شاب يلاحقني من 8 سنوات ساعدوني اخواتي

سوف اسرد لكم قصتي وعسى الله يفرج كربتي ومابي من هم
في بدايه الامر جاء شاب لخطبتي وستمريت معه تقريبا حوالي 4 اشهر وهذا كله تقريبا من 8 سنوات مضت بس بعد ذلك اكتفشت انه انسان يتلاعب على البنات يكلم هذي ويطلع مع هذي ولا يحافظ على الصلاه ابدا بالاصح ماكنت اسمع في يوم يقول انه رايح يصلي انا استخرت ربي فيه بس في نفس الوقت ماكنت ارتاح له ابدا فرفضته ..

ولا يبالي ذهب وتزوج من اخرى وجاب بنت ولكن هذا الشاب مازال يستمر في ملاحقتي في مكان عملي في الشارع وحتى وانا خارجه من المنزل احصله عند الباب ينتظرني وكان مسبب لي ضائقه كبيره مايعلم بها إلا رب العباد كنت اهرب منه كان يتصل فيني على تلفون مكتبي واول ماسمع صوته اسكر التلفون ف وجهه عشان يعتبر او تكون عنده على الاقل عزه نفس عشان مايتصل مره بس هوه يعاند ويكابر ويستمر في الاتصالات وهذي الحال من فتره طويله

كنت اشكي الى ربي دائما انه ياخذ حقي من هذا الانسان في صلاتي وسجودي وركوعي كان عقلي متشوش مااقادره اركز في حياتي خوفا ان يسبب لي مشاكل او يجيني الدوام يفضحني كنت بعديه عنه كل البعد

اخبرت احد من زملائي يكلمه واتصل فيه زميلي وتنازع معه فكان رده فعل الشاب انه يقول هيه التي معطتني مجال كان يفتري على الكذب ..

في فتره من الفترات فتحت محل انا وصديقتي وكان محد يعرف بالمحل ابدا غيرنا وبعد ثلاث اشهر فقط اتصل فيني اول ماشليت السماعه على طول قال لي مبروك على افتتاح المحل يقولها بكل سخريه.. بدون مااتكلم سكرت التلفون في وجهه كالعاده..

ذهبت ابكي بحرقه وصليت لربي انه ياخذ لي حقي من هذا الانسان ولا اعرف في نفس الوقت من وين يجيب معلومات عني وبعد ثلاثه ايام من اتصاله كنت رايحه المحل ووقفت سيارتي في المواقف إلا واشوفه يفتح الباب لي جنبي ويقولي انتظرك في المحل اريد اتكلم معك كلام ضروري ماعرفت كيف اتصرف من هذا الموقف كيف تجرأ ان يفتح على الباب ويشوه بسمعتي قدام الكل وفي مواقف عامه..

لا ادري ساعتها ماحصل بي شغلت السياره واتصلت في اختي وخبرتها بلي صار وخبرتها نروح مركز الشرطه لانه ماكان عندي اي حل اخر وبالفعل بلغنا عليه في مركز الشرطه وتم استدعائه في المركز واثناء جلوسنا في المركز اتصل فينا ولد عمتي يريد اننا نتنازل عن القضيه ومعصب وليش سوينا كذا السالفه انه ولد خالتي طلع صديق هذا الشاب واعتقد هوه لي يخبره عني كل شي وانا في غفله فقلت مااتنازل مستحيل اطلع من المركز ويدي صفر بخذ حقي منه وبالفعل كتب تعهد ووقع عليه انه مايوقف في طريقي مره ثانيه ولا يلاحقني ابدا

وخرجت من المركز وانا فرحانه كأني خلقت من جديد من الفرحه صليت لربي صلاه شكر ..

مرت على السالفه تقريبا شهرين وانا ناسيه الموضوع لا احد يتصل بي او يأذيني بس البارحه تفاجأت وحده من جيرانا تقولي واحد شاب يمر من عند بيتكم وقالت صفاته وسيارته وطلع نفس الشخص مازال يلاحقني وتقول اعطاني رقمه اغصبني عليه لاني يريد يقولي شي ضروري وتقول كان يكلمني عني وعن اخواتي وكان يسئ بسمعتنا ويتكلم في عرضنا فصعقت للخبر مره اخرى

وهاانا اكتب قصتي هذي وانا متضايقه من هذا الانسان اذا رحت اشتكي عليه ماعندي دليل تقول البنت لي تكلمت معه انها كسرت بطاقتها لانه ازعجها بالاتصالات وكان يقولها كلام مخل بالاخلاق والادب ويرديها تطلع معه يمارس معها الفواحش والعياذ بالله

ارجوا من الله ومن ثم اي احد يقدر يفيدني على هذا الانسان اذا عرفوا اهلي بتورط وبيصير ما لايحمد عقباه

امر بحاله نفسيه صعبه كيف اقدر اتخلص من هذا الانسان ساعدوني حوالي 8 سنوات وانا هذي حالتي وخائفه كثير من المستقبل على يسبب لي مشاكل اذا تزوجت

اختكم في الله