السلام عليكم ورحمة الله وبركاته ..

مبارك عليكم الشهر .. واسفه على عرض مشكلتي بس لاني جد تعبانه ومحتاره ..

ماعدت احس باي اهتمام من زوجي دايما برع مع ربعه من اول مايقوم من النوم لين ثاني يوم الفجر الساعه 4 ولايحس فيني حتى لو جافني زعلانه او متضايقه مايفتكر فيني ولما اكلمه يتهاوش معاي وضربني واكتشفت مره بالصدفه انه جايب وحده البيت ومت من القهر بس مااقدر اتصرف معاه لانه امي كانت معاي في السياره وهي مريضه وماحبيت ازيدها وبعدها زعلت ورضيت ورجعت وعلى نفس الحال والحين انا صار لي شهر في هلي لاني خلاص كرت العيش في بيت هله وكرهت كل شي وايد افكر في الطلاق هو لايشتغل ولاشي وحاولت ادخله في التجاره مع امي بس مايعاملني عدل ولاحتى يتصل لي واذا تهاوش معاي ايقط علي الفاظ بذيئه وايد انا تعبت وكل يوم اقول ممكن يتغير بس مافي فايده .. واذا اتكلم معاه ايقول لي انا جذيه وباتم جذيه وانا مااسوي اي شي غلط .. تعبت والله اني تعبت حتى افكاري متلخبطه ومااعرف شاكتب انا حتى ام زوجي مااحسها اصلالا توقف معاي من جدامي شي ومن وراي شي ثاني ممكن اذا تكلمت معاها اتوافقني بس اول مااطلع من عندها اتطون في صف ولدها حتى لما درت انه ولدها جايب وحده البيت ماخذت موقف وهاشته لا بس كل الي قالته له عيب وانتهى الموضوع وكان كل خوفها انه امي تدري عن موضوع ولدها .. انا امي وابوي منفصلين واخواني كل واحد لاهي في دنيته ومحد حولي ولاحد يدري عني ... مااعرف اتصرف هل اتطلق واله شاسوي .. والله اكتب الحين وانا اصيح من القهر .. وقفت معاه في عز ظروفه الصعبه كان راح ينسجن وطلعته من المركز ودفعت عنه ودفعت اكثر من مره اقساط سيارته على اساس ماينسجن ووقفت مع هله في عز احتياجهم ولما الكل تخلى عنهم .. انا اكبر من زوجي بحاول 4 سنوات واحيانا ايقول لي انتي عيوز وانا عمري الحين 28 سنه وهو 26 سنه مااحسه عاقل ومفتكر في بيته وفي عياله وحتى عياله من زواجه الاول بعد مب مفتكر فيهم انا ابي اتطلق بس ماادري هل هو الخيار الصح او لا .. انصحوني ..