هدية العيد ؟

أم زوجك اشتري لها جلابيه فخمه وجلال حلو
أبو زوجك اشتري له عود وبخور واذا عنده مجلس كبير اشتري له اطقم أباريق هذي اللي للزينه اللي على شكل تراث أو ساعه فخمه
وان شاءالله يعجبك رايي
الله ييسر لك امورك ياحلوه

حلوة فكره مجنونه فايزي .. الام اشتري لها دراعه حلوة وفخمه تلبسها لايام العيد ..

والاب اشتريله عطر او ساعه او كبك لقميصه او قلم حلو وفخم وعلى حسب طبيعة عمله لو كان بيشتغل اشتريله ادوات مكتبيه ..,,

والله يحفظهم لك يارب ..,,

انا مثلك كثيييير احتار فالهدايا خصوصا للرجال


شوفي الاخت مجنونة فايزي كم فكرة حلو مالت الاباريق وتكون فضة مثلا او حتى قطعة قماش راقيه
وعمك اممم جربي تهدية ساعه
او ممكن للاثنين ساعات خصوصا اللي تجي نفس الشكل يعني ثنتين ف علبة وحده رجالية ونسائية

اتمنى افدتك

ماشاءالله عليك .. الله يجزاك خير ..

مثل ما قالوا البنات ..

الأم تقدرين هالسنه تهدينها جلابيه فخمه تقدر تلبسها بالعيد وتستفيد منها بأي وقت ثاني ..

الأب أهديه بخور زين .. او اهديه اللي تكون شنطة بخور كاملة يجي فيها مبخرة ودهن عود و بخور و فحم وكل شئ خاص بالبخور ..


هذي أنسب شي ..

:)

الله يبارك لك ويديم بينكم المحبه

الام اشتري لها طقم دلال وبيالات وفناييل حق العيد

والابو عطر أو عود من الزين ان كانت ميزانيتك تسمح

ثرى الرياييل عادي مايدققون

حلوة أفكار البنات
وعجبتني فكرة الساعات
أنا عن نفسي فصلت عباية لأم زوجي
وأحس حلو العود بعد هدية للعيد

اعتقد تشوفي شي ينفع هدية و بنفس الوقت يكون شي يفيدهم او يحتاجوه و كذه،،

ايش رايك بمصحف كبير حروفه كبيرة، هذا يعجب الكبار، او لوحة بيها اية الكرسي او اسماء الله الحسنى.

او طقم عطر يكون واحد رجالي و واحد نسائي

او مسابح نفس الشكل بس لونين واحدة للام و واحدة للاب

هذا اللي جاء ببالي الان،،لو جتني فكرة جديدة بحطها

الله يبلغنـا رمضآن ..

عجبـوني افكـار الحـلووات :thumbs_up:
فكـررة الدراااعة حلووه, تكون لابسه شي منج في العيد

ونا بعد باسوويهـا =)

المراة: سلة ككاو فاخر منوع خاص للعيد+ عقد كشخة

الرجال: ساعة ماركة

فكرت بشي كمان،،،اذا عندك اولاد، و لهم صورة حلوة ، تكبريها (بحجم معقول) و تحطيها باطار انيق و تعطيهم مع اي هدية ثانية مثل العطر او المسبحة، او صورة الاب مع ابه او اي صورة تحسي راح يحبوها

طقم صحوون



ادووات مطبخية يعني


شوفي هي شو اللي نحبه من هالشغلات

اشكركم جزيل الشكر


والله يوفقكم ويهنيكم


احترت بين العود و الساعات و دلال للقهوه


لأن الجلابيه مستحيل اشتريها بسبب ان اذاواقنا تختلف

فما اعرف شنو الي راح يعجبها


قكرة الصوره عجبتني وبسويها لأهلي

لأني مقدر اطلب اي صوره لأهل زوجي

وشكراً لكم مره ثانيه

اهلين يالغلا
بالعكس الجلابيه اشتريها ... وانتي اكيد عرفتي وش تحب ... يعني تحب اللي فيها كريستال والا تكون هاديه
زوجة اخوي اهدت امي جلابيها وبالعكس اعجبت امي كثير .... أو انك تهدينها قطع لدراعات يعني خام تكون 2 وتفصلها على رايها
انا سويتها لجدتي .... وعجبتها فديتها
والا اهديها ساعه حلوه


وبالنسبه لابوه ..... خلي زوجك يفصله ثوب للعيد او اشتريله خامة الثوب واهو يفصلها على كيفه ...سويت هالحركه لابوي بس اهديته معا شماغ ودهن عود ..

والاأهديه مجموعة دهن عود وبخور ....

وربي يسهل أمرك