ماذا تفعلين اذا تزوج زوجك باخري؟؟؟

هلا اختي RoOoOmy .. يعطيك العافيه .. من كلامك .. اخوي ملياردير
لي عودة على ردودك بس بعد ما اشرب قهوتي واعدل راسي ..
وانا بقول بانتظار ردك .. بس انا تريني خلصت شربت قهوتي واكلت تمرتي ومعدل راسي .. لان موضوع الزوجه الثانيه ... وقبل مااكتب فيه لازم اكون مصحصح على الاخر.. ولابس بعد هندامي وكشختي على الآخر لاني بواجه ( قذائف .. وقنابل .. الله يستر بعد اختي من ردك .. بس بهدوء ) وانا لازم بكون مستعد لمثل هذه الامور وآخذ احتياطاتي بعد ..

اخوي ملياردير ما أدري ليه بس احس ما ودي اعلق على الموضوع اكثر احس ان المناقشات زادت بدون فائدة ( مو كل المناقشات ) لان في بعض الاخوات ( انا ما ذكرت اسماء ) عندهم تمسك غريب بوجهة نظرهم يعني الوحدة تقول وجهة نظرها في كل رد بدون مناقشة ردود الأعضاء يعني لو سألتها سؤال عن المنتخب اللي فاز في كاس البطيخ راح تطرح لك وجهة نظرها وفلسفتها في الحياة

اخواتي اختلاف الرأي لا يفسد للود قضية بس اللي يبي يطرح او يناقش موضوع عليه ان يتحلى بالموضوعية في كلامه وردوده وأهم شي سعة الصدر ورحابته

تحياتي للجميع

:D2:D2:D2:D2:D2:D2


اللي يشوف كلامكم يعني الرجاجيل ماراح يتزوجون اللحين وصج انكم راح تموتون لي صارت الصجيه صارت خلاص يعني شنو بتسوين بطقين على راسج طبعا لاء بتنتحرين هم لاء اكيد راح ترضين بالامر الواقع

بعدين الرجاجيل طماعين تدرون ليش لانه الله خلقهم جذي وانا مااشجع الزواج الثاني او الاول او الثالث وانا صراحه ماجربت الشي

بس تدرون هذا اهو اللي صاير بوقتنا الحالي انه بعد جم سنه يقوم يتزوج عليها او انهم يتطلقون ليش اهو في شي ساعات مايكون فيه شي او يكون في سبب مقنع وهذا اللي اشوفه واللي دايم يكتبونه بالمجلات ويقولونه بالتلفزيون لانه اغلب شي علبالهم انه الزواج لعببببببببببببه ويتزوجون وهم صغار ساعات يكون مستانس ومرتاح وهي هم نفس الشي بس يتطلقون ليش يقول ماتهنيت بشبابي شنو تفسير هالشي الزواج شي مو سهل وهم الزواج من وحده ثانيه مو سهل

خل اقولكم كلام قالت مره جدتي قالت ماابي اي واحد منكم يتزوج على زوجته مو عشانكم ولا عشان حريمكم بس علشان اعيالكم :smile:

كلام معقول صح بنات :)

بس هم ارد واقول انا مو ضد ولا مع الزواج الثاني لاني ماجربت الشي صراحه :) يعني لا تحطون علي وتناقشوني بس حبيت اشاركم في ارائكم :)

هلا اختي RoOoOmy بس انا معفيك ابدا من الرد ابدا ولازم عند وعدك صح تكوني .. مادام شربيتي قهوتك وعدلتي راسك يااختي رد من العقل والمنطق .. ودائما اختي خوذي الاصلح دائما والواقعي .. اما البنات هذا طبع عن بعضهن ( يخلوا على راى المثل من الحبه قبه ) بس خليهم تفريغ ( نفسي ) مايضر ابدا .. لاوهاليومين طايحين بمنتخب ( التمر ) للتحضير لرمضان .. شرايك تطرحين ذي الفكره بس بكرى شوفي الآراء اللي بعمرك ماسمعتيها بحياتك عن التمر ( رغم ان التمر وافضل انواعه السكري ) بس كثير من البنات تبي تحاول تغير ذي الفكره بالقوه .. تحياتي

شكرا لك اخت RoOoOmy_M على مشاركتك الطيبة مع تمنياتي لك بقهوه لذيذة وراس متعدل

كما اشكرك يا اخ ملياردير على ردودك الطيبة وودت لو انك افدت الجميع بما يحتاج الرجل من المراة ويجعله لا يفكر نهائيا الزواج باخرى غير زوجته؟؟؟؟ لعل تتغير وجهات النظر الي الصلاح والاصلاح

والله لو زوجي ماعنده سبب وتزوج .. بس لانها عجبته وانا مومقصرة معاه بطلب الطلاق واعيش في بيت اهلي معززة ومكرمة ولا اعيش مع انسان ماقدرني ولا احترمني وخذا علي وحده ..

نسيت اقول

عندي سؤال للخوات المتزوجات


يعني في زوجه ترضى انه زوجها يغازل بس انه ما يطلقها او يتزوج عليها شنو رايكم في هالشي

وهل اسم متزوجه اهون من اسم مطلقه

اهلا فيك اخت مسحورة واسم الله عليك من السحر والعين ، قلتي شئ حلو (اكيد راح ترضين بالامر الواقع ) وانا وجهة نظري ان ترضين مع الاجر واحتساب الاجر من الله سبحانه، وتدخرينه لك في الاخرة افضل من امور كثيرة . وانا سمعت انها اذا غارت المراة واحتسبت الاجر كاجر شهيد سمعت شيخ سعودي بس راح اتاكد واقولكم والله اعلم .

الزواااااااج شر لابد منه

اختي فروحة الحلوة انشاءالله زوجك ما يتزوجك عليك ولا تعيشين هذا الوضع من الان ولكن اكثر كلامنا اذا تزوج وانتهى الامر ماذا نحتاج وقتها ؟؟؟

كيف نحفز عقولنا والتفكير بابناؤنا واقل خسارة ممكنه واجر وفير

من كلامك اختي ( رهف الجود ) ..
كما اشكرك يا اخ ملياردير على ردودك الطيبة وودت لو انك افدت الجميع بما يحتاج الرجل من المراة ويجعله لا يفكر نهائيا الزواج باخرى غير زوجته؟؟؟؟ لعل تتغير وجهات النظر الي الصلاح والاصلاح ..
اختي الله يهداك اكيد ناويه تورطيني بمثل هذه الامور ( قلتلك اختي اساسا مرفوضه كلمه زوجه ثانيه عند المتزوجات ) كلامي وين وافادتي وين باحتياج الرجل من المرآءه ولاتجعله يفكر بالزواج ) انا عن نفسي وعن زوجتي حافظينها عن ظهر الواقع والغيب بعد .. ولايمكن نستغني عنها .. بس راس زوجتي مو يابس وبعناد وصراخ نووووو .. السناعه والضحك آخذينها بصدر رحب .. الا وش رايك اختي ( رهف ) انتي ادخلي ببدايه الموضوع وانا اكمل .. بس على مسئوليتك . ان احد نرفزني او شتمني او طقني .. لان اليوم مافيه امان ابدا .. تحياتي

كل مرة أدخل الموضوع و إيدي على قلبي خايفة تحصل مشاكل....


لكن ما شاء الله....إنتو أعضاء روعه و الله...


المناقشة حلوة و جميلة...و أتمنى تستمر كذلك....


في عندي نقطة اكتشفتها في النهاية....


أخت رهف الجود وضعت الموضوع ( كما فهمت ) كي تواسي من تزوج زوجها بأخرى....


و نحن كل ردودنا كانت في منعطف: ماذا لو تزوج زوجك بأخرى أو أخبرك أنه سيفعل....


لذلك كانت هناك متناقضات في المناقشة....



و مع ذلك كانت مناقشة رائعة....


طبعا كل واحدة لو اتزوج عليها زوجها بالذات لو بدون سبب واضح...ممكن ساعتها تمسك زوجها و تضعه في الخلاط :s2


أخت رهف الجود تحاول أن تهون ذلك علينا بالتذكير بما عند الله...و أن تهدأ الزوجة نفسها...بارك الله لك أختي رهف :smile:


لذلك العنوان المناسب للموضوع هو: كيف تهونين على نفسك لو تزوج زوجك بأخرى ؟؟؟؟



بانتظار آراءكم..



تحياتي....

ملياااااردير

تعااااال هنا :down::down::down:


الردود والله مو مني الرد حق السفر والركوب بالسياره قدام

واللي منه هذا من ردود الاخت اعناااااااااااااب


تسمع اعنااااااب

انتظر اعتذار ايها الثري :pain:

انا لما اكتب عن الزواج مااكتب عن سفر انا شبعانه عند اهلي من السفر

للخارج وغيره وانا وحيدة ماما وبابا يعني الدلع كله لي مو تفكيري

اسافر او لا.,......تفكيري حب تملك بصريح العباااره

امي وابوي لي طوووول عمري

بيكون زوجي لي طووول عمري آآآمين:up:

[B
]طبعا بعدما تم الرد من قبلي .. طلعت فوق للردود ... ونسيت كلمة ودي ارد على خيتي ( تسواهن ) بشغله بسيطه جدا .....
انا ماجبت شيء من عندي هذا كلام اختي ( تسواهن ) ...
(( بعدين تخيلو اذا تزوج عليك ماراح تسافرين انتي وزوجك لحالكم لازم هي معك عيالك وعيالها بدون هدوء بالعكس وجع راس ومشاكل زيادة والله اجلس بالبيت اصرف لي اصلا انا قايلته اذا تزوجت بعد انا راح اتزوج... ويموت قهر يقول والعيال .. اقوله تبيهم خذهم عندك احسن .. بس صدقوني مو من قلبي بس علشان يخاف )
خيتي تسواهن .. فعلا لما تكتب بالذات عن موضوع ( الزوجه الثانيه ) ماتدري احيانا وش كتبت من الانفعال وعوار الراس وهي عاصره تفكيرها بمثل هذه المواضيع .. انا استشفيت من خلال عباراتك الاتي اوكي .. بس خوذيها بهدوء .. لو انني ماأظن بس على الله تاخذيها كذا :ـ
1ـ الهم الاكبر عندك السفر فقط .. هذه اختي بسيطه حلها اخذ اجازه شهر ويتم السفر مع الزوجه الثانيه لمدة 15 يوم لآي دوله تبغاها بالعالم .. ووقت مانرجع اسافر بالزوجه الاولى بس على رغبتي انا مو رغبتها هي ( اكيد صدقتي ) بالعكس اسافر لرغبتهن جميعا ( مانيب ناقص مشاكل .. وابي عدل بعد ) .. بس ابي اقولك نسيتي شغله بسيطه اختي ركوب السياره ( من اللي تركب قدام ) وقت ماتبغون تمشون .. هذه المصيبه الكبرى ... رغم ان هناك اختي اشياء واشياء واشياء كثيره وكبيره تسبق هذه الامور وتعتبر من الضروريات القصوى ولانيب معددها لكثرتها وتعددها ..ولكن بقول مسكتها عليك ( هذه اولا ) .. بقول لحظه صبري الله يخليك لاتستعجلين ......خوذي الثانيه .
2ـ زوجك لو تزوج عليك يتمنى جلستك بالبيت وهذا من كلامك ... اي زوج لما يتزوج ثانيه يتمنى بزوجته الاولى ان تنطق بالبيت لتفتح المجال للزوجه الثانيه ( بكثر الطلعات مع زوجها ) لان الزوجه الاولى أخذت كفايتها من كثر الطلعات .. اوكي .... بقول صبري تسواهن لاتستعجلين خوذي الثالثه ..
