مرات الاب ....

السلام عليكم يابنات وكل سنه وانتوا طيبين يارب وبعوده عليكم احلى الايام F:


ياريت يابنات تدعولى انا واخواتى ولابويا ان ربنا يخلصه من مراته دى لانها بجد وحشه قوى وخبييييييييييثه جدا جدا جدا وعملت مشاكل كتيير بيننا وبين بابا والمصيبه انه شايفها ملاك دايما يكدبنا ويصدقها :'( وقدمنا بس يعمل انه هيكلمها لكن بينه وبينها ولا كأننا ولاده وبرافو عليها عملتنا حزب لوحدنا احنا وهى وبابا لوحدنا وياسلام بقى لو حد طلب فلوس من بابا
الكلمه المعتاده مفيش لكن لو ليها او لبناتها المتجوزيين كله موجود حتى فى العزومات لما بنتجمع انا واخواتى والله يابنات بتعمل صنف صنفين بالكتير واكل اى كلام بتاع الايام العاديه والاصناف بقى والالوان لاهلها لما بيجوا ولبناتها وبابا كأن هم اللى بناته علشان ال يعنى دى حاجه فى وشه طيب ووشنا قدام ازواجنا؟؟؟؟؟؟؟؟؟ وحياه اخواتى اللى اتدمرت بعد امى الله يرحمها ؟؟؟ وهو عارف
كمان ست بجد وحشه جدا وبتتكلم عن اسرارهم الزوجيه وفضحاه على الاخر معانا كلنا مابالكم اهلها وهى عكاكه وبتحب الكلام ده بوقاحه 8o| ومش بنرضى نقوله علشان منعملوش مشاكل وبابا احسن واحد بيحب يحسسنا بالذنب اننا منكدين عليه برغم العكس احنا بنخاف عليه وبنخبى عليه حاجات كتيره قوى وهى عارفه كده وبتستغل ده وبتقوله كلام عننا غلط جدا وموقعه بيننا جدا واخواتى بيسمعوهم بليل فى الاوضه لان صوتهم بيبقى عالى ومش عارفين انهم فى البيت اخواتى والله شابوا منالحزن والقرف والفقر اللى جابته معاها والمصيبه بيسمعوهم بيتكلموا عن فلوس وكل حاجه ليها وتقوله انا مش بقولهم انك بتجبلى حاجات
حزيييييييييييييينه ده مش بابا او دى حقيقته اللى امى كانت مخبياها علينا :'(
انا بحبه قوى وطول عمرنا بنقدسه بسبب امى وتربيتها لكن دلوقتى على قد حزنه على امى الست دى قدرت تخليه يتكلم عنها وحش تخيلوا وهى نفسها بتتكلم عن ماما والكلام بيوصلنا لانها بكل بجاحه بتتكلم مع القريبيين مننا ومتقولوش ساكتين لا احنا عملنا مشاكل بسبب الكلام ده لكن مكملناش لان بابا كان مصدووم وخفنا عليه ورباها يومين كده لكن رجعت ريما لعادتها القديمه وسحبته تانى شويه شويه حتى اخويا الكبير كان مسافر مكملش شهر ومش طايقها من تصرفاتها وكلامها السافل وبجد مش عارفيين ازاى بابا يتجوز المستوى ده بعد ماما ؟؟؟ ويتكلم على امى علشان دى؟؟؟ والله ماتعرفوا ماما دى عملت ايه علشانه كانت ونعم الزوجه والله يابنات انا فتحت عينى على ام اول مانصحى (بوستو ايد بابا وصبحتو عليه ؟؟)
يجى من الشغل جرى وراه تقلعه هدومه وتدعكله رجليه :'( ومساج لجسمه لحد ماينام )
قبلماتموت بكام ساعه وقفت على رجليها تعمله عشاه وتوديه لحاد عنده وهى مش قادره تمشى ورجليها بتنزل ميه :'( ويقولها هاتيلى الدوا والميه وحتى مكنش يقوم ياخد منها وكان تاعبها قوى برغم فرق السن الكبير بينهم وهى كانت تراعى ربنا ...... ويمكن دى جزاته انه مقدرش النعمه دى فربنا رزقه بالنقمه دى
اعمل ايه ؟؟؟؟ نفسنا نعرفه حقيقتها اللى انا قولتله على جزء كبير منها وخفت يحصله حاجه من الباقى لانه فيها طلاق ولو حصل هيذلنا اننا خربنا بيته وهيفضل مكتئب وسكره عالى وهيقول انه عمل كده علشان يعجبنا ده ابويا واحنا عارفينه ........
ماما كانت بتهتم بصحته جدا دى من يوم ماجت وسكره عالى وضغطهعالى لانها على طول حارقه دمه مننا وياسم لو لقيت حد احسن منها تكون وقعته سودا ولو بابا بيموت فيه عندها المقدره فى وقت قياسى ميكونش طايقه حتى احنا وطبعا كل الناس احسن منها لانها مش من مستوانا خاااااااااااااااااااااااااااااااااااااااالص والله ومعترضناش مش مهم لو كانت انسانه تعرف ربنا
والله يابنات بلاوى لو احكيلكوا على عمايلها وكلامها شعركوا هيشيب اخويا امبارح ياحبيبى بيكلمنى قاللى انا عايز اطفش برره البلد منها دى بتقول لبابا كلام عننا شعرى شاب منه لما سمعته وهو بيتكلم علينا معاها :'( وفى نفس الوقت مش عايز اسيب لها البيت ........ والمصيبه انها دايما تقوله ان اخواتى الاتنين اللى لسه شباب انهم مش بيطيقواها وبتشحنه انهم لو جراله حاجه هيطردوها من تانى يوم ؟؟ ليه علشان تحرضه يكتبلها حاجه فى البيت ..... والله مابيحصل اخواتى بيراعوا ربنا جدا جدا فيها هى عايزه البيت تفتحه لولادها واهلها واحنا نكون غرب فيه بابا متجوزها من سنه بس والبيت بقى حضانه لبناتها واحفادها كمان دى الجوازه التالته ليه يعنى لو جراله حاجه هتتجوز من الصبح كالعـــــــــــاده .........
واللى عرفته منها هى شخصيا لما حكيتلى (ال يعنى مظلومه ) ان ابنها طردها من بيته لانها كانت قاعده معاه هو ومراته بسبب انها بتعملهم مشاكل وموقعه بينهم جامد وقالها ده بيت ابويا لو حد هيمشى يبقى انتى لانها كانت عايزاه يطلق مراته (بسبب انها ببساطه البنت ام 22 سنه ازاى لما تكون حامل فى الشهر ال3 تكون نايمه للظهر؟؟؟؟ راحت طنط شالت السجاد كله وخرجت علشان تربيها انها لما تصحى تفهم انها عايزاها تمسح البيت كله وتنفض السجاد وتفرشه ----الحامل ----- لا وبتحكيلى بقدرتها طبعا على انها كده مغلتطش لا البنت هى اللى وحشه انها مش نضيفه وانها كانت عايزاها ترتب البيت لابنها ... فهمتوا بقى اسلوبها اللى حتى ابنها مقدرش يعاشرها بيه ؟؟؟؟؟؟؟؟؟؟ ادعولى ارجووووووووووكم ربنا يكشفها قدام بابا ويطلعها من البيت