أنا وزوجي بمشاكل والسبب صديقه

بسم الله الرحمن الرحيم
بداية كل عام وانتم بخير ورمضان كريم
ومالي غير الله ثم أنتم شوروا علي وش أسوي والله أني بضيقة مايعلم بها إلا ربي والتفكير بيذبحني أحس شوي وأنهار والصبر مني وصل حدوده
أنا زوجي من سنه مااااااااايجلس معي كثير يعني بالأسبوع يتعشى معي مرة وحده بس تخيلوا وحاليا برمضان ولامرة تعشى معي والسحور يوم ايه وثلاثة لأ يصلي التراويح ولاعاد أشوفه إلا بعد صلاة الفجر والسبب كله صديقه ذا والله يقضي معه وفت طويل أحسه لاحس مخه ماقلنا شي صديقه وله حق فيه بس مو لذي الدرجه تخيلوا يابنات كل ما أوصيه أغراض للبيت مايجيبها يقول بعدين بعدين مع أنه حاليا بعطله ماوراه شي بس فاضي لصديقه والله مايرد له طلب ويااااااااااااااااما تخاصمنا بسبته
بنات أنا اللي زوجته والله مايلبي طلباتي مثل مايلبيها لصديقه وإذا تكلمت يقول مالك شغل تبغيني أزعل الرجال يعني أنا أصطفل بس صديقه لأ محشوم
معاناتي كل ليله تبدأ لما أشوف سلفاتي أزواجهم عندهم الله لايغير عليهم والله ماأحسدهم بس تصعب علي نفسي ماأحس أني مهمة عنده ولامره شافني طفشانه وقال لي هيا بطلعك والا سألني حتى
كل ليله أحس بفراااااااااغ وصمت يقتلني ودي أسولف معاه ودي أحس بوجوده ودي أنه يحسسني أني غاليه عنده
بنات أكيد تفهمون علي أحس أني ماأقدر أعبر عن الي بداخلي
أنا وياه حاليا متخاصمين من ثلاث أيام لايكلمني ولا أكلمه والسبب صديقه الله يشغله بنفسه ويبعده عننا من غير شر
مع العلم أني في كل مره نتخاصم أنا اللي أعتذر حتى لو هو الغلطان والظاهر من كثر ما أهنت نفسي عليه صار مستصغرني ومحتقرني وماعاد لي قيمة
كل اللي أبيه منكم ياأخواتي توجهوني وتنصحوني والله أني متخبطة ومحبطة ولا أدري إيش أسوي
أراضيه وأهين نفسي وأكسب رضاي عن نفسي وإلا أستناه يعتذر لي مع شكي في ذلك
وكيف أتعامل معه من اليوم ورايح
وهل تشوفوا أنو التطنيش أفيد وإلا اناقشه
تكفون يابنات ساعدوني والله صحتي تتدهور من ذي العيشه
أستناااااااااااااااااااااااااكم لاتردوني خايبه