زوجي زعلان مني

"كلي امل ";15504220:
المشكلة بسيطة جدا
وليش تتضايقين خلية على راحتة وهو بيرضى
انت مكبرة السالفة ليش اجل شنهو خليتي حق المشاكل الكبيرة
اسفة حبيبتي بس هذاي وجهة نظري خلي كل شي طبيعي
عند حصول اي مشكلة بسيطة سوي روحك طبيعية
ولاتزعلين ولاشي مثل ماقالت الاخت الى فوق طيبي خاطرة بكلمة حلوة وبيرضى
ان شاء اللة حياتكم كلها سعادة لاتزعلين مني

ضي ،،;15504215:

هلابك اختي

شوفي يالغاليه اذا كان انسان طيوووووووب اعتذري منه بمسجات حلوه
وبيني له وش كثر تحبيه وماتستحملي زعله
وان كان الطيب والاعيذار يقسيه ويخليه يشوف حاله عليك طنشيه
والتزمي الصمت حتى يبادر هو بالاعتذار
يعني تصرفي على حسب شخصيته والاسلوب اللي يصلح له

انا عن نفسي اذا زعل زوجي علي بسب ولا بدون سبب
اطنشه والتزم الصمت واقوم بكل شوون بيتي بوجوده وبغيابه
حتى اذا رحت لأهلي اطنشه ولا ارد على مكالماته
الا لما يجي بنفسه وبعتذر
وهوتعود على اسلوبي واصبح يرضى من نفسه ويغير نفسه بنفسه حتى يسعد هو

مو شرط يعتذر الرجل بمجرد ان يبتسم هذا يكفي عن الاعتذار لانه ناوي الخير
بس كرامته تمنعه عن الاعتذار حينا وحينا يتشجع ويعتذر

نصيحه للكل اذا تصالحتم لاترجعوا اللي فات مهما كان كبير
ابدو صفحه جديده وكأنكم توأكم متزوجين دايما قولو اللي فات مات
وان كان مامات ادفنوه بقلوبكم ولا تطلعوه حتى مايموتكم قهر

والله يصلح بينك وبين زوجك اختي

şé̲м̲̅σ;15504121:
هلابش يا عسسله

مشكله زغيرا ومرده بيرضا إن شاء الله

غنتي بس طيبه خاطره بكم كلمه حلوه

^^

ربي يحفظك

السنوايت;15504114:
الله يهون عليك ويصلح حالكم

بس لاتعبين نفسك

الرجال اوقات يزعلون من اشياء تافهه ....

انا بعلمك طريقتي والله صرت ارتاح

اكثري من الاستغفار

وادعي اللهم رد لي زوجي ردا جميلا

والله يجيك نفسيته طيب ويهدى الحال بينكم



والله يهدي النفوس ويسعدكم

بنت الرافدين;15504057:
الله يهون عليج

عادي اختي تمسي نار تصبح رماد

هوني عليج ولا تتكدرين

ليونا الطعمونة;15504243:

السلام عليكم

كيفك حبيبتي ؟؟
شوفي حبيبتي ابي اتكلم وياك بصراااااااااااحه
الرجال لاجاعوا اخلاقهم تقفل على طول
وانتي شوفي زوجك
جيعان
وربعه سحبو عليه وكنسلوا السفره
وخلقه ضايق
ويمكن صدق كانوا رايحين بس هو حب يجلس معاك
وفضل جلستك عليهم
ولما اتكلمتي معاه وهو ماكان متوقع منك هالرد
يعني في باله انك بتفرحين انه بيفطر معاك
وانصدم من الطريقه وانتي محد بيلومك لانك ما استعديتي
حب يعاقبك
بس انتي لارجع يعني
قولي له انا ما استعديت وزعلت لانك وعدتني انك تصل وماتصلت
ومن هذا الكلام الحسي مخه
وهو بيرضى ان شاء الله
انتي مو غلطانه
وهو المفروض يتصل
بس يمكن اكلتيه مقلب جااامد
الله يوفقكم ويهنيكم ويبعد عنكم عيون الانس وانفس الجن
ولايفرقكم ولايزعلكم من بعض
اميييييييييييييين
اميييييييييييييييييييييين
اميييييييييييييييييييييييييين

وصل الله على نبينا محمد وعلى اله وصحبه وسلم

فيض الغرام;15506081:
مشكورين خواتي ع مساندتكم لي واللهه خففتون علي همي

انا من البدايه قلت انه مشكله بسيطه بس زوجي زعله كبيييييييييييييييييير
فهني المشكله في زعله

المهم البراحه جلست اتصل له واطرش له مسجاااااااات وهو مايرد علي حتى خالتي متصله اتقول اتصلت له ومايرد
فهني حسيت قلبي عورني لانه مايرد خفت صاير له شيء لا سمح الله

بعدها طرشت له مسج اني بروح بيت اهلي ورحت
وجلست اتصل له من هناك ولا يرد
وتالي رد علي على الساعه 2 الفجر وهو كان بالسعوديه طبعا
واطمنت عليه بس يقول انه تلفونه صامت
وانا مافي قلبي شيء بالعكس بسرعه اسامح لانه قلبي ما يحمل ع احد
وقال يمكن يتاخرون ومارجع الا الصبح ومر علي في بيت اهلي وكنا لسى جالسين ما نمنا ورحت معاه وقعدت اسولف معاه
وتالي هو فتح الموضوع يقول اي نسيتي يوم تصارخين علي المغرب بالتلفون قلت له انا ماصرخت كلامي عادي >> اهو قلب الشيء علي انا
سكت عنه وقلت له اني ما بتكلم علشان لا تكبر السالفه
لانه انا كلامي عادي بس هو دائما يقول لي انتي تتكلمين بصراخ ورفعتي صوتك علي > الله واكبر انا مارفع صوتي ع احد وهو حاط في باله اني لما اكلمه بدون احترام يعني شنو يبي اسوي له
عاد قلت له خلنا انام احسن لا تكبر السالفه وانا كنت دايخه بعد السهر والعيال الله يحفظهم

بس نمنا وقعدنا من النوم كلمته عادي وهو بعد ولا كانه شيء صار وخلاص لاني مابي اكلمه في الموضوع مره ثانيه اخاف تكبر اكبر من جدي

لكن اقول صح انا ما غلطت عليه بس غلطت في شيء واحد اني استعجلت وقلت له انك توك فاضي متصل وسبقته ولا عرفت مقصده شنو وانا طبعنا يالنسوان كله جدي مستعجلين وبس
وتالي الشيء ينقلب ضدنا
وخلاص هذا درس لي ويبي لي اتعلم لان الرجال بسرعه يزعلون وزعلهم جايد