اليوم حابة اراويكم كريمات اساسي و بودراتي و تجاربي معاهم
في البداية كنت استخدم بودرة وحده و كريم اساس واحد لكن ياتني فتره اشتريت وايد قلت ابي اجرب جم نوع حتى بعدين اتم على الافضل (ملاحظة بشرتي مختلطة )
ما شاء الله تبارك الله
هذي صورة جماعية
أول شي كلينك ماركتي المفضلة البودرة ماغيرها من زمان الصراحه وااايد حلوة و تغطيتها متوسطه لكني مادري ليش احسها اكثر من متوسطة
الكريم الاساس الزجاج تغطيته متوسطة و جدا رائع و بعد الثاني بس الثاني صاير سائل اكثر من الزجاج
الاولى على اليمين بودرة شيسيدو جدا راااائعة و اعتبرها البديل الجيد عن بودرة كانيبو
الثانية من لانكوم هادية و تغطيتها خفيفة
هذي البودرة احلى بودرة مرت علي و استغرب ليش ما شفت مدح عليها وايد في المنتديات و كاتبين عليها ان بها مواد تصغر المسامات و ممكن تستخدمينها بالماي او الاستخدام الجاف و تغطيتها متوسطة
الكريم بعد رووووعه و ماظني باغيره تغطيته من متوسطة إلى كاملة و لونه جدا ناسبني
من ايستي لودر ماكسيمم كفر واااااااايد ثقيل و انا استخدمه ككونسيلر و مانصح انكم تستخدمونه ككريم اساس لأن يسوي الويه كأنه ويه شبح أو ممكن تخلطينه بنقط مع كريم اساس ثاني خفيف
البودر وايد زين و لكل انواع البشرة و ممكن تستخدمينه بالماي او جاف .. انا يوم استخدمته بالماي حسيته جفف ويهي .. ميزته احس لين تحطينه على الويه يثبت لمده طويلة
بودرة و كريم اساس ماك ستوديو فيكس رووووعه بس ريحته مب رووووعه الصراحه الكريم يوم شميته بغيت اموت كأنه ريحه سم بس صج حلو للأعراس فل كفر البودر و الكريم
البودر يستخدم بالماي أو جاف
بودرة ديور وايد حلوة احس لين احطها على ويهي كاني حاطه قطعه قماش شفااافه ههههه (ماعرف اوصفه لازم اتجربون بنفسكم )
الكريم النيود يحوي 40 بالمئة ماي يعني وااايد طبيعي و حلو بس ما يتم على الويه فتره طويلة
هذي بودرة سيسلي وايد اعجبتني خصوصا للصبح تغطيتها شفافه يعني ما يبين كأنج حاطه طبقة على ويهج و الحلو مكوناتها كلها طبيعية و من النباتات
بودرة شانيل حلوة بس مافكر اعيدها لأنها تناسب اللي بشرتهم دهنية اكثر
تغطية متوسطه و الاستخدام ممكن بالماي أو جاف
و انتهى الموضوع اتمنى لكم الاستفاده و اي سؤال انا حاضرة :L: