سفرتك شكلها ايه فى رمضان <الجزء الثانى>2011

السلام عليكم

أنا جييييييييت

كنت مصورة السحور وحاولت أنزل الصورة مرتين بعد ما صغرتها ومش عايزة تظهر حظكم بقى

السحور كان بطاطس صوابع محمرة وعسل أسود بالطحينة وطبق فول مدمس يستاهل

بقكم وطبق خضار مقطع شرائح وشريحة جبنة ثلاجة وبقيت شريحة لانشون

وزبادى

والمشروبات كانت كركديه ساقع علشان أنا ووالداى ضغطنا عالى فنسأل الله

أن يكون سبب للشفاء وحليب بارد لاخى الصغير

وبس ياحلوين

الفطار بقى عرفت إنه هيبقى حمام محشى ومحشى كوسة وصينية رقاق

ومااعرفش لسه بقى المشروبات والحلو إيه

بس عامة إن شاء الله هاقولكم على أخر التطورات :D

ده كان فطارنا النهاردة ورجع تقريبا نصفه زى ما هو

ده بقى محشى كوسى وفلفل وباذنجان وورق عنب بس ورق العنب طلع فى

الصورة أسود فقلت بلاش منه مع إنه كان حلو

وحمام محشى وصينية رقاق باللحمة المفرومة وسلطة خضراء وسلطة زبادى

والحلو قطايف محشية كاسترد بصراحة ما دقنهاش رغم إنى اللى طالباها

بس انا على ما فطرت كنت عطشانة جدا ومليت بطنى بالمية

وعلى ما جيت أكل ما كانش فى مكان لأى حاجة

حتى ما كنتش طايقة أى ريحة اكل حواليا

وطبعا العصائر الخشاف وعرقسوس وكركديه وسوبيا لان كل واحد له مزاج فى

العصير اللى بيشربه

شفتى بقى يارشروش أنا أول واحدة نزلت الواجب

رغم إننا كنا معزومين عند خالتى

بس ما إتكسفتش إنى اصور الاكل

لا وبنت خالتى لما عرفت إنى هاصور السفرة قالت لى الله يكرمك قولى لهم انا اللى عملت القطايف

أصلها تعبت عليها قوى

فدى أمانة هههههههه

يلا بقى قولوا لنا عملتوا إيه على الفطار النهاردة

دى صور فطارنا النهاردة:D

طبعا أنا شرحت قبل كده إيه هو الاكل

يلا شفتى بقى يارشروش إنى بانزل الواجب اهه أول باول

تحكمنى قناعاتى

تسلمى على الدعوة الحلوة

ربنا يصلح حالكم وحالنا

جرى إيه يابنوتات

روحتوا فين هو إنتم اتجمعتم فى مكان تانى ولا إيه :woo:

مافيش حد خالص من أمس غيرى وعروستين تانيين بس

يلا مش مشكلة انا هأتكلم لحد ما ييجى ويشارك

ام عمر افندى تسلمى يارب على دعواتك وريتها لخالتى وفرحت قوى

وربنا يحفظ لك بنوتك وعقبال ما تخاويها إن شاء الله

النهاردة كنت عايزة أصور لكم السحور بس للاسف إتأخرنا فى تحضيره ولو وقفت

اصور هألاقى هجوم عليا من كل حتة:struggle:

فهأكتفى إنى أقول لكم إتسحرنا إيه

طبعا الفول المدمس ده لازم يكون له مكان على طاولتنا لان والدى مش بيعترف

باى سحور خالى من الفول وكمان لازم يكون فول خالى من أى خلطات فول

عادى جدا لكن اخدت شوية فول وعملتهم بالطماطم والفلفل الرومى وزيت

زيتون على النار وعملنا برضه بيض مسلوق وبطاطس محمرة وجبنة فيتا

وخضار مقطع شرائح والزبادى والمشروبات طبعا كل ده عينات لاننا كنا خمس

أفراد فقط وكل واحد بياكل حاجة مختلفة عن التانى

يعنى إخوانى بياكلوا البطاطس المحمرة

وأنا أكلت عينة الفول بالخلطة وبيضة مسلوقة والخضار الشرايح وماما أكلت بيضة

وجبنة وبابا اكل الفول وبيضة وطبعا لازم الزبادى

بس ده سحورنا النهاردة

:D

تحكمنى قناعاتى

ربنا يفرج كربكم عاجلا غير آجلا ويخلص بلادكم من الظالمين المفسدين فى

الأرض

وألف هنا وشفاء على قلوبكم

ويجعل نصركم على أعدائكم فى هذا الشهر المبارك آمين

النهاردة فطورنا إن شاء الله

كوسة مطبوخة وبطاطس مطبوخة علشان اخويا مش بيحب الكوسة

ورز بالشعيرية وفراخ مخلية ومحمرة بالبيض والبقسماط وهى نية (بروستد

يعنى) وسلطة خضراء

والمشروبات عرقسوس وكركديه وحليب بالتمر وخشاف

وربنا يسهل لما نجهز السفرة هأصورها لكم بإذن الله