اختي وزوجها و النرفزه ... ايش الحل ؟؟؟

أ

أريد حلاً

عضوية عامة لمن تبحث عن حل لمشكلتها

30-07-2011 | 04:12 AM

بسم الله الرحمن الرحيم

السلام عليكم ورحمة الله و بركاته
طبعا هذا الموضوع ما يخصني انا بس يخص اختي
و طبعا لان اكو بنات بالمنتدى يقربون لي و اعرفهم ماحبيت اقول الموضوع بالعام
لان هالشي قالته اختي لي و ماعرفت الاقي لها حل ..

اختي سلمكم الله تزوجها واحد وسيم .. هي حلوه بس هو احلى منها
و بعد ما ملكت اكتشفت انه كان خاطب بنت تقرب له
و هالبنت مقتنع فيها حلوه او مو حلوه

بيوم الملكه شفنا هالبنت ابد ابد ماتقارن بأختي بس هو دايم يقارنها فيها وهالشي يقهرها
المهم تزوجوا و الحمد لله زوجها طيب معنا و معها كمان

بس اليوم لما شفتها عيونها مثل الجمر احنا قلنا لان زوجها اليوم سافر اكيد قعدت تبكي عليه
طلعت البنت تبكي ع نفسها و لما سألتها ايش بك .. قالت انه نرفزها وهو طبعه ينرفز

السالفه ::::

طبعا قبل سنه حصلت سالفه وللحين مو لاقيه لها اي جواب
هالسالفه تخصهم الاثنين .. راحت سألته عنها و عصبت لانه مو جاد
في هالاسابيع جات و باتت عندنا يمكن يومين و اتصل عليها و انا كنت عندها بالغرفه
و فتحت عليه هالسالفه و ارتفع صوتها و بكت لانه قالها شي قوي عنها

لما سمعها خلاها تبكي الين خلصت و راح يستهبل و يبي يطبطب عليها
بس هي كانت معصبه حيـــــــــــــــــــــــــــــل
قالت له انت مو جاد بخصوص هالموضوع لانك ماتحبني ..
(انت ماتحبني) و هو طيب قالها من يقوله يا امووره << كنت ذابه اذني
قالت لو كنت جاد كان ما ماطلت بالموضوع

الموضوع بجد مايبي له ممطاله صارله سنه وهو يبي يأخره الين شهر 4 لان في هالشهر راح يخلص امور الشركه و بيخلص الموضوع
بس هو فوق ما انه ممطال ينرفزها وكل يوم يذب عليها كلام وهالكلام يضايقها
مع انه يمزح بس مزحه يجرح وانا اختكم
و اختي حساسه و ماتحب احد يغلط عليه و لا كان استلموه اخواني من زماااان

يابنات زوجها طيب و رومانسي لابعد الحدود بس عيبه هالنرفزه
من يوم كانت مملكه وهو ينرفزها .. يحبها مرررررررررره بس ينرفزها
امي قالت هو واحد من اثنين اما انه يحب يشوفها معصبه عشان هي بكايه وتطلع كيوت لما تبكي
او هي تتحسس لانه مدلعها بزياده ع اللزوم

بس هي تقول لا هذا و لا ذاك مو عارفه ايش تسوي له
لان اذا عصبت يحسبها تمزح و مايصدق انها جاده الين تطيح دموعها

و اليوم لما وصل كلمها و كان كلامه بالبدايه حلووو بس شويات ورجع لاسلوب النرفزه لما سألها سؤال استحي اقوله :biggrin:
خلاصة الموضوع :::

زوجها ينرفزها كثييييييييييييييييييييييييير ايش الحل ؟؟

M

M!Ss ket kat

عروس مشرقة

31-07-2011 | 11:44 AM

الله يعينهـــــا

خليها تقعد مع زوجها قعدة مصارحة و تخبره انه هالشي يزعلهـــــــا :/

فديتها والله كسرت خاطري

.

.. أمــ عــلــيــ ..

عروس ماسية

31-07-2011 | 03:29 PM

الله يهديه

انا اوافق امك بالكلام .. اتوقع هالشيئين مخلينها تأخذ الأمور بجدية .. !!

مادام هذا طبع زوجها .. المفروض هي تصير مثل أسلوبه .. تعامله بنفس اسلوب المعاملة .. صدقيني والله راح تختفي بينهم المشاكل ..

بس مادام مثل ما قلتي .. هي جديه وهو يماطل ويستفز .. خلاص خليها تغير طبعها .. وتصير مثله مماطله وتستفز ..

:)

ا

الجوهرة

مشرفة سابقة

31-07-2011 | 03:46 PM

خليها تدخل دورات تقوية الثقة بالنفس في مراكز للاستشارات العائلية وغيرها او تقرا كتب يمكن تعتدل نفسيتها

لو تقدر ماتصيح وتاخذ الأمر بمزح وغشمرة اكيد هو بيقول مادام هي مب مهتمه ولا معصبه باسكت عنها

فيه وايد رياييل طبعهم جذي وحتى اخوان مب بس الازواج

الله يصلح حالها

أ

أم هـادي

عروس مبدعة

31-07-2011 | 04:34 PM

ههههههه ذكرتيني بروحي و انتي حاطه مشكلة اختج .. اوووف شكثر يستانس ان ينرفزني حق اصيح بالاخير ..
و ان اسئله ليش هلووون ما تحبني يعني :( كل تبي تصيحني .. يرد علي ان و انا اصيح احلى ههههههههه ..
ريايل اخر زمن .. لازم تتعود و تتاقلم ع الوضع معاه و تعامله بالمثل ..هههه نرفزهااا تنرفززه اكثررر .. بالاخير هيه مزحة و ساعات تصير جد ..ههه ..
الله يووفقها ان شاء الله :)

ف

فوشياآ~

عروس رائعة

31-07-2011 | 04:56 PM

الله يعينها
الرجال يحبون يمزحون و يستعبطون بس احنا الحريم ياويلنا لو مزحنا معهم
هههههههههههههههههههههههههههه

أ

أريد حلاً

عضوية عامة لمن تبحث عن حل لمشكلتها

31-07-2011 | 07:34 PM

الله يعينهـــــا

خليها تقعد مع زوجها قعدة مصارحة و تخبره انه هالشي يزعلهـــــــا :/

فديتها والله كسرت خاطري

يسلموو حبيبتي ع المرور
بالنسبه انها تقعد معها قعدة مصارحه .. سوتها وجلست معاه وقالت له
بس هو فهمها انه يمزح و تفهمت هالشي
ولما تمزح معاه تحاول انها ماتقول كلمه و تجرحه
لكن هو مزحه يجرحها لانه يتطنز عليها

الله يكون بعونها

أ

أريد حلاً

عضوية عامة لمن تبحث عن حل لمشكلتها

31-07-2011 | 07:43 PM

الله يهديه

انا اوافق امك بالكلام .. اتوقع هالشيئين مخلينها تأخذ الأمور بجدية .. !!

مادام هذا طبع زوجها .. المفروض هي تصير مثل أسلوبه .. تعامله بنفس اسلوب المعاملة .. صدقيني والله راح تختفي بينهم المشاكل ..

بس مادام مثل ما قلتي .. هي جديه وهو يماطل ويستفز .. خلاص خليها تغير طبعها .. وتصير مثله مماطله وتستفز ..

:)

المشكله يااختي صارت مثله تقط كلام علينا و تقول امزح
لان هذا اسلوب زوجها صارت مثله
و صارت استفزازيه معاه بس ما قدرت عليه << ضحكتني قالت تعبت معاه ماعرفت له :)

و بالنسبه للمماطله هي ودها تخلص من الموضوع اليوم قبل بكره
بس هو يأجل و لما خلاص اتفق مع ابوه على يوم راح غير رايه و قال خلوها ع الظروف
و انصدمت لما قال بيأجله الين يخلص امور الشركه

أ

أريد حلاً

عضوية عامة لمن تبحث عن حل لمشكلتها

31-07-2011 | 07:49 PM

الجوهرة;15428063:
خليها تدخل دورات تقوية الثقة بالنفس في مراكز للاستشارات العائلية وغيرها او تقرا كتب يمكن تعتدل نفسيتها

لو تقدر ماتصيح وتاخذ الأمر بمزح وغشمرة اكيد هو بيقول مادام هي مب مهتمه ولا معصبه باسكت عنها

فيه وايد رياييل طبعهم جذي وحتى اخوان مب بس الازواج

الله يصلح حالها

هي والله تمااااااااااااام و كانت تمام
بس لانه هو اللي ماخذ الامور مزح ما يحط لكلامها اي اعتبار
و اذا جلست تكلمه بجديه يقعد يضحك و يستهبل
حتى طريقتها بالكلام لما تكون جاده يستهبل عليها يعني يا حبيبتي كلامها كله هواء
يدخل من اذن و يطلع من الثانيه
الين ما تطيح دموعها و تبكي و تعصب عليه يعرف انها جاده

أ

أريد حلاً

عضوية عامة لمن تبحث عن حل لمشكلتها

31-07-2011 | 07:55 PM

أم هـادي;15428160:
ههههههه ذكرتيني بروحي و انتي حاطه مشكلة اختج .. اوووف شكثر يستانس ان ينرفزني حق اصيح بالاخير ..
و ان اسئله ليش هلووون ما تحبني يعني :( كل تبي تصيحني .. يرد علي ان و انا اصيح احلى ههههههههه ..
ريايل اخر زمن .. لازم تتعود و تتاقلم ع الوضع معاه و تعامله بالمثل ..هههه نرفزهااا تنرفززه اكثررر .. بالاخير هيه مزحة و ساعات تصير جد ..ههه ..
الله يووفقها ان شاء الله :)

الله يسلمك حبيبتي ع المرور
و فعلا يستانس لما تصيح الله يهديه بس
مره كانت جايه عندنا و دخلت معصبه قلنا لها ليش معصبه
قالت الشارع كان زحمه و قعد يسبها و يهاوشها لانها اصرت الا تجي عندنا
و لما كانوا راجعين هي لسا معصبه وداها مطعم اعتذار منه بس بعد ايش ؟؟
بعد ما خلاها تقعد عندنا مكدره و كدرتنا معاها

أ

أريد حلاً

عضوية عامة لمن تبحث عن حل لمشكلتها

31-07-2011 | 07:59 PM

الله يعينها
الرجال يحبون يمزحون و يستعبطون بس احنا الحريم ياويلنا لو مزحنا معهم
هههههههههههههههههههههههههههه

اي والله وانتي الصادقه
هو يستفزها لدرجة انها تتنرفز واذا هي سوت مثله
قالها انتي عاصيه
و المصيبه انها تتنرفز اكثر اذا قالها شي وهو مسافر
لما يكلمها تلاقون وجهها يتلون و عروقها تبان اللي برقبتها
وربي انها صابره لانه يحبها
بس عيبه النرفزه المستمره حتى لو كان مسافر