مشكلتي هي أهلي

السلام عليكم ورحمه الله وبركاته

انا مشكلتي كبيييير ه ومااا عندي لها حل جربت كل الحلول المعقوله والممكنه بس واللهت ما نفعت وما ألومج اذا ما حصلتي لي حل. من انا صغيرة وامي تنادين يالمجنونه وتدعي علي لاسباب تافه ما كنت اعطيعها سالفه لانها كانت حاقده على ابوي واهله لانهم مطلقين. كبرت وهي اتزوجت من غير مواطن وانا ربيت اخواني معاها لان زوجها ماقدر ايجيب خدامه. عمرها ما قالت. لي جزاك الله خير او كافئتني بشي وما حطيت بخاطري بس دومها تذلني بتربيتها لي واني ما أطيعها. دائما تضارب وتصارخ ورايها هو اللي يمشي. وان قلت لها شي ذلتني عليه, لدرجه انها تلومني على موت اخواني من امي وابوي. ماتوا بمرض يوم انا كان عمري 5 سنين ومن يومها وانا ابكيهم وهي تلومني على موتهم. اول ما دخلت الجامعه خطبني أكثر من شخص ما وافقت الا على الي من نفس قبيلتنا مع اني كنت بوافق على واحد غريب بس امي وعمتي قالوا لي وافقي بس نحن مش موافقين, ومايخصنا فيج ان صارلج شي. قلت امري الى الله واسمع كلامهم. يوم تقدم لي اللي من اهلي امي الفرحه ما ساعتها كان ودها تقول هيه من أولها بس خافت كلام الناس. فهمتها وكلمتها اني ما أبيه صليت وشفته ودعيت وبعدي ما أبيه. تمت تزززن علي هي وخالي لي وافقت بس لاني ابي افتك من زنتهم ومن حياتي ويا أهلي. كل يوم ضراابه كل يوم ضرب تعبت قلت يمكن الله يجعل هالريال خير لي. تزوجت وانا أصيح ما أبي. عمره ما زارني ولا يابي شي وكان مغصوب علي وامه متحكمه فيه بدرجه فضيييعه. حاولت اتعايش معاه واتعود عليه بس ماقدرت لان ماعنده دين ولااخلاق ولاكرامه ولاهدف ولاحلم ولاشهاده وبعد ماجبيت له ولد قالي لي انا مابغيت عيال ولا طلع من شغله اول ماصار ولدي عمره 4 شهور! المهم أمي عمرها مانصحتني لاقبل ولابعد الزواج بس تطنز علي وعلى قراراتي. يوم حملت اتصلت بها أبشرها صارخت علي وسبتني يوم قلتلها الكل يبي أحمل وخالتي تحن علي ليل نهار كرهتني وسبتني زياده. ولدي عمره 3 سنين أحينه وأبد ما تعامله مثل حفيدها الأول والوحيد, شأنه ولد غرب هي وأخواني يحبون يضربونه ويكسرون ألعابه وعمرها ما قالتلهم لا او عيب, بس هو اذا دافع عن عمره ضربته وضربتني وياه. الكل في البيت يعملني مثل الخدامه دائما ما تقول حق اخواني اني اكرهم وكنت اضربهم واكسرهم وهم صغار وانا اصلا ماأذكر هالشئ من عمري 10 وانا اغسلهم واأكلهم وألبسهم حتى حفاظاتهم أغيرها وألحين هم يضربون لي ولدي ويقلون احترامهم لي جدام كل حد وخصوصا بعد ما اطلقت. كانت امي تغصبني ارقد عندهم مع انها تعرف ان ريلي مش راضي وما هما غير ان الناس يقولون اني ارقد عندها! قالت لي ريلج ما منه فايده تعالي عندي لو تبين رضا امج, انا ما كنت ناويه ارد بيت امي الا بعد ما اتخرج وشفت ريلي ما اشتغل بهده وبسير بيت بروحي لان اعرف كيف بتعاملني. امي ماقدرت تتحمل كلام ام ريلي عني ولا كلام الناس وخيرتني بين زوجي وبينها, وبعد سنه اطلقت بعد ما راكضت في المحاكم وتبهدلت لامصرف ولاملبس ولاشي حتى هي ما صرفت علي ولا دفت لي الا مره وحده. تعبت من مشاكلها وضرابتها تعبت من المشاكل والضرب والاهانه. واذا غلطوا اخواني من ريلها علي تضحك وتشجعهم ودائما تسب وتنتقد على كل شي. ما عندي حد غير الله سبحانه حتى اللقمه ذلتني عليها ما أقدر آكل لا من وراهم وان كلت جدامهم تشل الأكل من ايدي وتقول مب من حلالج! مع العلم ان فتره طووويله امي وريلها وعيالهم غير معاش ريلها كانوا عايشين على لشوؤن اللي كان باسمي ومرها ماجمعت لي حتى حق الجامعه اي شي.
ابي بس اعيش بهدوء بدون ظلم وضرب ومشاكل. بس كيف وأمي هي ساس المشاكل تشوف الغلط وتسكت عشان بس ماتجرح اخواني بس انا وولدي واختي من امي وابوي ننذل ونضرب وننهان جدام كل حد. امي ما عندها حد كل صديقه اضاربت وياها لاسباب سخيفه وماتسوى وماتبينى نسوي اي صداقات مع اي حد ودائما ماتردد علينا الشخص الناجح هو اللي ماعنده اصدقاء! ويعني هو احسن من كل حد ومن انا صغيره اشوف عمري احسن من كل حد وما كونت صداقات الا يوم عقلت وعرفت ان مب كل كلام امي صح. انا ماصرت اعرف امي كأنها انسانه ثانيه اصبحت حقوده وغيوره حتى تغار وتضارب مع البشكاره من قالت لها زوجي يتصل فيني كل يوم يقول لي ردي! دومها دعي علينا وتسبنا من نحن صغار لين أحينه بس الوضع زاد يوم سألتها ليش تكرهينا قالت اسألي عمرج انتي بروحج تكرهين ولدج وأي أم تكره عيالها صارخت وقلت لا انا أحب ولدي لانه ولدي مب أكره لانه ولدي أحبه لانه ولدي من يومها تقول حق ولدي امك تكرهك وه كل يو يسألني انتي تحبيني والا لا؟ قلبي يعورني على ولدي مرات اقول اوديه عن ابوم بس اخاف عليه منه لان ماله دين ولا أخلاق


اسمحي لي هذا مب كل شي بس ما حبيت اطول عليج اكثر


يراج الله الف خير