ابي امي

بسم الله الرحمن الرحيم
والله يا بنات اني اكتب والالم ياقل قلبي والدموع ما تفارقني ........تعبت اشكي لروحي واكمت في قلبي فقلت اشكيلكم واطلب دعلئكم ...... ادري ان الحل مو بيدي او بيدكم ..... بس الامل في الله كبير وبالله وبدعواتكم بتنفرج من عنده.....ادري ان الشكوى لغير الله مذله بس تعبت اكمت في نفسي قلت اطلب الدعاء منكم
انا يا خواتي مشكلتي تكمن في ابوي .....ابوي انسان غريب ما ادري كيف اشرحلكم بس ابوي يحب الفلوس وايد وكله مشغول بتجارته .....بس نحنا عمره ما فكر يسال عن احوالنا عمره ما ضحك معانا من اول ما نولدت وهو بمشاكل مع امي وخواتي وخواني يمسك الغلطه مهما كانت قاصدتها والا مو قاصدتها خواتي كارههم وهم صغار كانو شياطين ويجادلون ابوي والحين بعد ما كبرو اهو بعد ذاكر هالمواقف .....فحاولنا انا واختي نتجنب الجدال معاه ....كل اللي يقوله صح وحتى اذا مقتنعين انه غلط ..... اجادله في قلبي .... اتخيل اني اكلمه بس ما اقدر اتكلم .....كل اللي حولينه يشوهون صورتنا عنده يقولون ان نحنا عيال ورث من بينهم عمي وخواتي من مرته الاولى حاقدين علينا لاننا بنعمه هم اللي يبون يورثونه بس نحنا وعياله من المره الاخيره نحبه رغم معاملته القاسيه معانا لاننا في بيت واحد و نحس ببعض ..... بس والله نحن بس نبي ابو متفاهم .....يوم يجي وقت الغدا او العشا الكل ساكت اهو اللي بس يتكلم ..... واي كلام كلام كله سب وشتم للناس هذا ماسلم علي وهذا عياله ملعوزينه وهذي تطلقت و هذا غلط على او يتم يسب في خواني يقول لامي ولدج تاخر عن الشغل او سهر وكله يحط اللوم عليها ويوم امي ترد عليه يصرخ بويها وما ينسالها هالشي ابدا..... بس مرت ابوي اهي الزينه اللي ما تجادله واهي العاقله.....والنتيجه امي بعيده عني .......امي انسانه فوق الرائعه ما ترضى بالضلم طيبه لابعد الحدود مع كل الناس كل الناس يحبونها ويسالون عنها ......في هذا الصيف صارت الكارثه ابوي عشان ينتقم منها ومن اخواني وعدهم انه يزوجهم فسافرنا اليمن (بلدنا )وزوجهم هناك من قرايبنا وحجز لي ولخواتي من ابوي عشان نرجع بس امي وخواني الاثنين خلاهم ......تخيلو يقعدون عند اهل حريمهم..... ذلهم ذل ....... تعبت ما اقدر على فرقا امي لاني البنت الوحيده مالي خوات(خواتي من امي متزوجات ) الا خواتي من ابوي .....انا الحين مع مرت ابوي وخواتي منها ..الكل متضايق من ها لمشكله لا ن اخوهم بعد ما رجع ....بس ما نقدر نعترض .... والله اني احلم في امي كل يوم ويسمعوني اصيح وانا نايمه ..... والناس منهم اللي يتصلون يشمتون ومنهم اللي يسالون عن امي الكل مستعد يكلم ابوي بي هذا بيزيد الطين بله ...لاني يوم سالت ابوي مجرد سوال (ابوي ام متى بترد ) قام وصرخ واخذني حجرته وقعد يسب في امي ويقولي اشيا امي سوتها اضن انها تصير بين اي زوجين ويمكن تتنسا مع الايام بس ابوي اين الحين ذاكرنها كان يبي يهز صورتها جدامي ويبرر اللي سواه وحلفلي انه مو جذاب وفالي ( انشاء الله تنعمى عيوني اذا كنت جذاب ) .........والحين اهو يعاني من عيونه ما يشوف عدل ...... يعني الانسان ما يقدر يختار ابوه .....بس انا ما تحمل بعد الوالده...... فلا تنسوني من الدعاء ......احتاجلهفي هالفتره... ما ابي يجي رمضانوهي بعيده عني ..ماني مركزه في دراستي ...... وحياتي جحيم بدونها ......... ادعولي الله يخليكم......

الضايعه : دمعه شووق :down: