التجمع الأول لحوامل شهر مايو(5) 2012

اي خيو ما باقي شي الايام تمر بسرعه ...

شخبار الدبدوبات ألحلوين وينكم ما تبينون أليوم رحت أمركز الصحي كنت شوي تعبانه اخاصه لما اوق احس روحي راح اطيح خجيكو دمي الا دمي قاصر موصل الى 9 وضغط بعد مو اوكي مرتفع بعد ماساه

السلام عليكم ,,

الله يعافيش خيوتي الحوراء وماعليش شر وتحملي بنفسش وااااجد ولا تتعبينها وإكلي زين وخاصه الفواكة عشان تعوضين الدم خيوتي وسلامات ان شاء الله ... اما عن نفسي فمعاناتي مع البرد اللي على الأبواب و بسبب المطر اللي كان أمس صارت لي حالة مو طبيعيه من اللوعه والترجيع وألم الراس والظهر والرجل ,, والحين الليل يصير براد شوي فيعني الجيوب الانفيه حدث ولا حرج الله يساعدنه بس ..

شخبار باقي الكروشات مع النسات ؟؟

كل عام وانتم بخير ياحوامل

أهليين حوامل ..
شخبار العيد وياكم
أما اني كلش ماحسيت بالعيد وكل ماطلعت أبي أرجع مادري شفيني ماحب اطلع والاكتئاب دإبحني
بس الحمدلله الترجيع خف شوي بس للحين أحس بضعف

كل عام وانتو بالف خير ياحلوات والعيد الجاي ان شاءالله بيبيهاتكم في احضانكم ومنور حياتكم
الحمدلله ارتحت من شي اسمه ترجيع ماعدا الصباحي تجيني لوعة احيانا وفيني خمول غير عادي
شكلي ببدا تجهيز من الحين لاني صايرة ملولة وما اطيق السوق وحس بتعب بسرعة فاحسن اشتري شوي شوي
انا الحين بالاسبوع 13 وحسيت بحركة حبيبي الله يحفظه طبعا على طول ايدي في كروشتي وصايرة اعرف المكان الموجود فيه يومها كنت اتحسسه وهو على الجنب الشمال فجأة حسيت بالحركه والله مااقدر اوصف لكم شعوري وجلست اتكلم معاه كأنه جنبي

اقول ادعو لي تكون بنوته خاااااااااااااااااااطري في بنت مع انه عندنا بنات في العيلة والعرسان اقل

السلام عليكم عيدكم مبارك
أنا حامل 13أسبوع وصار معي قليل من دم قلتلي دكتورة لازم الراحة عندي بنتين 5سنوات والبنت الثانية عامين
أنشألله ربي يرزقني ولد وتهنى لأن حملت وماكنت حب هذا الحمل لأن بنت مازلت صغيرة وضروف البيت لما رحت دكتورة وقالتي أنت حامل بكيت ومقدرت أتحمل لأن مكنت متصورة بالأيام توضعت مع الحمل والحمدلله ربي يسمحني
أنشألله ربي يرزق كل وحدة متمنية ذرية

علينه وعليكم مبارك ان شاء الله ,,

الحمدلله للي ارتاحوا شوي من النسات وربي يخلصكم منها بشكل كاااامل وتستمتعون بحملكم ببياتكم ...

ومبرووووووك لكل الحوامل الجدد ويانه وربي يعطي كل وحده فيكم مرادها وان شاء الله تشوفون بيبياتكم بحضنكم ياااااااااارب ..

انا ذابحني البرد احس مكسرني مع اني مااعاني من فقر الدم و اللوعه اشوف انها زادت وصارت تقعدني من نومتي حتى !!

كروشات من زاد وزنها بعد الحمل ومن نقص ؟؟ انا الاحظ انه ناقص وثابت على النقصان ..

إني والله للحين مارحت حق الوزن يبي لي أروح
وعادي حبيبتي اني مثلش حتى مأانام بليل بس اقعد علشان اللوعة
الله يخفف علينا هالنسات ويسر لنا حملنا والولادة

أنا اللوعه كانت الحمد لله قليله لكن نزل وزني وثابت علي النقصان ده ان شاء الله نروح يوم الأحد للدكتور لان افتقد كده مش كويس

كل عام وأنتوا بخير

وان شاء اّلْلـْْ???????ـْْہُ تمر الأيام بسرعة ونشوف. بيبياتنا

صباح الخير ياحلوين
شخباركم اليوم
بنات بسالكم في أي أسبوع البطن يكبر وصيرر واضح

مسااااء الأنوااار والأزهار لكل كروشات تجمعنه الحلووووين ,,

انته حبي.. ربي يتمم ويثبت و ان شاء الله تشوفينه بحضنش وتفرحين انتي وابوه بشوفته يااارب ..

انجنييير ,, اللهم آمــــــــين للجميع ان شاء الله وربي يعطي كل محرووم ومايكسر بخاطر أحد منهم ويقر عينهم و يعطيهم بمثل ما أعطانه وأحسن يااااااااااارب ..

يجننهم جمالي ,, يختلف من البكريه الى الحملة الثانيه وعلى حسب جسم كل مرأة .. فمثلا في نسوان ياخذ البيبي لهم من العرض بالتالي مايبان الحمل فيهم الا متأخر في الشهور الأخيرة وبعضهم لا يطلع عليهم من الشهر الخامس او السادس .. بالنسبة لي زوجي يقولي انه بانت الدبه علي وانها كبرت بس انا ما احس يمكن لأن وزني قاعد ينقص بدل مايزيد !!

الحوراء مابينت جم يوووم ان شاء الله المانع خير ,, وباقي البنات الغايبات عساهم بخير وسلامة ان شاء الله ..

ها حوامل نايمين
إني أحاول أنام بس مو مرتاحة في نومتي

شخبار لكروشات انشاء الله بخير اني صار لي جم يوم ما ادخل المنتدى لان كان عندي حالة وفاة المهم صالي من اول مره اخذ في الحديد ويه الفيتامينات ما اتحمله دايركت ارجعه ما ادري لاز اخد كل واحد برةح ما يصير الشربه مع بعض تعبت من دورة الراس... هلايام حموضة المعده ذابحتني بعد ههههه .. . خيو تفاحه شخبارش.. شخباركم كروشات وحشتوني كلكم

الشهر الرابع


1_ تتطور المشيمة تماما، ويعوم الجنين بنشاط في السائل الأمنيوسي الموجود في الكيس الأمنيوسي . ويكون طول الجنين حوالي 18 سم ويزن حوالي 120 غرام .
2_ تطور الأعضاء يكون تقريبا مكتمل .
3_ تتطور فروة الشعر .
4_ حيث أن غثيان الصباح قد أصبح أقل، تزداد الشهية .
5_ جوف الرحم منتفخ، ألم متقطع في الظهر .
6_ تناولي أطعمة غنية بالبروتين وكمية كافية من الأطعمة التي تحتوي على الحديد، زيدي استهلاك السعرات الحرارية بحدود 10 % .
ما تشعر به الأم
حلمة الثدي والمنطقة المحيطة بها تصبح داكنة اللون
يزداد الوزن ويصبح الحمل واضحاً
العوارض الجسمانية
الشعور بالتعب والإرهاق.
تقل عملية التبول عن السابق.
يقل أو يختفي الغثيان والقيء.
إمساك.
حرقة في المعدة وعسر في الهضم.
انتفاخ في البطن و شعور بالامتلاء .
يستمر حجم الصدر في الكبر ولكن يختفي التورم والليونة.
دوار وصداع أحيانا خاصة مع الحركة السريعة للرأس.
زيادة في الشهية للأكل.
احتقان في الأنف وانسداد في الأذن.
نفخ بسيط في الأيدي والقدمين وأحيانا الوجه.
حركة الجنين من الممكن أن تشعري بها في نهاية الشهر
.


العوارض الانفعالية


شعور بالقلق و التوتر.
الشعور بالفرح خاصة وانك تشعرين بأنك حامل فعلا.
شعور بالإحباط إذا لم تحسي بعد أنك حامل وفي نفس الوقت زاد وزنك.
إحساس بأنك على غير طبيعتك: نسيان, صعوبة في التركيز، شرود الذهن.
ارشادات

يجب إرتداء ملابس فضفاضة من الآن وحتى نهاية الحمل
يمكن رؤية الجنين عن طريق الكشف بالموجات فوق الصوتية
قد يصف الطبيب بعض أقراص الحديد في حالة احتياجك لها

حالة الجنين
في نهاية الشهر الرابع يصبح طول الجنين 10 سم .
يتغذى من المشيمة.
تنمو لديه انعكاسات كالمص والبلع .
تظهر الأصابع بوضوح ونتوءات الأسنان والرأس يظهر واضح الشكل.
لا يمكن للجنين العيش خارج الرحم بالرغم من كونه على هيئة إنسان كامل.

الحوراء خيوتي البقا براسكم ان شاء الله وربي يرحم موتانا وموتى المسلمين والمسلمات ويعطيش العافية ويقويش يارب وتسلميييين على المعلومات المفيدة ... انا حمدلله بخير وسلامة وعندي بعض الاعراض اللي طرحتينها والباقي للحين واما بالنسبة للفيتامينات والحديد لازم تفرقين بينهم لأن في بعض الفيتامينات تمنع امتصاص الحديد وبنفس الوقت تسبب اللوعه اذا انأخذت مع حبوب الحديد..

يجننهم جمالي انا بعد نفس الحالة ! على بالي بس اني اللي تصيدني ههههههه لان احس ان للحين من وقت على هالحالة تصيدنه ! واللوعه للحين متواصله ويايي مع النسات ! مع انه ماباقي شي اخلص الرابع @@ ..

باقي البنات شخبااااااااااااااااركم ؟ وشخخبار بيبياتكم ؟؟ ورحتوا مواعيدكم لو للحين ؟؟

صباح الخير حوامل
شخباركم
أدري من زمان ما شفتوني طليت عليكم

كنت مرقدة في المستشفى هادي المره ال2
من ليلة العيد مرقدة وتوه أمس مرخصيني
تخيلوا العيد وأني في المستشفى
شسوي الله كريم
أهم شي اصير زينه والبيبي زين

تعبت وااجد من النساه
نساتي ثقيلة عدل عدل
قمت كله ارجع دم تكرمون
وصادتني معدتي وحااله
تعبت تعب عدل
الله لا يراويكم اياه

بس الحمد لله الحين واجد أحسن
ادعوا ليي بنات
توني بالاسبوع ال11 بعد كم يوم بدخل 12
الله يصبرني