بيت الايمان.. بيـــ السادس عشر ـــتنا.. لشهر رمضان المبارك..

ا

انثى ذوق

عروس مشرقة

30-07-2011 | 04:13 PM

..R O S E..:
.
.
.

[BACKGROUND="100 http://www.3br.cc/upload/cs/textures/ramadantextures1.jpg"]

السلام عليكم ورحمةالله

وكل عام وانتم بخير

حياكم الله في بيتنا السادس عشر.. بيت السنع.. بيت الايمان..

راح شهر وجانا شهر.. مو زي أي شهر..

شهر رمضان اللذي انزل فيه القرآن..

اللهم اعنا على صيامه وقيامه..

وكعادتنا..نتعاون لتكون مملكتنا هي الافضل..

سنتعاون ليكون رمضاننا افضل من كل النواحي..

الدينية و اسغلاله بالعبادة..

الصحية واختيار اطباق صحية لاتحتوي الكثير من الدهون..

والتربوية وكيف نشعر اطفالنا باهمية هذا الشهر.. وانه للعبادة..

لا للمسلسلات والسمبوسة واللقيمات..والفيمتو..

والجمالية وهي الناحية اللي بدينا فيها وراح نكملها مع بعض ان شاء الله..

وكلنا أمل بانضمام حبايبنا بليبيا..

عسى الله يحفظهم ويرد الامن والامان لهم عاجلا غير اجل..

[/BACKGROUND]

.
.
.

أ

أمل مشرق2008

عروس ماسية

30-07-2011 | 04:24 PM

مبروووووووووووووووووووووووك البيت الجديد
:)
فرحانه لأني اول وحدة تبارك
وعقبال ما نسكن بيوتنا الجديدة وقصورنا بالجنة يااااااارب

ن

نجــــد

عروس ماسية

30-07-2011 | 05:08 PM

جزاكـ الله خير
وربي يجعله تجمع مبارك

د

دودي4

عروس مبدعة

30-07-2011 | 05:26 PM

السلام عليكم

الف مبروك علينا بيتنا الجديد
ويعطيك العافية روز على المقدمة المشجعه

د

دودي4

عروس مبدعة

30-07-2011 | 05:27 PM

هيا في بنات ماقالولي إيش أحلى اسم

ألينا
جوانا
غنا

ا

الدلوعه26

عروس جديدة

30-07-2011 | 05:42 PM

[CENTER][CENTER]كل عام وأنتم بخير

[/CENTER][/CENTER]

بمناسبـة قرب قـدوم شهـر رمضـان المبـارك

أرفع إلـيكم أسمـى آيـات التهـاني وأجمـل التبريكـات

أسـأل الله أن يبـارك لكـم في شعبـان ويبلغكـم رمضـان

أعاده الله على الجميع بالمسرات , وتقبل الله منا ومنكم صالح الأعمال

كما اسأله أن يجعلنا ممن يصومه ويقومه إيماناً وإحتساباً وأن يجعلنا ووالدينا وأهلينا وجميع المسلمين من عتقائه في هذا الشهر الفضيل.

اللَّهُمَّ إِنِّي أَسْأَلُكَ فَوَاتِحَ الْخَيْرِ وَخَوَاتِمَهُ، وَجَوَامِعَهُ، وَأَوَّلَهُ وَآخِرَهُ، وَظَاهِرَهُ وَبَاطِنَهُ،

وَالدَّرَجَاتِ الْعُلَى مِنَ الْجَنَّةِ آمِينَ. اللَّهُمَّ لَكَ أسْلَمْتُ، وَبِكَ آمَنْتُ وَعَلَيْكَ تَوَكَّلْتُ،

وَإِلَيْكَ أنَبْتُ، وَبِكَ خَاصَمْتُ، وَإِلَيْكَ حَاكَمْتُ، فَاغْفِرْ لِي مَا قَدَّمْتُ وأَخَّرْتُ،

وَأَسْرَرْتُ وَأَعْلَنْتُ. أَنْتَ إلهِي لاَ إِلَهَ إِلاَّ أَنْتَ. اللَّهُمَّ اغْفِرْ لِي جَمِيعَ مَا مَضَى مِنْ ذُنُوبِي،

وَاعْصِمْنِي فِيمَا بَقِيَ مِنْ عُمُرِي، وَارْزُقْنِي عَمَلاً زَاكِياً تَرْضَى بِهِ عَنِّي.

اللَّهُمَّ بَارِكْ لَنا ومن قراء هذه الرسالة فِي شَعْبَانَ وَبَلِّغْنا رَمَضَانَ..

#

##خــوخــه##

عروس مبدعة

30-07-2011 | 07:22 PM

اكتب لكم ودموعي في عيني :(

تذكرت مها عبدو ووفاء ، الله يجمعنا بهم ،

ومبرررروووووك البيت الرمضاني ، بيت الخير والطاعه والسنع

مشكوره روز ، يعطيك ربي الف الف عااافيه ،، :thumbs_up:

أ

أجراس الحنين

عروس رائعة

30-07-2011 | 07:33 PM

جوانا يا اختي اسسسم رووووووووعه

A

ARO0OMA

عروس رائعة

30-07-2011 | 08:45 PM

منزل مبارك حبايب قلبي :032:

الله يسعدكم ويوفقكم ويحققلكم اللي تتمنوهـ

ويرزقكم من خيري الدنيا والاخرة

جداويا خنقتني العبرة وانا اقرأ قصة عمتك

الله يشفيها شفاءاً لا يغادر سقما

ويجعل ما اصابها تكفيراً لذنوبها

سبحان الله بغمضة عين تتبدل الاحوال من حال الى حال

ودي للجميع F:

أ

أمل مشرق2008

عروس ماسية

30-07-2011 | 08:54 PM

روحي
اسم جوانا حلو
صديقتي عندها بنت اسمها اجوان

S

Still Ambtion

عروس مشرقة

30-07-2011 | 10:15 PM

مبروووك البيت الجديد

ورمضان مبارك علينا وعليكم
والله يرد الامن والامان لباقي الدول

يومياتي
صحيت الضهر او بالاحرى صحاني زوجي ولا بالعاده ماقوم الا العصر
وقمت فطرته
وجلست المطبخ رتبت الاغراض وفرغت دولاب لاغراض رمضان

وبديت بالغسيل الله يعين وتفريغ الشنط

ورتبت تسريحتي طلعت تهبل
والمغرب دق زوجي ونزلت اجيب اغراض رمضان وتعمدت اخذ عيالي معاي لاستشعار رمضان وفرحته
وجيت رتبت الاغراض
ومسكت 3حزم بقدونس وتقطييف
وقطفت ملوخيه
وكزبره
وشبت
وبشرت نص كيلو جزر
وكوسه
الجزر والوكسه حطيتهم مع بعض وكيست كل ملعقتين سواء وعلى الفريز عشان رمضان مع الشوربه
والورقيات لفيتهن بفوط وبعلب على الثلاجه
وجبت 5 اكياس توست ابيض وقطعت طوارفه وفردت كل 2 بالنشابه وقطعتهم بالكوب دوائر
ولبست عيالي قفازات وانا اخلط الخبز بالبيض المخفوق وهم يكبون عليه بقسماط وعبيته بصياني ورشيت فوقهم بقسماط طلع معاي 50 حبه وحطيتهم بالفريز وغسلت المواعين عشان لاتجمع
وطلعت 4دجاجات وسلقتهم بمويه وماجي وبهارات عدله
والحين مطفيه النار ابيهم يبردون شي بفرمه وشي بقطعه مربعات لشورما
وحمست 5اكواب حليب بودره ووزعت كل كوب بكيس <طايحه بكيكه النسكافيه اخذه طريقتها من اختي وميت عليها زوجي
وطحنت بسكوت 6علب وحطيته بالمنخال ووعزته كل كوب ونص بكيس للحلويات
وجهزت البهارات
ورتبت الفريز
وزوجي بكره بيجيب الذبيحه
الله يعين على التقطيع
قلت الكرش والراس والكوارع لاتدخلهن بيتي اعوذ بالله ريحتهن تجلس اسبوع بالبيت

والى هنا ووقفت ومت جوع اكلت موز وعطيت عيالي منه
وبقوم اسوي لهم عشاء واخذ من الدجاج اللي طبخت

بكره بخلص المفارش كلها وصخه بغسلها واعطرها شاريه اكياس ضغط
وبلف اصابع
وسنبوسه بالدجاج
وسنبوسه بلحم وخضار
ناقص علي علب بكره بروح اشتري باذن الله
بجهز كل شي والف بالصاله عند التلفزيون شكل اصابعي بتوووورم

يارب بكره اقدر اخلص اللي كتبت لان شكل ماقدر اسويهن لحالي
وكل رمضان وانتم بخير
ومبروك عليكم خواتي الشهر الفضيل
ولاتنسون قراءه القران والاستغفاااار

#

##خــوخــه##

عروس مبدعة

30-07-2011 | 10:19 PM

يومياتي ’’

اليوم قمت 8 الصبح ,,وعبيت سطل فيه كلور وصابون ومطهر داك

وعطيته الشغاله عشان تفرك موكيت الصاله ,,لازم انا اعبي لها والا كان

تحط مويه وبس ,,تكره المنظفات بأنواعها ,,أمي متحسره منها ,,

المهم قلت لها تفرك الجدران وقمت لقيتها على حالها ,,قلت هين بكره ان شاء الله

قهويت زوجي وطلع دوامه وانا رجعت نمت لحد 1 الظهر

صليت الظهر وصلحت الغداء باميا وكوسه ,,مع خبز بر ,,

تغدينا وصليت العصر ,ولبست عيالي ,,زوجي نام العصر

قام 5 ونص ,,شربنا الشاهي ,,ورحت لبيت أهلي ,,

عشان أونسه ,,ونسوي فيه حركه ,,لأنهم قبل العام يوم سافروا

دخلوا عليهم حراميه وثعوا في البيت وسرقوا غرض لأبوي ب6000

وهالسنه فيه جهاز أختي وذهبها ,,وخايفين الله يستر ,,

حارة أهلي هااااااااديه وتصلح للحراميه الله يكفينا شرهم ’’

دخلت بيتهم وتوحشت وخنقتني العبره ,,الله يستر عليهم ويحفظهم ,,

وسلامتكم ,,,

ك

كوامن السعادة

عروس مشرقة

31-07-2011 | 12:55 AM

مبروك علينا بيت الطاعة و السنع

والله يرد لنا الغوالي الغايبات بنات ليبيا >> مها ووفاء وبناتي زهرة حياتي

أنوثه \
نسيت أبارك لك سامحيني يالغلا
مبارك ما جالكم الله يصلحة ويجعله من عبادة الصالحين
ولا تشيلين هم الصفار والثقب تروح مع الوقت

ر

رونق روحي

عروس ماسية

31-07-2011 | 01:37 AM

كل بيت وانتن بخير
ول شهر وانتن بعافيه
ول رمضااااااااااان وانتن في سعاده ياااااااااااااارب

ج

جداويا يا ابويا

عروس مبدعة

31-07-2011 | 01:49 AM

كل عام و انتم الى الله اقرب

كل عام و قلوبنا اطهر

كل عام و صحيفاتنا انقى

الله يبلغنا رمضان و الجميع باتم صحه و عافيه

يومياتي اليوم

رحنا تمشينا احنا و اهل زوجي خرجنا قبل العصر و تغدينا

برا مندي لحم لذيذ و جلسنا لما بعد المغرب و الرجال قالوا يالله

و لا احنا ما اكتفينا الجو كان يجنن و احنا خارجين الا بدا المطر يرش

رجعنا البيت و خالتي سلفتي جات اكتمل البيت ماشاء الله و جلست

انظف غرفة خالتي و كانوا البزوره في غرفتي يلعبون و فجأه خرجوا

و تقوم دودي في لمح البصر تقفل الباب على نفسها و تعالوا شوفوني تجننت

و بالبدايه كانت مو حاسه انها محبوسه بعدين بدأت تستوعب و صارت تبكي

قطعت قلبي قمت انا دخلت غرفة خالتي و جو الرجال يفتحون الباب

ما خرجت الا بعد ساعتين و انا طول هالوقت ابكي و احس رجولي مو شايلتني

و لما خرجت جابوها لي جلست ابكي كانت تبكي و بكيت لما نامت و اعطتها

خالتي كيك و اعطيتها حلاوه و هدأت الحمدلله و كملت غرفة خالتي و تعشينا

نواشف و لين اللحين احس رجولي تتنافض ،، المهم اني سمعتي راحت فيها

واحد من حمواني يسأل بنته دودي تبكي؟ قالت لا جداويا اللي تبكي ههههه

الحمدلله انها خرجت لي بصحه و عافيه و توبه اخلي مفتاح عالباب..

و

وتر الحنينـ

عروس متألقة

31-07-2011 | 03:10 AM

كل عام وانتم بخير ...

ورمضان كريم ...

مازلت فمكة ...

جيت من الطايف يوم الخميس ..

اشوفكم على خير ...
وحشتوني ووحشتني اليوميات ...

.

..R O S E..

عروس مشرقة

31-07-2011 | 04:14 AM

مسائكم معطر بالبخور..

ومبارك علينا افضل الشهور..

انثى.. سلامة وليدك ما يشوف شر ان شاء الله..

جوجو..انا وانت بالهوا سوا اليوم..بس انا العيار كان اثقل..

________________

يومياتي..

امس.. سويت غدانا طبخه انقليزية "شيبر باي"

وما اعجبت الاسرة الكريمة.. قلت صدق الانقليز طباخين فاشلين..

وطلعنا لموعدي.. ورجعنا للبيت وعلى طول مسكت مقص الزرع وقعدت اقصص النبات الطفيلية واللي نابت بين البلاط..

وعلى الجدار.. وزوجي تحمس معي وطلع الحصادة وحصد الثيل اللي بالباك يارد..

ومسحت الباب الرئيسي..يفشل من الوسخ..ما دريت عنه.. ونظفت شباك المجلس من برا<<تذكرونها الدريشه اللي بارزة..

ويوم دخلت البيت لقيت زوجي مطلع لحم ناوي يطبخ..

تعشينا..و بناتي اعجبتهم طبخة ابوهن..

قلت: تحبون طبخ بابا؟;)

قال زوجي: لا ما يحبونه ..يحبون طبخك وانا اموت على طبخك و ما نبي الا طبخك..اااه من كيدكن يالحريم...

<< كنت بسلمه مهمه الطبخ..خخخخخ:p

المهم ظفيت السفره وغسلتها ونمنا..

واليوم قمنا وافطرنا كبدة.. ولبسنا وطلعنا لاوت لت يبعد عنا نص ساعة تقريبا..

وتسوقنا ولولو الله يصلحها فيها حركة وثقه زاااااايدة..وتركظ قدامنا وهي ما تدري وين بنروح اصلا!!!!

دخلناها هي وجود في مكان فيه العاب وزحاليق..

وقلنا لا تطلعون لين نجيكم.. وكملنا الشوبينق.. و رهف معي..

يوم رجعنا لهن لقيناهن واقفات برا ينتظرونا.. ولولو تبكي..

يوم شافتني جتني تركظ وظمتني وتقول: اشتقت لكم..ابطيتو!!

شرا لهن ابوهن ايس كريم ولعبنا روفة..

ثم كملنا شوبينق.. ودخلت محل وهن الله يصلحهن اذا لقن العاب والا قصص تسمرن عندهن..

وانا ما كرهت لأني ابي قسم الملابس الداخلية..مالقيت اللي ابي وخذت اكسسوار..

وقلت لبناتي: يالله ترا بطلع مشينا..

ورحت للكاشير..وهن وراي يمشن..يوم حاسبت ما لقيت لولو!!!:023:

وادورها وادورها..ما لقيتها.. وارجع ادورها زين واصوت..

ما لها اثر!!:-o

واطلع من المحل واتلفت.. ماعاد ادري وش اسوي..

السوق كبير.. والمحل اللي كنت فييه كبير..

ما ادري هي لا تزال بالمحل والاطلعت!!!

وجنب المحل حمامات -تكرمون-.. وقعد بليس يوسوس لي..:badly:

انا خلااااااااااااااص.. ركظت للحمامات واصوت لها.. ويتهيأ لي اني اسمع احد يقول " هيلب"

يا ربييييييييه بنتي..:047:

واستودعها الله.. واقعد اتعوذمن بليس واقول ان شاء الله ما فيها الا العافيه انا مستودعتها الله قبل ندخل السوق..

بس عسى الله يعقلها علي..

وادق على ابوها واخرشه.. ويجي وبلغ السكيورتي..خذو مواصفاتها وعممو البلاغ..

وانا بس اروح وارجع..اروح وارجع لنفس المحل.. <<ذكرت الحكمه من السعي بالصفا..

وجود ييا عمري منهبله..وفيها البكية..

وانا ماعاد تحملت وانفجرت ابكييييي.:035:. وجود تبكي..:'(

وقعدت ادعي ربي انه يعقلها علي..

ثم دق علي زوجي يبشرني انه لقاها..:060:

ورحت اركض.. يوم شفتها بغيت اقطع اذانها هالحمارة..8o|

ترون وين لقاها؟!!!!

تلعب وتتزحلق بالزحاليق اللي كنا مخلينها فيها واللي كانت تبكي متباطيتنا!!!...

والحين رايحه لها تلعب وبدون استأذان ..ولا جابت خبرنا!!!!

ولا تدري انها ظايعة!!!:056:

ااااااااه يا راسي ماعاد اتحمل.. :096:

زوجي رجع يكمل تسوقه.. وانا جلست على اقرب كرسي خلاص عفت السوق..

وعيوني وخشمي حمر.. وجود عيينتها تلمع من الدموع..

حطيت وجه العربيه علينا..وشافتنا روفة ووجيهنا ملفوعة..<<ما تدري عن شي

وخرطمت..و يوم ظميتها بكت يا عمري..

مرينا ماكدونالز عشينا البنات و طلعنا..

يوم وصلنا البيت القيت محاظرة على لولو.. وقعدت تبكي..

تقول: خلاص ليه انتم كل شوي كل شوي تتكلمون عن هالشي..خلاص..

وبعد مانامت.. قعدت انا وزوجي نتكلم عن هالسالفة..

و ايش التصرف الصحيح بمثل هالحالات.. وجود كانت عندنا..

قالت: خلاص.. ليش كل ما نسيت تذكروني بهالسالفة!!

وكانت العبرة خانقتها.. وحاولت تظيعها بظحكة هستيرية..:hysterical:

يا بعد عمري..قايله بينها وبين نفسها يوم كنا مظيعين اختها انها ماراح تركب السيارة الا واختها معنا..

الله لا يخلينا من بعض..ويصلحهن ويستر عليهن..

وتوته توته خلصت الحتوتة..

أ

أمل مشرق2008

عروس ماسية

31-07-2011 | 07:25 AM

روز الله يخليهن لك ويبلغك بزواجهن ويحفظهن ويستر عليهن ياااااااااااارب

ه

همس28

عروس متألقة

31-07-2011 | 07:41 AM

صباحكم خير صباح المطر والسيل ومبارك عليكم شهر الخيرررر
وحشتوووووني لازلت في الجنوب وشكلي بكمل للعيد الله اعلم عن زوجي اهم شي استاجرنا ومبسووووطين
انوثه ياحياتي بكلمك بامر ا الله لافضيت وقتي مو ملكي يحفظ لك فااارس واخوانه وماعليه شر يارب بالنسبه للثفب ماعليه باذن الله
اعرف وحده بنتها عندها ثقب في القلب بس قالوا يلتم بامر الله واسم الله عليها صح في البدايه تعبت معها تنويم ومستشفيات بس الان ماشاء الله ماعاد سمعت عنها الاكل خير الله يحفظ اولادنا جميع
والصفار عطيه سكر نباااات وعرضيه للمبه سارونه عذبتني كان مررره شديد لدرجه انه يباان بالبول تكرمون دم والحمد لله راح وسارت هالسالفه ذكرى تنذكر وماتنعاد يارب
وددددي ومناااااي ارد بس والله اني اسرق الوقت سرررقه مارجع الشقه الا منتهيه الله ياجرني

#

##خــوخــه##

عروس مبدعة

31-07-2011 | 01:15 PM

روز ،،

الله يصلحها ، نكدت الطلعه ،

ودك الواحد يربطهم بسلسله مع بعض

وتمسكينها بيدك وعساهم مايفلتون منها

جوجو ،

اذا مره ثانيه وحده من بناتك قفلت على نفسها

دقي علي اعلمك وش تسوين ، ترا لي باع طويل في هالموضوع خخخخخ

،،،،،،،،،

ابتسامه بدلع ماعاد دخلت من عقب زواج اخوها

عسى المانع خير / اخاف سافرت معه شهر العسل هاللزقه

خ