عشان لا تسويها في سريرها ..كل شي صعبه حتى ملابسها هي الي تختارهم وبصعوووبه جدا تلبس مثل ما ابي ..والخدامه ماخليها تتدخل ابدااا في تربيتهم ..

ربي يخليها لك

نمي الاستقلاليه اللي عندها ذكرنتي بولدي عنيد وشخصيته قويه ينرفزني كثير بس قرأت عن شخصيته

وغيرت تعاملي معاه الا بوقت الخطا يعاقب بس مو بشده


لان الطفل العنيد او ذو شخصيه مستقله وقويه ينكسر لما تامرينه وتمنعيه من ملابس او اختيارات يحبها

حاولي تنمي هالميزه فيها وهي اتوقع سبب المشكله الي فيها مشكله نفسيه مش عضويه ابدا


حددي ملابس معينه بالدولاب تختار منهم واعطيها مساحه حريه بالافعال واذا اخطات عاقبيها بوضع اكس على مكان النجوم بلوحه معلقه

وان شاء الله راح يجيب نتيجه

:(
زي وضع بنتي بالظبط
وابغى ادخلها الروضه ومو عارفه الاقي لها حل

اب
للافادة