اكلاتي للرجيم بمناسبة رمضان بالصور <<< متجدد
السلام عليكم
صباح الخير
او مساء الخير
كل وحده حسب توقيتها
كل عام وانتم بخير واتمنى لكم صياما مقبولا وافطارا شهيا
بمناسبة رمضان وبخصوصا للعرايس الي مسوين رجيم حبيت احط كل طبخاتي لرمضان بالسعرات الحرارية عشان افيدكم وكل شي من تصويري وكل يوم بحط لكم الفطور والسحور قولو ان شاء الله مايقطع النت من عندنا F: و هالموضوع متجدد وحصرياااا على عرووس :o لان اني بعد اسوي رجيييم وحبيت افيدكوم:thumbs_up:
في اول طبخه لي الا اهي سحوري
الربيان والسمك المشوي المدخن
المقادير :.
1 سمكة متوسطه ((سمك صافي))منظف= 80 سعره حرارية
5 روبيان او جمبري منظف =42.5 سعره حرارية
1 ملعقه طعام زيت زيتون بكر =120 سعره حرارية
بهارات حسب الرغبة حطيت فلفل اسود وبهارات السمك
ملح حسب الرغبة
1حبه هال او هيل او حبهان
2 فص ثوم
2 ورق غار
البهارات كامل حسبتهم 30 سعره حرارية تقديرية السعرات للبهارات
قطعه فحمه صغيره
روبيان + السمجه
ورق الغار نص ليمونه نص طماط وبهارات سمك وملعقه زيت زيتون
فلفل اسود وحبهان
ملح
للتزيين:.
نص ليمونة 5 سعرات حرارية
نص حبه طماطم حمراء13سعره حرارية
اول شي ناخذ الربيان والسمجه حطيت عليهم ملح وفلفل اسود الهال ووورقه الغار وثوم وحتى في بطن السمجه حطيت
عقب تركته ربع ساعة وحطيت عليهم بهارات سمج
بعدين حميت القلايه او قطعه حديد كبيره شوي تفي بالغرض ودهنتها بملعقه زيت زيتون وخليتها تصير حاره
وحطيتهم بالقلاية
وحطيته لما يستوي وقلبته طبعا عشان مايحترق
وحطيته واقلب
شكله وهو يستوي
وهذه شكلهم يوم استوى
بعدين جبت قطعه المنيوم وسط
وسويتها مثل الزبدية وحطيت داخله السمجه والروبيان
وخذيت بعد صغيره المنيوم وسويت مثل الطريقه بس على اصغر وحطيتها بالوسط للفحمه
حطيت الفحمه بالامنيوم الصغير
كتيت شوي زيت زيتون على الفحم(الجمره)
عشان يطلع دخان وسكرت عليه بلامنيوم الي مثل الزبديه الكبيرة عشان يروح الدخان بالروبيان والسمجه ويصير مدخن جذي ومانحطها واجد بالكثير 3 دقايق
هني يوم فتحتها
والتزيين براحتكم تبونه ماتبونه براحتك شوفو تزييني طعمه حلو ويعطي الوان للطبق ويفتح النفس
اعرف اكشخ الطبق ؟؟؟؟؟؟؟؟؟؟:o
هذي الوجبه كامل عليها
288.5 سعرة حرارية
اتمنى القى تفاعل معاي لان من جد تعبت وبتعب بالموضوع وشكرا
دمتم بحفظ اجوفكم باجر على خير
كل عام وانتم بخير وبصحه وسلامه
تصبحون على خير :050::075::010:
