السلام عليكم ورحمه الله وبركاته
انهارده موضوعى عن التجارب يعنى كل واحده جربت طريقه او خلطه او زيت او شامبو للشعر تقول تجربتها عشان كلنا نستفيد وياريت اللى تقراء الموضوع وتكون جربت حاجه تقولنا مش تشاهد وخلاص تمشى بالله عليكم اللى تدخل تقول اى تجربه سواء نجحت معاها او منجحتش عشان كلنا نستفيد من تجارب بعض يلا نبداء تجاربنا ونسمى بالله
اول تجربه ليا هى النخاااااااااااااااااااااع
انا اشتريت نخاع وسيحته واستعملته زى حمام الزيت عادى وكان مره فى الاسبوع بقالى شهر بستعمله
النتيجه كانت ان شعرى حاسه انه طول حوالى 4 سم والله يابنات زى ما بقولكم كده لان الصبغه اللى فى القصه من امام رجعت لورا والشعر الجديد طالع ناعم قوى وفى لمعه فى شعرى وتقله وشكل شعرى من الامام مثل شعر الهنود تقيل واسود وناعم انا فعلا حاسه بفرق كبير انا استخدمت النخاع لوحده بعد كده هضيف عليه الزيوت واستعمله مرتين فى الاسبوع
ثانى تجربه هى صنع الزيوووووووووووت ايوه الزيوت
انا طبقت طريقه د.دينا الجارم لصنع الزيوت فى المنزل والطريقه كالتالى
اشتريت بجنبه من كل عشبه وهما
(الروزمارى-الزعتر-المريميه-البابونج-الحلبه-كوب ثوم مقشر ومخرم بالسكين)اما الحلبه فغسلتها فى ماء عادى ووضعتها فى كيس وربطته لمده 24 ساعه
اشتريت زجاجه زيت ذره عافيه برطمانات زجاج معقمه بماء مغليه
الطريقه كالتالى
ناخذ كوب مثلا عشب الروزمارى ونضعه فى برطمان ونصب عليه 2 كوب زيت ذره وهكذا مع باقى الاعشاب بعد ما خلصت اخذ البرطمانات وتوضع فى وعاء كبير به ماء مغليه ويوضع على نار هادئه لمده 3 ساعات ثم بعد ذلك يترك منقوع لمده 7 ساعات ثم نصفى الزيت من الاعشاب هنلاحظ ان كل نوع اخذ لون مختلف وريحه العشبه المنقوعه فيه
المهم انا اخذت من كل نوع زيت كوب ووضعتهم فى زجاجه زيت فاضيه ماعدا الثوم لان ريحته قويه
هستخدم زيت الثوم على النخاع اما خلطه الزيت الثانيه وانا سميته زيت (نعومى) لانه نعم شعرى من اول مره بستخدمه دى ثالث مره ساعات كزيت عادى وساعات كحمام زيت لحد الان النتيجه منه هى قوى شعرى ونعمه وعطاه لمعه بسيطه بس ريحته كانى داخله عند العطار انتوا ممكن تضيفوا عليه اى نوع زيت عطرى عشان الريحه
ثالث تجربه الفلفل الحاررررررررررررررررر
تجاربى غريبه مش كده بحب التجارب انا ودى عشان اطاله الشعر الطريقه هى
فلفل اخضر حار ينقع فى زيت سمسم اوزيتون او جوزالهند انا نقعته فى زيت نعومى بتاعى ينقع
10 ايام انا نقعاه بقالى كده 4 ايام بعد ما استخدمه هقولكم على النتيجه
ياريت زى ما غيرى هيستفيد من تجاربى انتم كمان فيدونى بتجاربكم فى انتظار مشاركتكم وردودكم معايا وكل عام وانتم بخير يا بنات عرووووووووووس:adore: