التجمع الأول لحوامل شهر مايو(5) 2012

السلام عليكم ... شخباركم حوامل ؟؟ ان شاء الله كلكم زينين
يمكن نسيتوني كنت ادخل في بداية الاشهر وبعدين انقطعت بسبب اللوعة والترجيع و وجع الراس الحمد لله على كل حال
الحين خلصت من النساة و جيت لسسالفة الامساك والم الخاصرة

هلا والله في كل الكروشات

انا بعد كنت متابعه وياكم فالبدايه واشوفكم ومتابعه من بعيد اللحين بشارك وياكم

معطيني موعد ولاده 1-5 ويمكن اولد اخر 4 الله اييسر لي ولكم يارب ويرزقنا الولاده السهله

الميسرة .... انا اليوم دخلت الاسبوع الــ 20 ويوم الاربعاء ان شاءالله عندي موعد حق التراسوند

عشان يشوفون اجهزة البيبي وتطورها وان كل شي سليم ان شاءاللله وبعد ان شاءالله يقولون

اذا بنت ولا ولد احس فيني بنووتة بس بستانس في الحالتين والله اهم شي يكون البيبي بصحه

وعافيه الدنيااااااااا ومافيها :D ... بديت احس بحركه البيبي اللحين شعوور خوفني فالبدايه

وضحكت على روحي هههههه بس استانس عليه .... ان شاءالله اول بأول بكلمكم ...

يعطيكم الصحه والعافيه

أماني ..

ماشاء الله انتي نفسي .. :)

الله يسهل عليك ويقومك بالسلامه انتي وباقي البنات ..

الحوراء الانسيه;15821465:
امين يارب شخبارش اختي ام فجر

الحمدلله عيوني بخير انتي شخبارج وشخبار الحلوة وياج..

Aldalee3a;15821478:
أني تمام الحمد لله
ماشي حالي

تصدقون بنات أن اللوعة للحين وياي
بس خفيفه بالنسبة لقبل

تعبت أبغي استمتع بحملي
أبغي انظف شقتي حالتها حاله والله العظيم

بس شسوي كله تعبانة ودايخه
يا الله الحمد لله ع كل حال

شخباركم انتون؟

الحال من بعضه حبيبتي للحين ارجع وللحين ما اقدر اشم ريحة الاكل ,,, تعبت ..

التفاحة الجناوية;15822218:
السلام عليكم يااحلوووووين ,, شخباركم ؟؟ وشخبار بيبياتكم ؟؟

ههههههه ان شاء الله العلامة الرسمية لتجمعنه تكون البنات بالاضافه اللى حالة اللوعه !,, ربي يساعد كل وحده ما خفت لوعتها عنها وان شاء الله ماتخلص الخامس الا هي مرتاحة ..

الحوراء, حلاتهم البنوتات و بالخصوص ان البنت رحمه بالبيت ,, وفوقها ثيابهم روووعه وماتحتارين اذا بتدورين لهم شي كشخة ههههه وانا امس رحت كم محل للاطفال انهبلت على الثياب واغراض البيبي ههههه ..

بنات بالنسبة للتوزيعات انا احتمال اخذ من عند بعض الاخوات اللي ارسلوا لنا اعلان عن صنع التوزيعات وشفت بعض توزيعاتهم اللي يسوونه وعجبوني وسعرهم مناسب تقريبا ..

بالنسبة لحركة البيبي انا كنت احسها من قبل بس من دخلت الخامس قمت احس فيها بشكل اكثر واقدر افرق بين الرفسه وبين حركة البيبي بالداخل وقبل كم يوم حطيت ايدي وكلمت البيبي وماشوف الا رجولها رفست ايدي بالقوة وحسيت بالرجول ,, وانتوا شنو حسيتووا ؟؟؟

يا حياتي ربي ما يحرم اي ام من هالاحساس .. انا احس بالحركه ومرتين حسيت بالرفس ربي يتمم لنا على خير... انا محتاره ياريت بنات تحطون وصلات لمواضيع التوزيعات لاني من جد محتاره شو اسوي ..

الي بدئت تتسوق يالله تخبرنا شو اخذت
انا بادئه اتسوق حق روحي لبسات وجلابيات عشان اشتقبال الضيوف..
لينما اتاكد من جنس البيبي وببدء على طول ان شاء الله,,

تفاحة جناوية

عجيييب شنو حسيتين يوم رفسش
أكييد شعور لا يوصف

أني أحس بالحركه قليل عدل عدل
بما أني توني بالرابع

خبرينه عن التوزيعات الي شفتينهم
حطي لينه صور او شي عشان نشوف

أمــاني;15823875:
هلا والله في كل الكروشات

انا بعد كنت متابعه وياكم فالبدايه واشوفكم ومتابعه من بعيد اللحين بشارك وياكم

معطيني موعد ولاده 1-5 ويمكن اولد اخر 4 الله اييسر لي ولكم يارب ويرزقنا الولاده السهله

الميسرة .... انا اليوم دخلت الاسبوع الــ 20 ويوم الاربعاء ان شاءالله عندي موعد حق التراسوند

عشان يشوفون اجهزة البيبي وتطورها وان كل شي سليم ان شاءاللله وبعد ان شاءالله يقولون

اذا بنت ولا ولد احس فيني بنووتة بس بستانس في الحالتين والله اهم شي يكون البيبي بصحه

وعافيه الدنيااااااااا ومافيها :D ... بديت احس بحركه البيبي اللحين شعوور خوفني فالبدايه

وضحكت على روحي هههههه بس استانس عليه .... ان شاءالله اول بأول بكلمكم ...

يعطيكم الصحه والعافيه

ولكم اماني موعد ولادتج مثلي عطوني 29 /4 او 5/1 اي توني من جم يوم حسيت بحركه جدا خفيفه

نـــونـــه;15824207:

الكروشات البقيه ..

كيفكم جميعا ..

اخبار الحمل معاكم .؟.

بنوتات من نفس حمالي وعرفت جنس البيبي :(

كل مره يقولو شي مرة بنت ومره ولد ..

عني انا مافرقت بنت ولا ولد بس عشان ابدا اجهز من الحين .. :(

ولكم نونه
ولله احنا بخير انتي شخبارك

um fajer;15824403:
الي بدئت تتسوق يالله تخبرنا شو اخذت
انا بادئه اتسوق حق روحي لبسات وجلابيات عشان اشتقبال الضيوف..
لينما اتاكد من جنس البيبي وببدء على طول ان شاء الله,,

هلا ام فجر شخبارك اني طبعاً راح اجهز في بداية الشهر السابع انشاء الله الحين بس اشوف واخد افكار عشان تسهل عليي التجهيز اني بعد التوزيعات بخذها جاهزه مع لستاند ..

همتكم بنات نبي مفتح التجمع الجديد

السلام عليكم يااحلووووووات ,,

حبايب قلبي بالنسبة للتوزيعات بعطيكم وصلة على الفيس بوك لصفحة وحده تسوي توزيعات عجبني كم توزيع وستاند فيهم ...

دلووعة , صدقتي الاحساس رووعه و الله ضحكت بشكل عالي لا اراديا حتى زوجي قعد مني ههههههه ...

ولكل من ماعرف جنس البيبي ان شاء الله بتعرفونه بنهاية الاسبوع العشرين او 21 فان شاء الله بيكون عندكم الوقت ,, بالنسبة لي بانتظر لنهاية السابع على اساس اكون بدون دوام ويكون المشي لي زين هههههه 2 في 1 عشان اشتري للبيبي واشتري لي ثياب ..

فجر وباقي البنات تسلمون حبيباتي ...

أحلى حلووة ماشوفها عساها بخير ان شاء الله ,, باقي البنات شخباركم ؟ وعساكم ارتحتوا من النساة ؟

وهذا هو موقع التوزيعات والستاندات على الفيسبوك :::

http://go.3roos.com/s2pwhq7h88i

هلا خيو تفاحه شخبارش الصراحه التوزيعات وايد حليوه انشاء الله اذا الله كتب بسوي توزيعاتي عندها: شخبارش شخبار النونو,,

مرحبا حوامل
شخباركم ان شاءالله بخير شخبار البيبي 
والله انه ويا جنس البيبي
كل ماروح يقولون مايبين واضح
وان شااءالله بروح بداية شهر ١
وشوف شنو جنس البيبي علشان ابدا اجهز
 

احلى دلع2011;15825782:
مرحبا حوامل
شخباركم ان شاءالله بخير شخبار البيبي 
والله انه ويا جنس البيبي
كل ماروح يقولون مايبين واضح
وان شااءالله بروح بداية شهر ١
وشوف شنو جنس البيبي علشان ابدا اجهز

هلا خيو احلى دلع الحمدلله ولله احنا بخير ولبيبيات بخير انتي شخبارج شخبار البيبي انشاء الله هذا المره يبين جنس البيبي وذا ما بين سوي ثري دي على ما اعتقد انه يبين واضح جنس الجنين بلثري دي

تصبحون على خير كروشات احلام سعيده

نـــونـــه;15824201:
أماني ..

ماشاء الله انتي نفسي .. :)

الله يسهل عليك ويقومك بالسلامه انتي وباقي البنات ..

:D

آآآمييين ياااارب

الحوراء الانسيه;15825147:
ولكم اماني موعد ولادتج مثلي عطوني 29 /4 او 5/1 اي توني من جم يوم حسيت بحركه جدا خفيفه

اللله يسهل علينا كلنا يارب :D

وبخصوص حركة البيبي في بنات ماحسوو للحين ترى شي طبيعي

وخصوصا اذا كان هذا الحمل االاول لكم :thumbs_up: عاده الاحساس بالحركه يكون ( 18-21 ) اسبووع

وبخصوص التسوق حق البيبي احس توو الناس كل من يقووولي اول ماتدخلين السابع

ابتدى تسووق بس انا ميتة ابي اعرف البيبي ولد ولا بنت وباخذ بدله عن خاطري :lol: