كيف أتخلص من اللقافة ؟؟؟؟؟؟؟؟؟؟؟؟؟؟؟؟؟؟؟؟؟

عندي عمة ملقوفة عمتي اخت ابوي اذا شافتنا خارجين فين حتروحوا واذا امي خرجت امك فين راحت ؟ ونحنا صراحة مانحب نتلقف لكن اخويا احيانا بتزل لسانو ويسالها تقوم تسويلو محاضرة طويلة تتلقف وتتجسس علينا وتجي لمن عندنا تقولنا اخوكي يسالني فين رايح فين جاي ؟وطبعا لو سالتنا مايهدى بالها الا لمن تعرف واليوم ولد عمتي جاء وقال من نفسو نحنا بنروح الاندلس مول قام ابويا كلم عمتي بالجوال وسالها بتروحوا الاندلس مول قالتلو لا ووبس بعد ساعتين جووا اخدوه من بيتنا وفي الليل جا عندنا وقلنا رحت الاندلس مول ؟؟
شفتو كيف ؟ تناقضهم يحبوا يتلقفوا في الناس ويعرفوا عنهم ومايحبوا احد يعرف عنهم حاجة وعندي حاجة مهمة كمان اي حاجة بتحصل عندنا خطوبة سفرة اي شئ بيوصلهم الكلام قبل مايوصل لاصحاب الشأن وطبعا دا كلو بسبب ابويا اللي يفك القربة عندهم حتى في الاشياء اللي تتعلق بامي واهلها ؟
اختي انخطبت ووافقوا في الاول وبعدين رفضوا وطبعا وحدة من عماتي حضرت الشوفة والباقين عارفين ولمن رفضوا اختي عمتي تشمتت في اختي على مراى ومسمع مني وللعلم هي مو متزوجة واختي دحين لها كم سنة متزوجة تعرفوا انا ايش بدعي ربي اذا كتبلي زواج ماتكون شوفتي في بيتنا تكون في مدينة تانية عشان لو تم الموضوع يبقى الحمدلله ولوماتم يبقى مافي ملاقيف يكون عارفين وشافين اللي حاصل لانو الخطوبة المفروض ماحد يحضرها غير الام والاب والاخوان ؟أنا داخلة بحساب اختي