كيف يتم تحديث بطاقة الفيديو في لاب توب ال جي

e

elly

عروس متألقة

27-08-2011 | 07:25 AM

[BACKGROUND="100 #FF99CC"]

[COLOR=black]** [/COLOR]
[COLOR=black]السلام عليكم **[/COLOR]

أخواتي
...

اللي عندهااا خبره
رجاءً لااا تتردد في الاجااابه على استفساري ...:(

بدايةً عندي مشكله
لما اشغل العاب اللاب الموجوده فيه ما تشتغل زييين >> يعني يجيب لي تبويب
مكتوب فيهااا (تسريع الجهاز اما معطلاً أوغير معتمد من قبل برنامج تشغيل بطاقة
الفيديو .. مما قد يؤدي إلى إبطاء اللعبه . تأكد من تثبيت أحدث برنامج تشغيل لبطاقة
الفيديو ومن تشغيل خاصيه تسريع الاجهزه )..:confused:

ومن ثم تفتح لي
اللعبه بطيييئه جداً ومااا هي واضحه ..^o)

وكذلك لما ابغى اغير
لون نااافذة سطح المكتب اللي هو شريط المهااام الشفاف يكت خاصية الأيروaero غير
مدعومه .. :mad:

والله حااايسه ولا
ادري وش الطبخه ..:hysterical:

مع ان برنامج التشغيل
عندي

ويندوز 7
هوم بريميوم

ونوع اللاب أل جي
..

ارجو انكم ماا
تخيبوني ..

وهذا اول استفسااار
لي هووون ..:'(

وسلاااامتكم ..:L:

[/BACKGROUND]

C

Co0lGurl

عروس ركن اللغة الإنجليزية وركن مشاكل الكمبيوتر الفنية والإستفسارات

27-08-2011 | 10:48 PM

حبيبتي خاصية الشفافية مو شرط تكون موجودة... عندي لابتوب فيه نفس نظامج وما فيه خاصية الشفافية
بس على العموم تقدرين تحملين خاصية الشفافية اذا تبين بس انتي تبينها بشكل عام او بس حق قائمة ابدأ؟!؟
وعن بطاقة الفيديو اختي في احتمال ان اللعبة اللي محملتها حجمها وايد كبير من جذي يطلع لج هلون بس هل انتي مسوية حق جهازج فورمت؟!؟
وحبيبتي ممكن تصورين لي مدير الاجهزة (device manager) هذي بتلقينه في لوحة التحكم (control panel)
وهذي طريقة التصوير:
عن طريق زر print screen او بتلقينه باسم PRTSC او باسم PrtScr وبعدين تروحين برنامج الرسام وتسوين لصق وبس تحفظين الصورة وترفعينها من المنتدى...

وهني طريقة ثانية تقدرين تراويني فيها اللي يطلع لج عن طريق اداة القطع
http://forums.3roos.com/showthread.php?t=563172

e

elly

عروس متألقة

27-08-2011 | 11:03 PM

الله يسعدك اختي كووول غيرل .. خاصية الشفافيه اللي عندي صحيح ماااهي موجوده..واريد تكون بشكل عاااام ..واللعبه مااا حملت اي لعبه نهائياً الالعاب هي اللي موجوده في اللاب توب اساساًواعطييك اسم اللعبه purble place .. واللاب جديد ماسويتله اي فورمات .. تقريباً له شهر .. بس يمكن في المحل سوالي فورمات وانا ما ادري لانه حط لي نظام ويندوز التيميت وطلبت منه يغيره لي وينوز 7

وكمان عندي في لوحة التحكم مكتوب ادارة الاجهزه مش مدييير الاجهزه .. بتأكد عشان اسويلك ايها مثل ما طلبتي .. ومشكووووووره يااااقلبي رااااح اغلبك معي ..

e

elly

عروس متألقة

27-08-2011 | 11:12 PM

C

Co0lGurl

عروس ركن اللغة الإنجليزية وركن مشاكل الكمبيوتر الفنية والإستفسارات

27-08-2011 | 11:58 PM

اي هذي اهوه نفسه حبيبتي ادارة الاجهزة...
جوفي يمكن لما غير لج النظام ما نزل لج تعريف جديد حق الشاشة من جذي يطلع لج هلون...
المهم سوي تحديث حق التعريف طقي على اجهزة العرض مرتين وبعدين اللي يطلع لج تحته طق عليهم كلهم باليمين واختاري تفحص تغييرات الاجهزة وكملي الخطوات وبعدين بعد طقي باليمين واختاري تحديث برنامج التشغيل وكملي الخطوات وبعدين سوي اعادة تشغيل للجهاز وجربي اذا قدرتي تفتحين اللعبة او لا...
وعن خاصية الشفافية اختي تحتاجين بعد تحديث عن تحصلين الخاصية بس بالاول جربي طقي باليمين واختاري خصائص واختاري اللي مبين لج في الصورة

وغيري الخلفية لنوع الخلفيات المبين لج في الصورة

وخبريني شيصير وياج

e

elly

عروس متألقة

28-08-2011 | 12:14 AM

اوكيييه يااا عمري .. انتظريييني .. اذا صااار معي اي شي .. ارجع اسألك ...

C

Co0lGurl

عروس ركن اللغة الإنجليزية وركن مشاكل الكمبيوتر الفنية والإستفسارات

28-08-2011 | 12:19 AM

اوووكي حبيبتي ولا يهمج ناطرة اعرف شنو يصير وياج :thumbs_up:

e

elly

عروس متألقة

28-08-2011 | 12:21 AM

شوفي ايش صااار معي ..

C

Co0lGurl

عروس ركن اللغة الإنجليزية وركن مشاكل الكمبيوتر الفنية والإستفسارات

28-08-2011 | 12:29 AM

حبيبتي هذي يبين ان البلوتوث مو عدل وبتجوفينه عليه علامة استفهام فطقي على اجهز Bluetooth الطرفية باليمين واختاري تشغيل او تحديث برنامج التشغيل... بس هذي ما له خص ببطاقة الفيديو

e

elly

عروس متألقة

28-08-2011 | 12:52 AM

طقيت ع اجهزة البلوتوث الطرفيه باليمين ومااا طلع لي شي .. رحت طقييت ع زر تغييير الاعدادات واخترت تحديث التشغيييل والله ناااسيه وهذا اللي طلعلي ... وترى البلوتوث عندي مااايرسل ويستقبل ملفاات يعني فيييه مشكلللله . والله لوع كبدي ها لبلوتووووث .. وآ سفه يااا عمري ع التأخير .. راااح اطلعلك الصوووره

C

Co0lGurl

عروس ركن اللغة الإنجليزية وركن مشاكل الكمبيوتر الفنية والإستفسارات

28-08-2011 | 01:26 AM

غريبة ما يشتغل عندج البلوتوث مع ان اجهزة راديو Bluetooth ما في عليهم علامة!!
انزين حبيبتي انتي من متى شريتي اللابتوب مالج؟!؟
وممكن تقولين لي نوع جهازج بالضبط عشان ادور لج تعاريف له

e

elly

عروس متألقة

28-08-2011 | 06:05 AM

:031::031:
اهئ اهئ اهئ .. :hysterical:ياااربي مقيييرييده اناا وحظي الاغبر ..والله انه جديد بقراااطيييسه له تقريباً شهرين بس
هو نوعه أل جي >>>
MODEL:LGC40
ياااااربييييييي :'(
حاااطه املي فيك من بعد الله يااابنت البحريين ..
هالله هالله فيييني بس .. شوي واستخف هذا ثااني لاب توب اشتريه ولا لي حظ ابد .. تصدقيين اللي قبله كان سوني فايو احدث لاب توب نزل اللي منه الواان الجديد المزخرف شريييته بالشي الفلاني .. واافاااه الاجل >> شكلهاا عيين هههه.. المهم بعته واشتريت هذا .. ههههههههه
>>> اخذتهاااا فضفضه هههه
سامحيني من حرتي ... شوفيلي حل ترى اختس بليييييد >> بالسعودي .. الله يسعدك يااارب ..F::L:

C

Co0lGurl

عروس ركن اللغة الإنجليزية وركن مشاكل الكمبيوتر الفنية والإستفسارات

29-08-2011 | 03:07 AM

فديتج حبيبتي ان شاء الله ولا يهمج
بس باعطيج اسهل حل لج... عندج ضمان مع اللابتوب؟!؟ اذا عندج رديه لهم وقولي لهم يعدلونه لج لان الغلطة غلطتهم ان غيروا لج النظام وما حملوا لج كل شي عدل...
واذا ما تبين تودينه لهم قولي لي نوع لابتوبج بالضبط

e

elly

عروس متألقة

30-08-2011 | 02:53 AM

لا خلااااص يااا عمري تعبتك معي .. :o
ماداام عندي الضمان راااح اختصر الموضوووع وارده عندهم ويتصرفون فيه .. مشكوره وكل عاااام وانتي بألف خير وعيدك مبارك ..:L:
:087:

C

Co0lGurl

عروس ركن اللغة الإنجليزية وركن مشاكل الكمبيوتر الفنية والإستفسارات

01-09-2011 | 07:19 PM

العفو اختي وانتي بخير وبصحة وسلامة
ولا عادي ما في تعب ولا شي
احسن رديه واذا عندج اي مشكلة لا تترددين احنا حاضرين