افكاركم الحلوة انا محتاجة لها (( دقايق من فضلكم))

ان شاء الله البنات المتزوجات يردون عليك

السلام عليكم.. شوفي حبيبتي..

ذكرى اول مره شفتيه.. روحي لنفس المكان لي شفتيه فيه.. والبسي اللي كنتي لابستنه هذاك اليوم.. وحطي نفس المكياج اللي حاطتنه.. يعني عيدي اليوم نفسه اذا قدرتي.. واتصلي فيه.. وتواعدي معاه كانكم توكم مخطوبين واول مره تشوفون بعض.. حتى لو كان في بيت اهلج.. ترى هالشي حلوووووووو.. ويعيد الذكريات الحلوه.. :)

طبعا اللي راح يفرق هالمره.. انج راح تييبيله هديه بسيطه عبارة عن ميداليه فيها اول صورة لج وله مع بعض.. يعني خاولي تخلين الهديه عبارة عن اول شي بينكم.. مثلا اول ورده يهديج اياها.. وكل ذكرياتكم الاوليه.. :)

اما مناسبة عقد القران..
ممممممممممممممممممممم سويله ليلة حمرا.. :)

يعني.. البسي احلى لبس هو يحبه.. وعطري ودخني البيت.. وييبي اوراق مقصصه على شكل قلوب.. واكتبي على كل قلب بيت شعر او كلمه احبك. وانثريهن من باب البيت لين غرفة النوم.. او لين طاولة الطعام (اذا فيه عشا).. بالتالي هو بيمشي يتبع القلوب لين يوصل لقلبج اللي هو انتي.. وبتقوليله لما يشوفج كل عام وقلبي ملكك ان شاء الله يا حبيبي.. :)
والباقي عليج عاده..

ممممممممم شو باقي .. يوم ميلاده.. مممممممممممم روجي عشا رومانسي بره.. واتفقي مع راعي المطعم انهم يسوون كيكه عليها صورة زوجج يوم كان صغير .. وبعد ما صار معرس.. :)
والهديه خليها في السيارة بدون ما يحس.. وبعد العشا والوناسه.. عطيه الهديه.. صدق بيستانس.. لانه هو بيتحرى انه العشا هو كل شي..
وبعدين كملي السهره في البيت.. سويله مساج ريلاكس.. بطرق حلوه.. مثل انج تضوين الشموع في البيت كله.. (لما يدش الحمام مثلا) وتنثرين ورد على السرير.. وييبي زيت ريحته حلوه ومهديه للاعصاب.. وسويله مساج ولا يحلم فيه.. يعني خليه شيخ في هاليوم.. كأنه ملك.. :)

والسموحه

هلا حبوبه ملاك الامارات
افكارج حلوووه ..... اذا عندج افكار ثاني حطيها علشان الكل يستفيد منها


والسموحه

مس انجل.. تسلمين فديتج..


انا في يوم ميلاد زوجي.. فديته.. سويت عمري ناسيه.. مووووووووووول.. ولا قتله كل عام وانت بخير ولا شي..

ويومها كنت متواعده معاه انه اطلع معاه اخلص شغله. . فلما وصل البيت.. خليت المربية تقوله ينزل لاني البس.. وكنت انا في الميلس.. بروحي.. (بعد صلاة المغرب) والجو يكون مظلم شوي.. طبعا سكرت الاضاءة.. وولعت شمعه وحده على كيكه (يحبها موووووووت هو) ومسكتها بيدي... (شكله كان رومانسي وايد) .. وغنيتله كل عام وانت الحب.. :):o

مسكين زين ما صاح.. تحرى اني ناسيه.. يقولي والله كنت زعلان ومضايج بالحيل لانج نسيتي.. :)

طبعا في هاي الاثناء.. المربية حطت الهديه في السيارة.. :clap:

بعد ما أكلته الكيكه... لبست عبايتي وطلعت معاه.. :)
ورحنا خلصنا شغلتنا.. بعدها استهبلت عليه قتله انا يوعانه ودني المطعم الفلاني.. (هو طبعا موته وحياته هالمطعم) وانا كنت متفقه معاهم انهم يسوون اكلته المفضلة...

