السلام عليكم ورحمه الله وبركاته
هذه الطريقه عن تجربه والله :thumbs_up:
استعملتها بقالى شهر4 مرات وكان شعرى من الامام متقصف وخشن من الصبغات وقررت اجرب الطريقه وهى سهله الان شعرى اتحسن شوى عن الاول شعرى طول لان الصبغه رجعت لورا وبداء شعر ناعم وصحى غير كده حاسه ان شعرى تقل
معلش طولت عليكم بس للمعرفه كمان تعطى لمعه رهيبه للشعر تقريبا مشاكل الشعر كلها انتهت بس القشره لسه موجوده
الطريقه نخااااااااااااااااااااااااااااااااااااااااع
ايوه النخاع من عند الجزار قوليله عايزه ماصوره وفضيلى النخاع اللى فيها انا اشتريتها ب3 جنيه
وتضعى النخاع فى طبق وتسيحيه فى الميكروويف او على البوتجاز بس على نار هادئه بعد كده ضعيه فى علبه معقمه ويوضع فى الثلاجه
طريقه استخدامه
تاخذى معلقه كبيره وتسيحيها وتدهنى باصابعك فى فروه راسك مع تدليك خفيف ثم ادهنى الباقى فى شعرك بس الاهم فروه الراس ثم البسى بونيه الشعر او كيس عادى واربطى ايشارب قطن عليه لحبس الحراره لمده من ساعه الى 3 ساعات ثم اغسلى شعرك عادى بالشامبو
ممكن تضيفوا على النخاع الزيوت العاديه للشعر مثل زيت الخروع الزيتون السمسم الخخخخخخخخخ
وممكن اضافه عسل النحل على حسب كل واحده
بس انا استخدمته لوحده يستخدم مره او مرتين فى الاسبوع وبعد شهر شوفى الفرق
لازم هتحسى بالفرق وده يختلف من واحده لوحده على حسب ومش طالبه منكم غير الدعاء وانشاء الله مش هكتب حاجه من غير تجربه :struggle:
