خطيبي بارد...إيش الحل معاه!!!؟؟؟

حبيبتي انا بصراحه ما عندي تجارب في هالموضوع لاني لسا بنت مو مخطوبه و لا متزوجه طبعا بس عندي بعض الامور اللي احس انها بتساعدك شوي

انصحك بأنك تبتدين تدزين لها مسجات حلوه تبين له شوقك ولهفتك له و اذا كلمتيه بعد قولي له كلام حلو بس لاتزيدين عليه الكلام لان توكم في البدايه يعني قولي له كلمه او كلمتين مثلا يا ليت يرجع هذاك اليوم اللي جلسنا فيه مع بعض .. او متى ترجع احس بدونك الثواني تمر كأنها دهر يعني من هالكلام وحاولي تدزين له ايميلات و بطاقات حلوه

و حسسيه انه دايم على بالك يعني الصباح ارسلي له مسج حلو للصباح و من كذا يعني و اذا كان قلبه حجر لا تخافين مع الكلام الحلو بيلين

حاولي تهدين له اغاني حلوه رومانسيه اذا كنتي تسمعين اغاني عن طريق الجوال او بالانترنت و خاصه اغنيه طمني لعبد الله الرويشد و اغنيه اعز انسان لمحمد عبده :smile::smile::smile:

اتمنى اكون افدتج و انشاء الله البنات امهات الخبرات يساعدونك حبيبتي و خبرينا اول بأول شصار معاك و الله يهنيك

أصايل

كلك ذوووووق من تحت لفوووق

ألف شكر لك حبيبتي على الأفكار وأكيد بجرب بعضها..
لأني بصراحة مابي أبين له إني طايحة عليه :o

يعني أبغى أهزه من غير ما أبين إني مهتممممة فيه بزياااادة
فاهمتني؟؟؟

بس والله عن جد نصايحك مفيدة وحسويها بس بعد ما يلين شويه
وتسلم أناملك ياقمر..

بناااااااات

معقوووووولة!!!!؟؟؟؟

محد غير ((أصايل)) حن علي!!!!

ترجيتكم تساعدوني!!!!:sad::sad:

تكفووووووووو:sad:ووووووووون
محتاجة لنصايحكم:confused::confused:

لا تردوووونيييي!!!!!!!

غاليتي القمر البحار اللي فهمته من كلامك انه خطيبك مايتصل عليكِ

حتى تلفون 00 ولايرسل لك مسج ولا اي شي 00

بصراحه من حكم تجربتي المفروض الرجل هو اللي يسأل عن زوجته

ويتلهف لشوفتها 00 بس في انواع من الرجال ياعيوني خجوليييييييين

يعني مب لازم يكون مثل ماقتي ثقل تلاقيه مستحي 00 انا اقولك

عطيه فرصه يبين لك فيها مشاعره وانتي اهم شي حسسيه انه كل

شي في حياتك لكن بشكل غير مباشر فاهمه علي

ومثل ماقالت لك الغاليه أصايل الله الله بالمسجات بس مو تكثرين

اذا ماتجاوب معك واذا احتجتي اي شئ انا في الخدمه

والله يوفقك يارب

أختكِ 00 شوق العيووون

هههههههههه والله يخلق من الشبه أربعين نفس حالتي الأختلاف أنو أنا كان معي في فتره بس ذا اللحين أهو بعيد شوي عني الله يرده بالسلامه بس الحمد لله خطيبي أهو اللي يقول لي الكلام ويتكلم بس أناااااااا ولامعبرته بشي لأنو بطبعي خجوله وعنيده وما أعرف كلمات حلوه لولا البنوتات الحلوات كاااان ماأعرف شي:o أقولك خليكي معاه وسايريه وخليه يتحرك أرسلي له بطاقات وكلمات حلوه خفيفه وحتى لو أهو اللحين يمكن خجول لأنكم في البدايه بس بعدين راح يتكلم ويشتاق لك يمكن أذا قطعتي فتره بس أنا أقولك لا موتقطعي لأنو ماتعرفتوا على بعض واااااجد بس يعني لو يوم ويوم ممكن تفيد ويتحرك البنوتات ماقصروا مابزيد غيرأني أقولك بالتوفيق والله يتمم لك بالخيروالف الف الف مبرووووك

السلام عليكم ورحمة الله وبركاته

امممممممممممممممممم والله مادري ماعندي ذيك الخبره

حاولي ترسليله كاردات .. ارسليله كارد كل يووم مدام معاك ايميله

بس لاترسليله احبك ومدري ايش

اول مره ارسليله كارد رومنسي وثاني يوم رومنسي

ثالث يوم ورابع يووووم اقعدي اسبوع لا ترسليله غير الكاردات الي فيها صباح الخير وهاف ا نايس داي واشكالها مرحه

وبعد فتره ارسلي رومنسي .. خليه يحس انك مرحه وغنوجه وبنفس الوقت رومنسيه بس بثقل يعني تستحييين شوي .. ولا تكتبين شيء تحت الكارد خلي الكارد يتحدث عن نفسه

وهو مع الوقت يشوفك كل يووم ترسليله ايميل ويصير يستحي انه ما ارسل ولا سئل عنك

وبعد مايصير يرسلك كاردات .. حاولي تكتبين كم كلمه حلوه ورومنسيه في كل كارد ترسلينه

ونفس الشيء بيشوف انك كل يووم ترسلين له كارد ومعاه كلام حلو بيستحي من نفسه انه ماقالك كلام حلو ويبدء يرسلك كلام حلو

وبعدها اذا كلمتيه قوليله كلام حلو بس طبعا مو كثير


وبعد مـــــــــــــده بطلي ترسليين له كاردات .. وكل مايكلمك قوليله كلام حلو

وجربي مره ترسليله ورد للمكان الي ساكن فيه "في محلات ورد توصل الورد الي تختارينه للمكان الي تبينه يوصله لباب بيته"

وارجعي بعدييين ارسليله كاردات رومنسيه وحقت صبااح بس مو كل يووم


واعتقد انه راح يتجرء ويروح الخجل شوي شوي بس بالصبر والدعاااء

وربي يوفقك ويسعدك ويخلي زوجك زي ماتبينه يحبك ويقدرك ويصير روووووووومنسي

بناااااااااات والله انتم راائعاااات وما قصرتوا معايا !!!

لكن مادري أحس الوضع كل ماله يسووووووء:confused::confused:


إش أخبركم بس..


واحد من خيلاني يشتغل في الخطوط وجاته أمس رحلة على نفس البلد اللي يدرس فيها خطيبي واليوم خالي حب يسوي لي مفاجأة..واتصل على جوال ماما (علماً بأني ما عندي جوال لأني خربته من سنة تقريباً ولا بغيت أرجعه) المهم ماما جات وقالتلي إنه خطيبي يبغى يكلمني..
ولما كلمته كنت شوي معصبة منه ومتوترة إنتوا عارفين السبب...
المهم قلتله "أنا ماني عارفة إيش الحكاية معاك..إنت تستحي ولا تتثاقل..أنا أنذرتك هالمرة بس بعد كدا إذا طنشت أنا كمان حطنش"
((قلتها بمزح بس كان باين إني معصبة شوي)):mad:
وهو كلامه قلييييل جداً ماعرفت هو زعل مني ولا خجلان ولا إش بالظبط
.......

لكن كل اللي أقدر أقوله إنه حالتي النفسية الحين
جددددددددددددددداً سيئة!!!

وحنفجر!!!:mad2::mad2::mad2:

إش الحل في هالموقف الحين؟؟؟؟؟؟
الله لا يهينكم!!!:cry::cry::cry:

:clap::clap:حبيبتي عااااادي اللي سويتيه يمكن يحس فيك شوي ؟؟؟ أنك معصبه أوحزينه من البعد بس تصدقين أنه راح يحس أنك شوي معصبه ويراضيك أناأوصل ساعات للبكي أذا كلمني من العصبيه
بس أقولك أصبري كمان شوي معليش هذا هو بدا بالكلام ويبي يكلمك مره ثانيه بس أتبعي كلام البنات وماراح تخسرين شي حتى لو صعبه عليك أقولك تحملي وراح تشوفين النتيجه ( أنه يشتاق لك ولسماع صوتك) وخليك ريلاكس :up:

القمر البحار عادي الموقف عزيزتي ولا تزعلي نفسك ..........بالعكس هذه فرصتك علشان تختبري مشاعره ....
سواءا كان هو مستحي ولا يتثاقل ........على الأقل اللحين عنده فكرة ان أسلوبه هذا يضايقك ..
وصدقيني اذا كان مهتم بيكلمك وبيحاول يفهم ايش كنتي تقصدين....
واذا ما كلم .......لا تزعلين لأن احتمال هو أساسا ما فهم عليك واعتقد انك تمزحي معاه بس :D2

في نفس الوقت هذا حاولي تقطعي شوي اتصالك فيه من مسجات أو كاردات أي شي كنتي تسوينه وقفيه فترة مثل ما قالوا البنات علشان يحس بالفرق..........
والله يوفقك انشالله ونسمع منك أخبار حلوة



تحياتي
ايمـــــــــــــــــــــــــا

عامليه بالمثل..

اختي.. كم تدين تدان...

لما يعاملج بجفا.. عامليه بنفس الشي..
اخرتها اذا ما نفع معاه.. قوليله انته مغصـــــــــوب عليه؟؟؟؟؟

اذا ما تبيني قولي.. بس لا تعاملني جيه.. وخلنا نفترق على خير.. :)

لكن اذا ما تقدرين.. ممكن انج تصبرين عليه.. وتحاولين انج ادلعينه اخر دلع حليه شيخ شيخ.. لفترة يتعود فيها عليج..

وبعدين اقطعي.. او تغيري.. شوفي راح يلاحظ ولا لا.. اذا لا معناته خطيبج ميئئوس منه.. واذا لاحظ معناته فيه امل كبير انه يفكر فيج ويهتم لج..

بصرررررررررراحة

البنت تحتاج الرجال اللي يبادر من نفسه
ويحسسها انه ما يستغني عنها

ولكن في مثل حالتك


عوديه على انه يسمع صوتك كل يوم وترسلي له مسجات

وتقولين له كلام حلو

وبعدين اقطعي؟؟؟؟؟؟؟


راح يحس بقيمتك وراح يفتقدك مرررررررررررررة

جربي وشوفي

السلام عليكم ورحمة الله وبركاته
انا اقولك

عوديه على كثرة كلامك ومسجاتك وايميلاتك واتصالاتك

كتير كتييييييييير

بعدين مرة وحدة! اقطعي عنه! لا تبعثيله ولاااااااا شي

شوفي بعدها ايش رح يعمل :up::up:

أعتقد هادي احسن طريقة حتى يحس ويشتاقلك

:cool2::cool2:

أتمنى تستفيدي

تحياتي:clap::clap:

في بعض الكلام صح ......

اثقلي يابنت الثقل زين ....... واهم شىء تبيني له انك مشتاقتله .... وبنفس الوقت تقدرين تتخالين عنه ....بكل سهوله بس اثقلي اشويه


مثل ماقالو البنات دزيليه شغلات خفيفه مثلا صباح الخير بس دزي باليوم الواحد شىء واحد :) يعني يامسج او بطاقه او ايميل وحتى الايميل دزي له كلمه او كلمتين ولا تكتبين عنوان للايميل

واذا دز لج دزيليه رد عليها لاتحطين رساله جديده حتى يفكر انج مو مهتمه فيه وايد


وهذي الى اقدر افيدج فيه


:)

النونه

الغاليه القمر البحار..

سبحان الله مشكلتج وايد قريبه من مشكلتي أول الملجه.. تصدقين اول ثلاث شهور من الملجه ما كلمنا بعض.. ولا شفنا بعض.. ولا حتى سلم علي في العيد.. عاد أنا تخيلي حالتي النفسيه (u)

تصدقين اني واجهته وقلتله نفس اللي كتبته الأخت ملاك الإمارات.. حتى شكيت إنها أنا!!

وكانوا اهله يقولون انه وايد خجوول وكتوووم.. بس أنا كنت أتعذب يوم أشوف المالجات كيف يدلعونهم أزواجهم ويركضون وراهم وأنا العكس.. كنت أقول يمكن ما يباني.. وسألته كم مره وقال لو ما أباج ما كنت خطبتج..

اسمحيلي الغاليه قلت قصة حياتي.. بس القصد إني أبينلج إن شي وايد رياييل نفس ريلج..

وانا اتبعت وايد أساليب عشان أغير ريلي.. بمسجات العتاب.. ما نفع.. بالعتاب على التلفون.. يعتدل كم يوم ويرد لعادته القديمه.. بالمفاجآت اللي أسويها يوم يزورني.. والتأثير وقتي.. ويرد لعادته..

المهم آخر الحلول وبعد مرور 8 شهور عالملجه.. وبعد الدعاء المستمر في أوقات استجابة الدعاء..ان الله يسخره لي.. ويحنن قلبه علي.. ويجملني بعينه.. ويحببني لقلبه ويحببه لقلبي.. ويجعل بينا موده ورحمه..

وصارحته بأني أحس إنه ما يحبني وإني أشك إني زوجته,, وإني أحس إني مب مهمه عنده.. بأسلوب حزين.. مع الصياح..

والحمد لله بدى يتغير.. ويطرش مسجات.. مب بالكثره اللي تمنيتها.. بس أحسن من لا شي.. ويهتم.. ويتصل.. وبصراحه أنا صرت أحاول أشكره وأشجعه على أي حركه حلوه يسويها.. عشان ما يقول هاي بس تعاتبني يوم اغلط وما تشكر..

أطرشله مسجات من كلامي أنا.. لأنها تكون أحلى بالنسبه لهم.. وأشكره انه مهتم فيني.. ويتصل أو ياخذ رايي بموضوع..

والغاليه كل ريال له طبع مختلف وهذا دورج تعرفين طبع ريلج.. المهم لا تكررين نفس الأسلوب للعتاب وتقولين حاولت وما تغير.. لا نوعي.. جربي رساله.. مسج.. دلع.. حزن... إلخ وبتعرفين ان شالله..

ووحده من الاستشاريات قالت جمله.. توقعت إنها تنطبق على زوجي.. قالت بعض الرياييل كثر ما تعطينهم حب وحنان ورومانسيه يزيدونج بالمقابل الحب..إلخ.... والنوع الثاني اللي شوي صعب هم بعض الرجال اللي كل ما زدتيهم اهتمام ورومانسيه وحنان ثقلوا وابتعدوا.. وكل ما قللتي زادوا! والله العالم

انا بصراحه حاولت ما اطرشله مسجات فترة شهر.. مع انه كان صعب علي.. بس اتوقع والله العالم انه تغير..

الغاليه.. مرحلة الخطوبه (الملجه) مرحلة تجارب.. حاولي تفهمينه.. وخليه يفهمج.. ويعرف شو تحبين وشو ما تحبين.. واصبري يمكن يطول الوقت.. واشغلي عمرج هالفتره بهوايه.. واقري كتب تتكلم عن نفسية الرجل والتعامل معه.. وتلقين وايد منها مترجمه في مكتبة جرير.

واسمحيلي عالإطاله بس لأنج ذكرتيني بحالي حبيت أفيدج..

وبالتوفيق..

مرحبا اختى
اعتقد انه انا مثلكم
انا مملكه لى 7شهور وما بحس بوجود خطيبي بحياتى بحس انه بعيد رغم انه يكلم بالاسبوع مره الا انى ما بحس فيه ولا بحس من ناحيته اى عاطفه
وبتعب لما اشوف كم وحده من العيله خطيبها بيكلمه كل شو وير سل مسجات على الاقل مهتم وانا حاسه انه مغصوب على وقلت له انت مغصوب على خلاص اتركنى قال لو مغصوب عليك كان تركتك
بحس انه ما في توافق لا عاطفى ولا فكرى
ما بعرف ايش الحل

السلام عليكم

شوفي حبيبتي مو انتي لوحدك اللي بتعانين من هالمشكله كثيييييييييييييييييييييييييير بنات زيك واولهم انا:o

يعني احنا البنات رومانسيات ونشوف الملكة فترة دلع ورومانسيه

مااقولك غلط لكن بحدود

يعني هم بعد مساكين يمرون بظروف وخصوصا خطيبك يدرس اكيد يبي يركز بدراسته عشان ينجح ويخلص ويتزوجك بسررررررررررعه

او يبي يجهز نفسه للعرس وعليه ضغوط ماديه

المفروض يجمع مهر ويجهز شقه غير تكاليف الحفله وشهر العسل

عشان كذا يمكن مايتصلون عشان يوفرون فلوس

ارحميييييييه وكوني عون له واصبري

والله يوفقك

عزيزتي أنا ما عندي خبرة والله ولا مخطوبة ولا شي بس عندي الك كلمتين يمكن يفيدو
قبل ما تقولي ليش بارد وليش ما يسأل لازم تعرفي خطيبك وتعرفي كويس
يعني اذا انت متاكده انو غير مغصوب عليك اذا الموضوع يحتاج الى صبر ومحاولة الى استخراج الكلام الحلو منه بصعوبة
أولا لأن الرجل الشرقي يعتبر الكلام الحلو والغزل ضعف وما يحب يبين ضعفه
ثانياً انا اعرف انه الرجل احيانا اذا كان سكوت وكتوم فهو رجل حساس جداً ويعمل للكلمة ألف حساب يمكن خطيبك من هذه النوعية وفي هذه الحالة فهو أصعب نوع من الرجال ولكن بنفس الوقت أرق نوع من الرجال
كل ما تحتاجينه هو الأسلوب الذكي لمعرفة جعله يتحدث معك وبكل صراحة عن كل المواضيع الي في بالك ومع هذه النوعية ايضاً يجب ان تعرفي انه اذا علقتي عليه اذا قال كلمة سوف يتراجع ولن يعيدها سواء كان تعليقك مزح او مديح او تعجب من قوله كلمة غزل
يعني اذا قال كلمة غزل لا تنجني وتنبسطي كتير ، فهو رح يخجل وما بيعيدها واذا استغربت وقلت انو كيف بيطلع منك هيك كلمة فهو ايضاً لن يكررها
تقبلي كلماته الجميلة القليلة بمحبة وبهدوء

ومن ناحية جعله يشتاق لك فالأخوات كتبو وما قصروا
وكما قلت لك أختي ولكن أخواتي اللواتي تعانين من تلك المشكلة يجب ان تعرفي الرجل الذي أمامك قبل كل شيء
والله يوفق الجميع
وادعوا لي أخطب علشان أجرب :smile::up::o

عزيزتي أنا ما عندي خبرة والله ولا مخطوبة ولا شي بس عندي الك كلمتين يمكن يفيدو
قبل ما تقولي ليش بارد وليش ما يسأل لازم تعرفي خطيبك وتعرفي كويس
يعني اذا انت متاكده انو غير مغصوب عليك اذا الموضوع يحتاج الى صبر ومحاولة الى استخراج الكلام الحلو منه بصعوبة
أولا لأن الرجل الشرقي يعتبر الكلام الحلو والغزل ضعف وما يحب يبين ضعفه
ثانياً انا اعرف انه الرجل احيانا اذا كان سكوت وكتوم فهو رجل حساس جداً ويعمل للكلمة ألف حساب يمكن خطيبك من هذه النوعية وفي هذه الحالة فهو أصعب نوع من الرجال ولكن بنفس الوقت أرق نوع من الرجال
كل ما تحتاجينه هو الأسلوب الذكي لمعرفة جعله يتحدث معك وبكل صراحة عن كل المواضيع الي في بالك ومع هذه النوعية ايضاً يجب ان تعرفي انه اذا علقتي عليه اذا قال كلمة سوف يتراجع ولن يعيدها سواء كان تعليقك مزح او مديح او تعجب من قوله كلمة غزل
يعني اذا قال كلمة غزل لا تنجني وتنبسطي كتير ، فهو رح يخجل وما بيعيدها واذا استغربت وقلت انو كيف بيطلع منك هيك كلمة فهو ايضاً لن يكررها
تقبلي كلماته الجميلة القليلة بمحبة وبهدوء

ومن ناحية جعله يشتاق لك فالأخوات كتبو وما قصروا
وكما قلت لك أختي ولكن أخواتي اللواتي تعانين من تلك المشكلة يجب ان تعرفي الرجل الذي أمامك قبل كل شيء
والله يوفق الجميع
وادعوا لي أخطب علشان أجرب :smile::up::o