{ نور آلـ ع ـرب..~;15465989:
{ طيب ياختي اذا زوجك هو كذا..~
وانتي كلمتيه وفهمتيه وماتغير شي ف الموضوع
افهمي
خلاص يعني سكري ع السالفة ولاتعيدين كل مرة وتزيدين فيها
وتزعلين وتمدين البووز
عورتي راسك ولا هو مادرا عنك
يطلع ويرتاح يشوف ربعه محد خسران الا انتي
بدال مدة البوز
اذا اقبل عليك دلعيه
تدلعي عليه
ونسيه وسعي صدره بالكلام الطيب
والمعاملة الزينة
والوجه البشوش والمبتسم
سوي له عصير برتقال فريش من تحت يدك
وامسحي ع راسه واسالي عن شغله واخباره واصحابه كيفه معاهم
مفروض يكون وصلتي مرحلة ان عرفتي
افعالك مالها وقع ع زوجك
يعني خلاص اتركيها
روحي راضي زوجك
واستسمحي منه
وحبيه ع خده واعتذري
واتركي عنك حركات الاطفال
اذا حابة تمشي حياتك مثل حياة سلفاتك
ألسلام عليكم
أختي نور العرب احترم رأيك ,اتمنى ان لا تنزعجي من ردي على ردك, لكني احس انك قسيتي على اختنا. أفهم ان الي تقصدينه ان الزعل ما جاب نتيجه مع زوجها وتريدينها تحاول بطريقة ثانية ...ولكـــــن
المرأة هم انسان تحس ولها مشاعر, يعني كيف بالله الواحدة يكون لها نفس تتدلع وتبوس لما هي ما تسمع الكلمة الحلوة من زوجها, ما يجيب طلباتها للبيت, ولا حتى تشوفه في بيته مثل الناس. لا و تعتذر كل مرة حتى لو ما كانت غلطانه.
عن نفسي...اذا نفسي مكسورة ما اقدر اجبر نفسي اني اتدلع واتغنج على اللي كاسرها, مهما كان حبي لزوجي, لازم يحس انه سوى شي غلط.
الرجل هم اله واجبات تجاه زوجته وبيته ولازم يدرك ويعرف لما يكون مهمل للواجبات هذه, وان ما حس من نفسه لازم الزوجة تاخذ موقف وإلا كيف راح يتغير الزوج اذا الزوجة دائما صابرة ومكسورة...ما يصير اخواتي
نعم الزوج له الحق يشوف اصحابه ويقضي وقت معاهم بالعكس هذا الشي صحي للعلاقة الزوجية.. لكن بحدود , يعني كم ساعة في اليوم وكم يوم في الاسبوع...و و و . ترا مو على حساب زوجته وبيته وبحيث يأثر على واجبه في تلبية طلبات البيت..و مو بالدرجة الي ذكرته الاخت.
انا لو بمكانك..احاول اتفاهم وياه بهدوء ولكن بجدية (اذا حصل وتواجد في البيت)
واذا ما نفع وانتي ما ردتي تكبرين المشكلة طنشي واشغلي نفسك مع صديقاتك, اخواتك, اهلك او بهواية مثلا.
سؤال..هل عندك اولاد؟ اذا لا,, يكون اصعب تتعاملين مع المشكلة. وهل صاحبه متزوج ام عازب؟
أدعوا الله تعالى لك (ولكل من تعاني من هذه المشلكة ) ان يحنن قلب زوجك عليك ويرده لك ردا جميلا.
أختك.. ســـلافـــة