قصة ولادتي

سلام بنوتات
شخباركم؟ انشالله اوكي

مبروك لكل الي ولدوا قبلي و بعدي و ما قدرت اباركم لهمF:

اليوم انا جايبة لكم قصة ولادتي الي تأخرت على ما اكتبها بسبب ما عانيته

انا كان مقرر ولادتي طبيعي تاريخ 21- 6- 2011 في المستشفى الكندي
و دخلت شهر 6 و انا تعبانة و تنفخت واااااااااااااايد و صادتني حساسية و صار جسمي كله يحكني بدرجة فضيعة لدرجة يطلع الدم من كثر الحكة:-#
رحت تاريخ 7 دكتورتي في مستشفى السلمانية و سوت لي توسعة عشان اولد بسرعة و قالت لي امشي وايد و ضليت كل يوم امشي 3 ساعات و اتبخر و اشرب ماي ورد و زعفران غرشتين باليوم و لا صارت عندي اي بوادر بس افرازات بسيطة

و اخر شي وصلت لمرحلة اني تعبت وايد من الحكة و النفخ و رحت للدكتورة تاريخ 11 و قلت لها ركبي لي طلق صناعي جيكت الرحم طلع انصكت التوسعة و البيبي بعيد قالت لي خليني بعد اجيك حجم البيبي بالالترساوند لانه كانت خايفة انه وزنه زاد بسبب حبوب الجلكوفاج الي اخذها..

و جاني دكتور متخصص بالاشعة و سوه لي الترساوند و قال لي حجم البيبي كبير ازيد من 3.5 و عطى الدكتورة الريبورت و قالت الدكتورة خلاص بكرة قيصيرية الساعة 9 و انا كل علامات الصدمة جتني:-o:-o:-o شنو قيصيرية لاااااااااااااااااا ما ابي عملية:badly:>>> حدها خوافة:-# و لا عمري سويت عملية

المهم اتصلت في دكتورتي في السلمانية عشان اخذ راي ثاني قبل ما اجازف و قالت لي لاااا لازم قيصيرية:'(
المهم يوم ثاني جهزت اغراضي و رحت من الصبح الساعة 8 الكندي و سووا لي الفحوصات و كل شي و دخلونه العمليات الساعة 9
و انا قايلين لي بيخلون ماما معاي و ما دخلوها :'( و من دخلت غرفة العمليات و شفت المقصات و السكاكين جتني حالة رررررعب:badly: و قعدت اصييييييييييح و هم يهدون فيني يبون يخدروني مو عارفين و اخر شي خدروني نصفي و حطو ستارة صغيرة قبالي عشان اشوف البيبي و كانت الدكتورة واقفة صوبي و مجودة ايدي و لما قالوا لها يلا تقدرين تبدئين العملية كانت بتترك ايدي و تروح وره الستارة جان ايودها بقوه من ايدها و من ثيابها و اقولها خلاص ما ابي اولد:lol::lol: قالت لااااا لازم نولدج عشان ما تتعبين و كلها نص ساعة و انتي طالعة :struggle: قلت لها حطو ستارة اكبر اخاف اطالع:confused:

ركبوا الستارة و شوي و سمعت صوت جبريل حبيبي:adore: بس ما شفته و خلوني في غرفة الانعاش ساعة و نص و انا ما زلت اصيح ابي امي و زوجي و طلعوني لهم و كانت ماما تصيح وزوجي عيونه مدمعه و جاء باسني و ودوني الغرفة بعدين جابوا جبريل

كنت من الوناسة بجيته و شوفته مو قادرة انام و كل شوي احمد الله على هالنعمة و اصيح:o ضليت يومين على هالحالة مزهوقة:lol:

اخر يوم لي في المستشفى لعنت ام النوم نمت لي يمكن 14 ساعة و لا حسيت بروحي:lol: و رحت البيت من بعد 5 ايام في المستشفى

المهم طبعا ما خلصت القصة الحين تبدأ المأساه...

بعد يومين من رجعت كان زوجي ياي من الدوام و اول ماقمت من السرير بسلم عليه صادني الم مو طبيعي و ضليت اصيح و اصرخ:badly::badly:
رحت طوارئ الكندي و دخلوني و جيكوا الجرح جان يشوفون انه الخياط انفتح و الجرح غزير واصل للرحم و امي شافته بغى يغمى عليها:confused:
و ضليت اسوي دريسنغ ثلاث اسابيع و لا التئم الجرح لين ما قرروا يسووون لي عملية ثانية و يصكونه

سويت العملية بعد شهر من ولادتي و عانيت منها مرتين .. يعني شهرين ضليت في معاناه و مأساه و سويت قيصرية مرتين


و بس و بس هاي قصتي و سامحوني على التأخير:o