مصيبه كبيره مش قادره افهمها خالص ساعدوني بالله عليكم

السلام عليكم ازيكم يا عرايس الخير

كنت عاوزه احكي قصه حصلت من فتره لاكن مسببالي مشاكل كتيره و ممكن افسخ خطوبتي بسببها و لكن فيه بعض الملاحظات مجنناني جدا جدا فأرجو ان تفيدوني

من فتره كبيره حبيت صاحب اخويا و اتعرفت عليه و فضلت 3 سنين معاه و حبني جدا و انا في اخر سنه من دراستي اتقدم لي و اتخطبنا بس كان قبلها اديته صور ليا عشان يشوفني لاني منتقبه كانت علي الكمبيوتر انا عارفه اني مخطئه لاكن اقسم بربي اني توبت و بقيت ملتزمه بالشرع معاه

المهم انا بقالي سنتين مخطوبه و علي وشك الزواج منه و من كم شهر كده جيه قالي في مشكله كبيره حصلت قولتله ايه قالي امي الظاهر شافت الصور اللي انتي بعتهالي انا اتخضيت جدا و فضلت افهم منه اذاي شافتهم و هم محطوطين علي كرت ميموري قالي الظاهر شافتني و انا بشوفهم علي الكمبيوتر اتكركبت خالص قولتله هيا قالتلك ايه بالظبط قالي كل شويه تقولي يا ابو فلاشه شوف الصور اللي انتي حطيتها علي الفلاشه علشان الكارت ميموري لازم يتحط في ريدر فهيا افتكرتها فلاشه لانها غير متعلمه قالها طب هيا فين دي قالتله دي من سنتين فاتو و انا كسرتها خلص الموضوع علي كده من فتره

كان لسه عندي من يومين زياره عشان رمضان و العيد و بعد ما روح قالي هكلمك قبل ما انام قلتله ماشي لما كلمني قالي فيه مصيبه حصلت قلتله ايه قالي عمي جيه من عند عمتي اللي في مصر كان ريحلها زياره و ادته الكارت و كلمته و قالتله ينفع كده يعني و اللي عرفته انها شافته من شهر و معرفش ايه اللي حصل بينهم الصراحه و عمه قاله هديك الكارت بكره و انا فضلت اعيط طول الليل و مش عارفه اعمل ايه غير اني بدعي ربنا يسترني انا معترفه اني غلطانه لاكن هوا كمان غلطان اكتر مني اذاي يضيع كرت بالسهوله دي و ميدورش عليه و يقلب الدنيا عليه

المهم قلتله كلمني بكره و طمني عملت ايه و لازم تاخد الكرت منه و تكلم عمتك و فهمها انك اخدت الصور دي غلط لما نقلت حاجات من عند اخويا قالي ماشي اتصل بيا تاني يوم قلتله عملت ايه قالي و لا حاجه قلتله مخدش الكرت ليه قالي قلت لعمي قالي هدهولك شويه كده و مفيش داعي تروح لعمتك عشان لو روحت الموضوع هيكبر و انا هبلغها انك لقيتهم بالصدفه مع حاجات نقلتها من علي كمبيوتر اخوها و قاله عمتك عارفه بقالها 7 شهور و قالتلي بس انا مكنتش عارف اقولك اذاي و مامتك متعرفش اي حاجه خالص لانها لو كانت عرفت كانت قلبت الدنيا



دي القصه عندي تسألالالات كتير جدا و دماغي باظت من التفكير حد يعرف يفسرلي تسألاتي اللي هقولها دلوقتي دي

(1) لما مامته شافت الصور دي من سنتين يعني قبل الخطوبه ليه مرفضتنيش بحجه مثلا انهم مبيخدوش حد من بره العيله ليه سكتت ؟

(2) لما مامته كسرت الفلاشه اذاي بقي خلته شافت الكرت قبل شهر من دلوقتي ؟ طيب خلينا نقول ان مامته كسرت الريدر اللي بيتحط فيه الميموري و وقع الكرت بقاله سنتين متكنسش من ضمن الحاجات اللي بتتكنس او لما تشوفه تحطه في درج او تديه لخطيبيي مدار السنتين هوا مشفهوش خالص ؟

(3) اذاي امبارح قال انها تعرف الموضوع من شهر و تاني يوم قالي عمي قالي انها تعرف من 7 شهور لما قاله اني عاوز اروحلها ؟

(4) اذاي عمته عارفه من بدري و لا حته من شهر تسكت ده كله كان المفروض تروح تقول لامه و تقولها خلي ابنك يسيب البت دي ليه سكتت ليه نفسي افهم ؟

(5) اذاي عمه يقوله انا هقولها انك اخدت الصور غلط يعني بيداري علي الغلط بدل ما ينصحه انه يسبني ده المفروض ؟

(6) ايه سبب ان عمه كل شويه يأخر في انه يديلو الكارت و كل شويه هديهولك شويه كده ؟

(7) ليه خطيبي ساكت و مخدش منه الكارت اجباري لانه ملوش لازمه عنده بدل ما حد تاني يشوفه ؟

(8) هل خطيبي عامل التمثليه دي كلها عشان يسبني بالرغم من انه مش بيكدب خالص و صريح و واضح و اعرفه من بدري مش لسه هحكم عليه دلوقتي ؟

(9) و لا هل دي تمثليه من اهله لان انا شايفه ان الكلام متناقض بسبب طرحي كل الاسئله دي و مش لقيه اي اجابه ؟

(10) طب لما هوا عاوز يسبني و لنفرض ليه سكت ده كله و فاضل علي جوازنا كم شهر و لا ليه خطيني من الاول ؟

(11) هل هقدر اكمل معاه بعد ما عرفو عني الحاجه دي ؟

(12) ايه سبب ان عمه مش عاوز يخليه يروح لعمته و يفهمها انه خدها غلط مع انه قاله اني هقولها انك خدتهم غلط يبقي فرقت ايه ؟

(13)ممكن عمه عارف من بدري و عمل التمثليه دي عشان ميقولوش اني لقيت الكرت ؟ بس مظنش لانه مبطلعش عندهم و لو طلع مبيدخلش الغرف

كلللللللللل دي تسألات مش لقيالها اي اجابه بس انا لا ارجح اسئله ان ها بيعمل كل ده عشان يسبني

بليز ساعدوني و بلاش تجريح ان عاوزه حل اللي عندها تقول و اللي مش عندها تدعيلي ربنا يكتبلي اللي فيه الخير ليه

:'(:'(:'(:'(:'(:'(:'(:'(:'(:badly::badly::badly::badly::badly:


السلام عليكم ورحمه الله و بركاته أخر التطورات

من كم يوم كنت بفكر اني اسيب خطيبي لاكن دلوقتي متردده خالص

كلكوا قولتوا و حكمتوا علي خطيبي انه كداب و بيلف و يدور انا عن نفسي عمري ما شفته بيكدب او يلف و يدور و بيعمل الفيلم ده عشان يسبني بس الصراحه الموضوع ده هوا اللي ملخبطني خالص و مش مصدقاه بالمره هحكيلكوا مواقف بسيطه حصلت معايا عشان تعرفوا تحكموا عليه كويس و برده هقول علي اللي دار في دماغي ساعت مكنت بفكر اسيبه
اولا المواقف
اول ما اتعرفت عليه قولتله انا مبخرجش مع شباب و لا عمري كلمت شاب اذا كنت عاوزني تعالي اتقدملي مش عاوزني سبني افضل قال بصي انا عاوزك بس عشان اكون معاكي واضح انا مش هقدر اتقدملك خالص دلوقتي عشان معنديش شقه و لا شغله سبته فضلنا تلات سنين بس قبليها قولتله اسأل اهلك موافقين او لا عشان منتعلقش و في الاخر منعرفش نرتبط قالي طيب و خد موافقتهم كلهم تمام بعد 3 سنين كان بني الشقه حيطان حمرا فقط عشان هوا بيعتمد علي نفسه و محدش بيديله مليم يصرف حتي المهم بعد ما بني الطوب الاحمر و حط الاساس للشقه جيه اتقدملي علي طول و اتخطبنا
موقف تاني في اول تعرفي عليه كنت بسأله اذا كان مشي مع حد غيري او لا و قولتله انا عارفه ان مفيش شاب مش بيمشي قالي طب كويس انك عارفه بس انا مش مقطع الدنيا يعني و بعد فتره من التعارف قالي علي كل حاجه و انه بطل خالص عشاني و قولتله طيب توب و فعلا تاب الحمدلله و بدأت اقوله صلي و بدا يصلي فعلا هما اهله كلهم بيصلوا لاكن عمرهم ما قالوا صلي
موقف تاني لما كنت بروح المعهد كان المعهد جنب الكورنيش فكان بيفضل يقولي متمشيش عالكورنيش روحي علي طول عشان محدش يضايقك او يتعرضلك كنت بضحك عليه و اقوله يا ابني انا منتقبه مين هيبصلي قالي برده المهم انا مسمعتش الكلام و مشيت و فعلا في ناس بدأت تعاكسني انا و زملتي حرمت و بقيت اسمع كلامه

هوا صاحب اخويا من قبل ما اعرفه و كان خويا يجي يقول مثلا علي اللي حصل معاه النهارده و انا لما اكلمه الاقيه برده بيحكيلي علي اللي حصل بالصدفه الاقي كلامه مختلف خالص بالرغم انه ميعرفش ان اخويا حكي و في الاخر عرفنا احنا الاتين ان اخويا بيكذب فعلا و معظم كلامه كدب بس كدب مبأذيش حد ده اهم حاجه و من ساعتها عرفت انه صادق جدا و مش بيكدب و كمان اخويا اكدلي المعلومه قالي انه مبيكدبش اصلا عشان هوا مبيحطش نفسه في اي مواقف تخليه يكدب يعني مبيغلطش نادرا لو غلط ماشي

دلوقتي اللي خلاني افكر اني اسيبه
في الاول كان بيجي يقولي علي اللي بيقولوه عليا في بيته ( هوا بيت كبير كل قرايب باباه عايشين فيه ) و كنت بزعل اوي انهم لما حد يتكلم عني بتريئه هوا مكنش بيتكلم و بعدين لقيت ان اهلي انا كمان بيفضلوا يعملوا كده فقولت خلاص الظاهر كل المخطوبين كده
بس قبل الخطوبه قالي موقف مع امه لما قالها انه هيروح يتقدملي عشان خلاص بني الشقه قالتله بس هما مش بيسألوا علينا خالص عشان يعني بابا كان تعبان في يوم و هما جم زارونا و مامته قالت لمامتي ابقوا اتصلو بينا و نتصل بيكوا فماما قالتلها حاضر و كم يوم اتصلت و سلمت علي ماما و ماما مرضتش الاتصال فعشان كده حكمت اننا مبنسألش علي حد بالرغم من انها سألنا او لا خلاص يعني احنا كده كده منعرفهمش غير انهم اهل صاحب اخويا هوا بقي كان بيدافع عنها و يقول عندها حق و انا بقنعه انه عادي لما نتخطب هبقي اسأل عليها عشان يكون فيه حاجه رسمي
المهم بعد الخطوبه انا بقالي سنه و نص بتصل بيها و الله العظيم علي طول كل اسبوعين اتصل اسلم عليها و هيا و لا بتعبرني خالص انا كنت الاول مفروسه و كنت بقول هيا دي اللي بتقول مش بيسألو و قولتله الكلام ده و اتكتم و كل فتره يجي يقولي لو اتأخرت شويه في الاتصلال يقولي انتي مش بتتصلي ليه بأمي اقوله منا بتصل يابني يقولي هيا قالتلي امال عدت فتره يعني و لا حد اتصل و لا حاجه قولتله و انت قولتلها ايه يقولي و هقولها ايه ليها حق اقوله ليها حق منين اذا كان هيا مش بتعبرني و لا حتي في اي مناسبات و لا عيانه و لاسيلمه حتي انا كنت بتصل بيها و مش مستنياها تتصل و بقول كل المخطوبين كده لاكن كمان ليها عين تقول بسأل او لا

هواااااااااااااااااا ده اللي خلاني افكر الف مره اني اسيبه انه بيجي في صف اهله عليا حتي لو انا المظلومه و بكده عمره ما هينصفني لو حد قال عليا كلمه وحشه بالرغم من انهم بيعملوني و الله احسن معامله لما اروحلهم مش عارفه بقي هوا السبب اللي بيخلق المشاكل عشان قولتله متجيش تنقلي اي حاجه قالوها عني عشان مشيلش منهم
تاني حاجه فكرت فيها لما سألتوكوا في الموضوع اللي فات و حسيت انه مش هيموت و يجيب الصور بتاعتي و كل شويه بكره بعده عمي قالي عمي عدلي و مش فارق معاه فأنا حكمت بكده انه بالشكل ده عمره ما هيحافظ علي شرفي و عرضي
تالت حاجه ان شكلنا مبقاش كويس خالص بعد اللي حصل ده لو الكلام ده صح و مش فيلم هندي و برغم انكوا قولتوا انه بيعمل كده عشان يسبني انه مصمم علي الزواج و عاوز يكتب الكتاب بعد العيد و انا رفضت لان لسه بدري
و رجعت من كم يوم دعيت ربنا كتير جددددددددددددددددددا ان لو الجوازه دي من نصيبي رجعني تاني اقبله و الموضوع يمشي عشان مكنتش طيقااااااااااااه خالص بعد اللي حصل و بعدين لقيت الاحساس ده زال خالص و بقيت ارجع تاني ليه و ده حصل بعد ما دعيييييييييييت
انا فعلا بحبه جدا بس معنديش استعداد عشان احب واحد اضيع نفسي و كرمتي و سمعتي و شرفي فياريت تدوني رأيكم في كل اللي حصل ده عشان انا مش عارفه اعمل ايه بجد ربنا يكرمكم و يصلحلكم الاحوال يااااااااااااااااااارب