29 مرة نقول يا تري بتعملي الأكله دي ازاي ؟ مبدعات مصر القمرات شهر شوال1432

بنات ادعولى الله يخليكم لاحسن اتحرقت والحرق مبهدلنى

درعاتى الاتنين اتشوا والجلد اتشال وقاعده مشعلقاااااااهم

ربنا يحفظنا من نار جهنم جميعا

انا عماله اصرخ من الالم مش قادره وجوزى حبيبى اتنكد قبل الفطاااااااااار ومفطرش بسببى لغايه دلوقتى

دعواتكم انا مش عارفه احرك ايدى ناااااااااااااااااااااااااااااااااار

وكل سنه وانتو طيبييييين يارب وبخير وربنا راضى عنا جميعا وكلنا من العتقاء من النار اللهم امين

ويارب رمضان الجاى تكون كل واحده ربنا استجاب لها دعائها وحققلها اللى نفسها فيه وكل البنات اللى هنا تتجوز وكل المتجوزين يجيبو نونات وكل اللى نفسهم فى بنات يجيبو بنات واللى نفسهم فى ولاد يجيبو ولاد وربنا يوسع رزقنا جمييييييييعا ويهدى اطفالنا ويهديلنا ازواجنا ويهدينا ليهم ويخليلنا اهالينا وكل واحده زوجها مسافر ربنا يجمعها بيه ع خير ويرحم كل اموات المسلمين ويفك كرب سوريا واليمن وليبيا وكل الدول المسلمه وطبعا مصر

شكلى هاقوم بقى عشان البس لبس الوقفه واخد شاور:o:D

شيرى لاااحول ولا قوة الا بالله ربنا يعفو عنك يارب ويشفيكى ويقينا جميعا من نار جهنم

فراشه فى بيتها;15513520:
وكل سنه وانتو طيبييييين يارب وبخير وربنا راضى عنا جميعا وكلنا من العتقاء من النار اللهم امين

ويارب رمضان الجاى تكون كل واحده ربنا استجاب لها دعائها وحققلها اللى نفسها فيه وكل البنات اللى هنا تتجوز وكل المتجوزين يجيبو نونات وكل اللى نفسهم فى بنات يجيبو بنات واللى نفسهم فى ولاد يجيبو ولاد وربنا يوسع رزقنا جمييييييييعا ويهدى اطفالنا ويهديلنا ازواجنا ويهدينا ليهم ويخليلنا اهالينا وكل واحده زوجها مسافر ربنا يجمعها بيه ع خير ويرحم كل اموات المسلمين ويفك كرب سوريا واليمن وليبيا وكل الدول المسلمه وطبعا مصر

شكلى هاقوم بقى عشان البس لبس الوقفه واخد شاور:o:D

هو بكرة العيد ولا اييييييييييييييه

مش قالوا رمضان فلكيا هايجى كامل 30 يوم

حد شاف الرؤيا ولا ايييييييييييييييه

الناس بتقول لكن انا ماسمعتش بس الرؤيا طلعت يعنى كل سنه وانتو طيبين

كل سنة وانتم طيبييييييييييييييييييييين
وربنا يعيد علينا الايام يا رب بخيييييييير

شيرييييييييي انتي لالالالالالالالالالازم تقري الرقية الطويلة انا هابعتهالك واقريها على مية واغتسلي بيها الليلة لاااااااازم ان شاء الله ابعتهالك دلوقتي ايميل على عروس اوك

انا لحد دلوقتي معفنة لسه منضفتش هههههههههههههههههه شوية كده اقوم اضبط اموري بس في كووووووم غسيل عايزة انشره واقوم اظبط التظابيط
جيت اقيس هدوم العيد اشتريتها قبل العيد كانت تحفة عليا دلوقتي لقيتها عليا شوااااااااال :'(
والراجل بيقولي انتي شوية هتختفي ما تحافظي على نفسك حبة وهاتك يا زعيق كاني انا اللي بخسس نفسي ولا انا اللي بعمل في حالي كده
فطلعت طقم تاني ولسه جديد الحمد لله برضه وجميل بس عايزه اقيس واشوف لو هضيق حاجة

امبارح فطرنا فتة كواااااااااااااارع كانت جااااااااااامدة
وانهرده فطرنا سمك مشوي بلطي وسلطة ورز ومكانش في زيت وعملت الرز بزيت الزيتون بصراحة الرز طلع ملللللللللزق كاني عاملاه بصمغ ههههههههههه
بابا عمال يقول السلطة كبيرة كده ليه الطماطم كبيرة البصل كبير الرز ملزق
قولتله حلو قوووووووووي كده انا مش مادة ايدي في المطبخ تاني مع اني كان هيغمى عليا في المطبخ من التعب مش عارفة مالي هبطانة ومع ذلك بيتكلم على السلطة
لما قولتله الكلمة دي قالي لالالالا ابوس ايدك اكلينا بلاش تجوعينا ههههههههههههههههههه ناس متجيش الا كده بجد :mad:

يلا انا رغيت بس كل سنة وانتم طيبين اصل انا فرحانة حبتين عشان بابا وماما اتصالحو الحمد لله بعد اسبوع خصام وتخيلو اتصالحو ازاي قعد يتلككلها امبارح لحد ما اتخانق معاها تاني عشان يفتح كلام بجد الرجالة دي حاجة دماغهم وحشة حتى لو كان بابا
يلا اقوم بقى اشوف اللي على النار،، اخويا بيقولي انتي بتعملي شربات ليه ما خلاص مفيش كنافة ولا قطايف (عايزة اقوله انت مالك واحدة وعايزة تنضف ملكش فيه ) اهي دي ضريبة اللي عندها اخ ولد غلللللللس شبه اللي عندي ههههههههههههههههههه

كل سنه وانتم طيبين يا بنات يارب

الف سلامه عليكي يا شيري ربنا يبعد عنك كل سوء يارب ويشفيكي عاجلا غير اجلا

ايوا يا شيري قالوها في التلفزيون بكرة غرة شوال ان شاء الله
كل سنة وانتي طيبة انتي مفرشتيش البيت لسه؟؟

كل سنه وانتو طيبين بكره اول يوم العيد ان شاء الله
لا حول ولا قوه الا بالله ياحبيبتى ياشيرى الف سلامه عليكى
انتى لاااازم ترقى نفسك وتقرى سوره البقره لانك شكلك اخده عين جااااااااااااامده واعملى الرقيه الشرعيه على ميه واشرب منها وصبى على جسمك منها كمان
ربنا يبعد عنك كل شر ياااااااااااااارب
ام عمر ربنا يكرمك يارب كل سنه وانمتى طيبه وربنا يباركلك فى اولادك ياااااااااااااارب
كلاكيت تانى مره ينفع ازين البيتفور بصوص معمول من الكاكو الخام لو ينفع ممكن الطريقه

كل سنة وانتم طيبين يابنات عيد سعيد عليكم كلكم

الف سلامة عليكي يافراشة .. ادهني كريم فينستيل جميل اوي للحروق

ألف سلامة عليكي يا شيري ربنا يعفو عنك يا رب هاتي ميبو ممتاااااااااااااااااااااااز و كل سنة و انتي بألف خير

بمضى حضور وهاجى تانى

كل سنة وانتم طيبين انا اللى كنت عاوزة الكنافة بالايس كريم ياكيتى وعملتها وطلعت تحفةةةةةةةةةةة

حبايب قلبى كلكم كل سنه وانتوا طيبين يااااااااااااااااااارب
وربنا يتقبل منا صيامنا وقيامنا ويجعل لكل واحده نصيبها من الدعوات اللهم امين
شيرى ياحبيبة قلبى سلامتك يارب ربنا يعفو عنك
وزى ما قالت لك نور اقرى الرقية الشرعية كاااااااااااااااااااااامله ضرورى ياشيرى
وزى ما قالت ام بودى هاتى مرهم ميبو ده جمييييييييييييييل جدا جدا
وان شاء الله تطمنينى عنك يارب
بالنسبه لام عمر كانت بتسال عن البيتفور بالسمنه بدل الزبده انا النهارده عملت البيتفور بطريقه شيرى وبالسمنه لان مكانش عندى زبدة وللاسف بقى معرفتش اعمله بمكنه البيفتور خااااااالص واتنكدت اخر نكد والله
بس الحمد لله اتصرفت فى العجينه وعملتها دواير وشكلتها بالشوكه وزينتها بالشيكولاته البيضه والحمد لله طلعت حلوة بس انا بجد كنت زعلانه وكان نفسى اعمله اوى زيكم
يلا قدر الله وماشاء الله فعل

كل سنه وانتو طيبين يا حلوين
شيرى الف سلامه عليكى

كل سنه و انتوا طيبين يا بنات
و ربنا يتقبل صيامنا و قيامنا و يحقق لكل واحده اللي بتتمناه

الف سلامه عليكي يا شيري

نانو مش فاكره مين في البنات كانت بتزين التورته بالكاكاو
المهم الطريقه انك تجيبي معلقه سمنه على معلقه كاكاو و تشوحيهم مع بعض شويه و تنزلي عليهم باللبن لغايه ما توصلي للسمك اللي انتى عوزاه
ممكن تجربيها على البيتيفور

كل سنه وانتو طيبين
شيرى............... الف سلامه عليكى ياجميل شغلى قران كتير وربنا يبعد عنك اى حاجه وحشه

شيرى الف الف الف مليون سلامه عليكى يا بنتى ربنا قدر ولطف معلش

عملت امبارح البيتى فور وطلع حلو جدااا عملته بزبده بس حسيته ناااعم اوى وجوزى قالى شبهه الغريبه بس حلو وعملته بالقمع بتاع كيس الحلوانى اينعم طلع عينى بس اتعمل وبقا حلو

النهارده طبعا رنجه وسردين وبصل اخضر وبطاطس محمره

ايماان اه يا حبيبتى فى الرياض وهقضى العيد فى البيت لوحدى لحد المغرب عشان جوزى كالعااااااااده نبطشى مفيش صلاه الصبح ومش هيرجع قبل المغرب الحمد لله وعلى فكره الكحك بتاع العثيم حلو خفييف هيعجبك

ام عمر معلش يا جميل كل سنه وانتي بالف خير انا عملت الكحك بتاع ام بودي وطلع ناعم وتحفه تسلمي يا جميل الف هنا عليكي يارب