3ـ قلتي لزوجك اذا تزوجت انا رايحه بعد اتزوج ... وبقول انا طيب خيتي تسواهن ولما تبغين تتزوجين وهل تتزوجين ( شاب ) او ( متزوج ) شاب مابعد تزوج شيليها من راسك .. ليس تقليلا من قيمتك حشا وتستاهلين ولكن هذه نظرتنا للبنات المطلقات والتي سبق لهن الزواج والخلفه .. ولكن اليوم البنات اللي ماتزوجوا ( تارسين المجتمع ) وعليك الحساب بكل بيت 6 أو 7 أو 8 بنات مابعد تزوجوا وتحصلين عندهم ( ولد ) واحد .. اما انك تتزوجين ( شخص متزوج ) رجعنا على قولتك لخراب البيوت ودمار النفسيه ( للزوجه الاولى ) شفتي ماجبت شيء من عندي ...طيب خوذي الرابعه ....
4ـ من كلامك شخصيا اختي تسواهن والله ماجبت شيء من عندي .. بس انت الحكم .. (( ملياردير يجب ان تنظر للامور بمنطقيه اكثر وبموضوعيه اكثر انت ايها الثري .....نسيت اثاااار الزواااج باخرى على الزوجه والابناء .....طبعا النفسيه وانت اخبر خلاص ....بغيناك عون صرت فرعون واذا كان الزوج نعل ....نعال تكرمون ...ماينصبر عليه ....الايزال نعمه ...لا والله ان المطلقه والعانس احسن ... الزواج اوكيه نعمة ستر للمراءه .... انا منك خلاااااص الحين نقول يسلام انسان فاااهم متعلم ...منصف للمراءه متفهم للامور والمشاكل للزواج الثاني وتاثيرها على المراءه والاولاد والسلبياااات المترتبه على الزواج الثاني في ظل انشغال الزوج المستمر عن زوجته واولاده وبيته ..وهي زوجه واحده وبيت واحد .... ولا بعد كل المدرسه زعلانين من ردودك ...مااا انت مصدق العشم فيك .....اللي احنا نتوقعه منك كثيرا .........اقله الوقوف الى جانبنا )) هذا كلامك مو كلامي
بس كلامي دائما يدخل ضمن حدود المنطق الجدي وبالدلائل والبراهين والذي يقع تحت طائلة ( ضروريات قدوم الزوجه الثانيه .. بقول ضروريات قدوم الزوجه الثانيه ) لوجود مسببات مزمنه ومتأصله جدا جدا وبعد جدا وفي عمق جذور العلاقات الزوجيه الخصوصيه البحته بين ( الزوجه الاولى ــ وزوجها ) ولا تقولين لي ( خلفه او اولاد ) هي السبب الرئيسي من قدوم ( الزوجه الثانيه ) بقولك نوووووو .. لان بمجتمعنا ازواج ولهم سنوات من الزواج ومتعايشين في اوج سعادتهم الزوجيه حتى ان الزوجه ومن قوه سعادتها مع زوجها وحبها واخلاصها تطلب منه الزواج بأخرى من اجل ( الاولاد ) لان العيب منها بعدم الانجاب ... ويرفض ( تلك الفكره من اساسها ) لاانه سعيد ..بقول سعيد افهميها بالطرق اللي يريحك ؟؟ اما في حالة انشغال الزوج المستمر عن زوجته واولاده وبيته .. وبعد يبي يتزوج ( هذا زوج فارغ ... واجوف بعد ) وحبه وحرارته لزوجته الاولى اقل من صفر وعايش معها بالبركه .. والا مالعمل الذي يسرق مني ( زوجتي ــ وبيتي ـ واولادي ) فهذا لايستحق ان يطلق عليه زوجا ... وجهة نظر .. تحياتي [/B]



راااجع كلامك ايها الثري ......الرد اللي فوق رقم 1-2-3-

كله مو لي
انا بس كتبت الكلام اللي بالرد اربعه

ارجع للردود وتلاقي كلامي صحيح:up:

قال ...قال.....تسواهن معصبه وعجله بالقرايه .....طيب ..طيب

وش نقول عنك .......:D2

تستاهل يابو الدراهم .......زي ما يقولون ..الطنزه مد باليد :smile:

ضحكتبي وبلاك الله ......آآآآآآآآه ياااااحلوااااه :cool2:

توه تبرد سبدي :D2

منت فاضي من عد الدراهم !!!!!!!(a)(a)(a)(a)


تسواهن بنت جابر عثرات الكرام (تخبركم ان اسمها تغير بعد هذه الحادثه وصاااااار )(يا غافل لك الله )

:up:(u)(u)(u)

ضحكتيني :D2 .. اظن اليوم حتى اللي مو غافل بعد له الله .. طبعا مليت اني برجع للردود خلاص ( الحساسيه وصلت للمخ تعدت الحلق والانف والاذن .. وغيرها من الامراض الموسميه ) بس فعلا اعتذر لك وبقوه .. اذا كان ذا مو كلامك .. وكلام الاخت اعناااب صح اسمها .. اجل خليها تستاهل كلامي اللي قلته .. بس انا طبعا اكثر فقره ضحكتني بالموضوع وهي احلى رد ( ويستاهل يسمى الرد المميز ) ردك على الاخت ( رهف الوجود ) واختي رهف ماشاء عليها آخذه الموضوع ببرود اعصاب وهات ( احاديث وآيات قرانيه ) البنات محترقات واعصابهن متوتره من هالموضوع وهي ولا على بالها .. على فكره اختي تسواهن قلتي انتي انك شبعانه من السفر صح .. هو السفر يشبع منه او يمل منه .. الغريبه عندي انا ورغم كثرة سفرياتي بالسنه مرتين .. قولي ثلاث .. وداخل المملكة وبالذات للرياض قولي 80 سفره بالسنه .. بس ماجتني شبعه .. جاني ملل وقرف زائد عن اللزوم من السفر ( وخرع الطيارات ) وحوادث السيارات وخاصتا اللي بيننا وبينهم عارفه الدعوى .. وعلى فكره نسيتي تاء التانيث ( ياغافله لك الله ) حتى بعد الهاء ماتبغونها يالبنات .. معذورات .. فعلا اختي تسواهن اتأسف انني نقلت الكلام خطاء بس كنت انا ذيك المره على عجله........

:down:ماادرىاتحمل ولامااتحمل اللة لايقولة

]كاتب الرسالة الأصلية : مسحوره [/i]
[



خل اقولكم كلام قالت مره جدتي قالت ماابي اي واحد منكم يتزوج على زوجته مو عشانكم ولا عشان حريمكم بس علشان اعيالكم :smile:

كلام معقول صح بنات :)

] :up::up::up::up::up:

اقول مسحوره ...بوسيلي راااااس جدتك .......هذي آآمااااانه

واذا كانت توفت .......وصي ابوك يبوسلي تراب قبرها

اوكيه

ما أقدر أتحمل

من عافنا عفناه لوكان غالي

في الزمن هذا الرجال تقول الرسول صلى الله عليه وسلم تزوج تسعة


وليش احنا مانتزوج<<<<<<<<<<<<<<<<<<وانت بتجي زي الرسول صلى الله عليه وسلم


والرسول صلى الله عليه وسلم قال تزوجوا الودود الولود فاني مفاخر فيكم الامم

والللي مايقدر على العدل يجيب لنفسه وجع الراس<<<<<<<<<<<<يستاهل اللي يبي الدح مايقول اح


ومرة قريت في كتاب في زمن عمر بن الخطاب واحد رايح يشتكي زوجته

ولم وصل بيت عمر لقى زوجة عمر تصارخ عليه


قال الرجل اذا كان حال عمر هكذا وهم الرجل بالعودة


فخرج عمر وشاهد الرجل فقال له ما بك ؟كنت اريد إشتكاء فلقيت حالك ليس باحسن من حالي


فقال له عمر ولماذا لااصبر عليها غاسلة لثيابي طابخة لطعامي مرضعة لصغاري ممسكة نفسي عن الحرام


وهذا هو عمر الذي اذاسلك طريق سلك الشيطان طريق آخر

من شدته


والرسول صلى الله عليه وسلم تعوذ من قهر الرجال ولاتنسون ترى وصاكم فينا وقال رفقا بالقوارير


ما وصى روح اقهر إمراتك



وترى انا مع الأخوات تسواهن ورومي

السلام عليكم ورحمة الله وبركاته .........

اشوف المناقشه صارت ساخنه وولعتوها.....

بس بقول لكم شئ انتوا ناسينه ؟؟؟؟؟؟؟؟

رهف الجود .......

انه في البدايه فهمتك غلط ؟؟؟؟؟؟ واكيد ان بعض البنات فهموك غلط ؟؟؟؟؟؟

بس مثل ما قالت مرموم ؟؟؟؟؟

البنت قصدها اذا تزوج الزوج وخلاص صار الي صار شنو لازم تسوي الزوجه ؟؟؟؟؟؟؟

طبعا عزيزتي لابد تشوف السبب اللي خلا زوجها يتزوج عليها ومن ثم تنظر الى نفسها وتصلحا اذا فيها اعوجاج ؟؟؟؟؟ وتشوف وين التقصير وتعالجه ؟؟؟؟ مو تندب حظه وتضرب على راسها وترقد بالمستشفى ؟؟
او ............
مثلا اذا هو تزوج عليها عشان هي ما تجيب عيال ؟؟؟؟ لازم تصبر على بلاءها ؟؟؟؟ لان الله ابتلاها ولم يجعلها قادره على الانجاب طيب ليش تحرم زوجها من الابوه ؟؟؟؟ وتخليه يختار بينها وبين ان يصبح اب ؟؟؟ تقدر تعيش معه بكل راحه وطمأنينه وتحب عياله وتعاملهم كأنهم عيالها ؟؟؟؟؟؟ بس ادري صعب ؟؟؟؟ حاسه انه صعب ؟؟؟؟ بس الله لا يبلينا ولا يبليكم بهذه المحن ؟؟؟؟

مثال ثاني ؟؟؟؟؟؟

اذا كانت المرأه مريضه او ضعيفه جسديا ولا تستطيع ان تلبي له حاجاته الجنسيه وتحصن نفسه ؟؟ او تكون المرأه بارده جنسيا ؟؟؟؟ او يكون الزوج قوي في الجنس ؟؟؟؟؟ وهناك حالات كثيره قرأت عنها في منتديات اخرى يكون فيها الزوج يرغب بشده في الجنس بسبب طبيعته ورغبته القويه ؟؟؟؟

يعني يا بنات الزوجه ترضى ان يروح زوجها يلعب مع العاهرات في الفنادق ؟؟؟؟؟ بالحرام ؟؟؟ ويترك الحلال ؟؟؟ ولا ترضى يتزوج عليها بحلال احله الله ؟؟؟؟ طبعا هذا اذا كانت الزوجه بارده جنسيا وليست لها رغبه في الجنس ؟؟؟؟؟
ليش ما ترضى يتزوج عليها ويعدل وياها وما بتتعب من متطلباته لانها بترتاح اشويه وزوجته الثانيه بتأخذ عنها النص ؟؟؟ ممكن اذكر حاله ؟؟؟؟
اذكر ان في واحد في ديرتنا يقولون عنه فحل يعني ماشاءالله خصوبته قويه وحتى ان زوجته ملت منه وملت من الغسل على طول اليوم ؟؟حتى صلة رحمها واصدقاءها قطعتهم بسببه وملت من قعدت البيت لانها انسانه بالدرجه الاولى تحب تطلع تقعد مع الناس تكمل دراستها وتعمل وتحقق ذاتها مع انها من المتفوقات بس لما تزوجت طلعت من الجامعه عشان تلبي كل احتياجاته بس حاجاته اكبر من مقدرتها وما قدرت تتحمل واخيرا استسلمت ؟ وعقب 3 سنوات من زواجهم تزوج عليها ؟؟؟؟

يعني انه مع وضد ؟؟؟؟؟؟؟؟؟

مع ؟؟؟؟؟؟؟؟ اذا كان في اسباب مبرره ومثل ما ذكر بالقران الكريم بالعدل ثم بالعدل ثم بالعدل ؟؟؟؟؟

ضد ؟؟؟؟؟؟ اذا كان مثل الاسباب الي ذكروها البنات كسر خشم او انه بغروره وانانيته يحطم اسرته ويشرد عياله في وسط كل هالمشاكل ؟؟؟؟؟ بين الزوجتين ؟؟؟؟؟ وياما حالات الله لا يبلينا ؟؟؟؟؟؟ يعجز الانسان عن ذكرها ؟؟؟؟
وبعدين منو قال ان الملل والفتور بين الزوجين يحله الزواج من وحده ثانيه بالعكس تزيد الطين بله ؟؟؟؟ وتنقلب حياتهم جحيم في جحيم ؟؟؟؟؟؟؟ وشو ضمنك ان الزوج ما يعيش الروتين والملل مره ثانيه مع زوجته الجديده ؟؟؟
بس تعبت واسفه اني طولت ؟؟؟؟
بس في النهايه اقول لج اختي رهف الجود ؟؟؟ ايا كان سبب طرحك للموضوع الله يساعد اي زوجه تزوج عليها زوجها ويلهمها الصبر ويعوضها في الدنيا والاخره ؟؟؟ و الضره مره والله لا يبلينا ابها ؟؟؟؟