واتفقت مع راعي محل الورد ايبولي بوكيه ورد على المطعم.. وفيه هديه صغيره.. اللي هيه كانت عبارة عن بوكس خشب.. وايد حلو.. وداخله قرآن.. رووووووعه صدق حلو انا عيبني.. :)

وبعدين كلنا طبعا استانس وايد على البوكيه والقرآن..

اخر شي طبعا الهديه اللي في السياره.. واللي هيه عباره عن ساعه.. وعطورات..

اخرها.. تم يصيح.. يقولي محد اذكرني في يومميلادي ابدا ..هذا احلى يوم ميلاد لي والله.. :)

طبعا هذا يباله تخطيط.. :)

ما شاء الله عليج يا ملاك مسكته بالأفكار....

الله يهنيكم إن شاء الله...

ينقل لركن افكار و خبرات

مشكورين حبيابتي على الرد بس ابقى افكار اكثر من كذا


انا طماعة بكرمكم

ملاك الامارات حلوه الحركه وايد :clap:

ما شاء الله عليكي أختي ملاك الإمارات....


أفكار خيالية و روعة....


الله يخليكم لبعض و يسعدكم علطول إن شاء الله....



في أمان الله...

هلا حبيبتي والله البنات افكارهم حلوه...

بمناسبة اول مره شافك:

اذا كان شافك في البيت عند اهل (اذا كان قصدق يوم الشوفه او الخطبه)

روحي بيت اهلك عادي والبسي نفس الفستان اللي لبستيه يوم شافك وسوي نفس العصير والاشياء ذاك اليوم وخلي ابوك او اخوك اذا كانوا متساهلين ويحبون الفرفشه انهم يعيدون نفس الشي معاك ويستقبلونه وتكلمون من باب الدعابه عن المهر والشروط هو بيستغرب او ممكن يتذكر وبعدين تدخلين انت بنفس الطريقه اللي دخلتي فيها عليه وحطوا كيكه وخليها مناسبه مع لمة العيله..

والباقي البنات ما قصروا.. (والله توني صاحيه من النوم وما عصرت مخي)

:clap::clap::clap::clap: برافو ملاك الإمارات ودلوعة حبيبي

تسلمن والله حبيباتي..

يتني فكــــــــره توها طازه يديده...


اذا انتي وزوجج علاقتكم قويه مرّه مرّه.. اكيد راح يقولج عن كل شي سواه.. مثال اول سياره طلعها.. واول سفره سافرها.. وكل شي سواه اول مره.. صح..

شوفي شو تسوين..

الصبح طبعا الحبيب راح يروح الشغل..
طرشي بوكيه ورد صغــــــــــــــير.. وفيه كرت.. مكتـــــــوب عليه: تذكر اول سياره طلعتها.. (مثال) .. اول اول سفرة سافرتها مع ربيعك فلان؟؟؟

طبعا هو راح يستغرب.. ويفكر.. ويقعد يذكر اليوم الحلو هذا .. (طبعا انتي اختاري الاشياء الحلوة والمحببه له)

اوكي..

بعد ما يوصل البيت.. الظهر.. اطبخيله اول اكله اكلها من ايدج.. طبعا تكون مغطايه.. ومكتوب عليها كرت.. تذكر اول مره طبخت لك؟؟؟ وكلت من ايدي مثلا؟؟؟

طبعا انتي بعد ما استقبلتيه.. اشردي الغرفة.. فهو بعد ما يقرى الكرت.. بيدور عليج..

انتي في الغرفة.. تكونين لابسه اول لبس لبستيه معاه في اول يوم.. :shy::o

بيدش الغرفة طبعا.. وبيشوفج..طبعا انتي خلي الغرفة رومانسيه.. وشموع وهالسوالف.. وبعد ما تحضنينه... تقولين له.. تذكر اول يوم كنت معاك.. اول مره تشوفني. اول مره تعرفني... وبعدين روحي تغدي معاه. واكليه بيدج.. دلعيه يعني.. عشان يعرف انج احلى شي شافه وعرفه في حياته.. :)


والباقي عاده عليج..

فكره حق عقد القران.. ههههههه توها يتني بعد..

فكره بسيطه..

شوفي . انتي لما وقعتي العقد... تصورتي ولا لا؟؟؟ اذا هيه حلو. واذا لا .. لا تزعلين..

اذا تصورتي وانتي توقعين.. حطي الصوره على كيكه.. وياها طبعا صورتج انتي وهو ماسكين يد بعض.. :)

واذا ما تصورتي. صوري عقد الزواج.. وحطيه على الكيكه مع صورتج وصورته..
واكتبي تحت

عسى الله لا يفرقــــــــــــــنا.. واذا كانت على شكل قلب يكون احلى واحلى.. :)


البسي لبس عقد القران.. واذا ما تقدرين.. مو مشكلة.. البسي لبس هو يحبه.. ودخني البيت.. وانثري ورد من اول الممر.. لين ما يوصل لين عندج..

وانتي عاده اونج مستحيه.. وهو توه داش عليج.. كأنكم توكم معرسين.. :)

طبعا هو بيستغرب..

قوليله.. من سنه.. صرت انا على ذمتك.. واهديتك قلبي وعمري ..

واليوم كملنا سنه.. وصرت انت روحي وعمري وحياتي.. :o:o

وهو بيفهمها اذا رومانسي.. واذا لا ما عليه.. بوسه على الخفيف منج..وبيفهمها.. :)

بعدها .. خذيه غرفة الطعام.. يكون الغدا جاهز.. والكيكه معاه.. :)

وبالهنا والعافيه

شي بسيط وما يكلف وايد..

الافكار تهبل


مشكووووووووووووووووووريييييييييييييين:clap:

حبيابتي مشكورين حبيابتي


ياليت تعطوني افكار عن الهدية وطريقة تقديمها


افكاركم رووووعة ما عليكم زود


بس بقيت أكثر

لو تقدرون تعطوني رواببط على مواضيع قديمة

استفيد منها

افكــــــــــار الهدايا كالتالي:

- اذا عندج مثلا الصحن هذا مال التقديم اللي يتغطـــــــــي وما يبين شنو داخله... حطي الغدا....وداخل هذا الصحن حطي الهديه.. طبعا الحبيب على باله اكل راح يفتح يتفاجأ بالهديه داخل.. :)

- اذا تعرفين مثلا انه يشرب شاي في كوب معين.. او يستخدم فوطة معينه لما يسبح.. او يلبس جلابيه معينه معلقه في مكان معين.. فاجئيه.. انه مثلا يوم ايي يشرب الشاي ماله يكون الكوب يديد وعليه هابي بيرثدي.. ومثلا حطي هديه ثانيه داخل الفوطة اللي بيتسبح فيها..

يعني كل ما يستخدم شي يلاقي هديه.. او شي يديد.. :)

بيستانس.. يوم الهدايا بيصير.. ههههههه

- في محلات ورد منتشرة وايد ماشاء الله.. اطلبي من محل الورد.. يزيّن الورد لج.. مع الهديه... وابعثيها على مكتبه.. يتفاجأ فيها الصبح.. :) في المكتب.. شي وايد حلوووووووو وصدقيني بيستانس عليه. (انا مجربه)

- اذا كان زوجج بالفعل يحب شغله.. خذيله اغراض الشغل.. :)

يعني كوب الحليب ي يشرب منه
ساعه مكتب طقم مع النوت بوك والقلم والمخطط ماله.. (الدفتر لي يكتب فيه المخططات)
خذيله برواز فيه اية الكرسي.. يكون لايق مع الطقم..
خذيله معاه ستاند يحط الموبايل ماله عليه.. يكون من نفس الطقم.
خذيله هذي اللي ادخن المكان .. مع عطورها..

اشياء بسيطه لكنها اتم جدامه طول الوقت.. :clap:

وبس

هذا لي عندي حاليا.. :)

ما شاء الله عليك حبيبتي ملاك الامارات ابدعتي...

يعطيك العافية ملاك الامارات

مشكورة عزيزتي على أفكارك الثمينة

افكار حلوة وزوجي يموت بشي اسمه تجديد:clap: