اول مشاركة لي و مجموعة من عطوري

صباح الحب على احلا بنوتات

هذي اول مشاركة لي في المنتدى و انشالله تعجبكم و اكون ضيفة خفيفة عليكم :)

بما اني احم احم متخصصة في العطور يعني تقدرون تقولون جربت كل شي و عندي هوس باي شي له علاقة بالبيرفيوم و مو بسهولة شي يدخل مزاجي بقولكم عموما شنو الانواع اللي استعملها و بعرض لكم نوعين استعملتهم جديد بس صدقوني بنات مع ان اسعارهم اقل من عطوري القديمة بس ريحتهم احلا من روعة و تثبت.

اول شي بقولكم اسامي العطور اللي دايم استعملها و انشالله اقدر اوريكم صور لو ضبط معاي الوضع و بين اللينك...

عطر انسولانس من جيرلاين البنفسجي :adore: هذا صارلي من اول ما طلع و انا استعمله و صراحة احسه وايد كلاس و حلو

العطر الثاني اهو بعد من جيرلاند بس اخف من انسولانس عطر لنستانت ماجيك و هذي صورته

العطر الثالث و هذا كل الناس تميزني فيه و انا احبه للميكس مم احسه سكسي و حلو و فواح اهو ديور الاحمر

عطر بعد وااايد حلو و ناعم اسمه فلور بومب FlowerBomB

نروح للبيرفيوم اللي بعده و اهو الور Allure sensual من شانيل و هذا اللي انا استعملته و يذكرني بيوم عرسي ريحته مميزة و ثابتة و احسه احلا للشتا

و في بعد كوكو شانيل و جادور صج انهم حيل قدامى بس احبهم

مممم وين وصلنا وين وصلنا
اي وصلنا ل عطورات نينا ريتشي
انا جربت اللي صاير على تفاحة ريحته صيفية و حلو و جربت ريتشي ريتشي هذا عجبني اكثر حسيته ثابت و مغري و يذكرني باول ايام خطبتي و مع اللوشن يطلع وايد حلو و ميزته انه من العطورات لما تتعطرين و تنامين فيه عادي ما ياذي بالعكس يهدي الاعصاب انا صارلي تقريبا سنة متزوجة بليل لما اغيره زوجي ما يعرف ينام تعود يشم هالعطر و يخليه ينام بسرعة حتى انا ما اتاذى منه

في عطر من استي لودر حلو انا جربته صراحة و عجبني للي حابة تجربه انشالله ماراح تندم بس نصيحة خلوه لبليل او للسهرات و للشتا ;)
Sensuous Nude

بس اللي عندي لونها بنفسجي اللي لونها وردي ما جربتها

نروح للي بعده
هالعطر وايد وايد وايد حلو و انا انصح فيه لان ريحته ناعمة و اتراكتف و يشبه عطر كلاسيك قديم بس ناسية اسمه و اتوقع كل الاذواق بتحبه love chloe

و من شانيل
و هذا زوجي شرالي اياه هدية و حبيته لانه اهو يحبه شانس

بنات في بعد عطر اهو شوي غالي بس للعرايس اسمه اسينتركo2 في منه كذا لون و جاي شوي بعد على عربي انتي شمي و اختاري اللي يناسبك هذا كان من ضمن جهازي و دايما ينزل عدد محدود و يخلص بسرعة بس مو لاقية صورة له

العطر هذا من اللي استعملهم كل يوم و بسرعة يخلص من السوق و مو وايد غالي بس حده حلو و فواح اهو لابيرلا و هذي صورته

و في عطر ثقيل
و هذا من العطور اللي استعملتها جديد اهو شوي غالي بس ما حبيته حيل مادري مو على مزاجي بس لاحظت كل الناس يسالون عنه و اهو يناسب بنوتات اللي يحبون عطورات المركزة اللي مو على فواكه لا عطر بيور و اسمه life threads emerald

و نرجع لديور
العطر هذا نفس ستايل الاحمر بس ريحته غير صايرة على مسك و عنبر وايد حلو بنات للي تحب تجرب شي مميز اهو بيور بويزون

و في نفسه كحلي ميد نايت بس انا ما حبيته مادري ليش

الشي اللي احب اقدمه اليوم اهو الجديد اللي استعملته و ما كنت ادري عنه عطرين حدهم حلوين و ثابتين و فواحين و محد شافني الا لما سالني عنهم مع ان ما كنت منتبهة انهم وايد مبينين و صراحة بنات اللي تبي عطورات سعرها مو وايد غالي و حلوين تشتريهم و على ضمانتي بعد :thumbs_up:

الاول اهو من عطور ريهانا اخر فيرجن نزل و هذا اهو rebl fleur

و هذي صورة علبته

و الثاني اهو إليزابيث أردن فيفث أفينو أو دو برفوم بخاخ
5th Avenue Eau De Parfum Spray

و بس يا حلوات اللي يعجبها موضوعي مابي شي غير دعوة بتسهيل اموري F: