لك حبيب يموت فيك حس به الله يهديك
رواية كويتية جريئة واقع من وحي الخيال ما احلل اي بنت تنقل روايتي اسمي و اسم المنتدى لمسة الماسية راح انزل كل يوم بارت اذا طولت اكيد عندي حالة طارئة
بسم الله الرحمن الرحيم نبدي
الشخصيات
عائلة بو فهد:
بدرية ام فهد: طيبة عمرها 48 حنونة تحب عيالها تخاف عليهم و شوي عوبة على ....... راح تعرفون على منو
حسين بو فهد: عمرة 54 طيب حنون ما ير ضى بالغلط عندة خير من الله
فهد: عمره 30 سنة اسمر بس مو وايد حنطاوي عيونة ناعسة جسمة مرتب شعرة اسود ناعم طوله زين شوي عصبي و حنون على عيالة متزوج بنت عمة سارة عنده ولد وبنت:
حسين: عمرة سنة وشهرين شعرة اسود و جميل ماشاءالله
مناي: عمرها 9 اشهر حلوة طالعة على امها
نكمل ...... على عايلة بو فهد
خالد:عمرة 29 متزوج دلال عن حب احلى واحد بين اخوانة من ناحية الجمال والادب ماله شغل باحد اهم شي زوجتة بس المشكلة سارة راح تعرفون بعدين .........
خلود: عمرها 24 شعرها اسود فاحم طويل مو متحجبة عيونها كبار شفايفها متروسة شوي بس عنيدة و خبيثة طالعة على امها اهي وسارة كله نجرة
اخر العنقود العنود :عمرها 19 تدرس في جامعة الطب جراحة طيبة جميييييييلة ماشاءالله شعرها قصير بوي الحلو ما تحب الطويل اهيا الوحيدة المدلعة عنيدة تشابه ابوها اقرب ناس حقها (سحر بنت عمها فيصل )
عايلة فيصل بو حمد زوجتة متوفية من سنة
سارة :عمرها 24 بيضة شعرها طويل ملامحها خبيثة وبس
حمد: عمره 22 جميل وحلو يحب وحدة وللاسف ابوه عنده قرار مايتزوج الا لما تتزوج سحر ومسكين 4 سنين وهوا يحب.........
سحر : عمرها 19 ونفس الجامعة وايد مع بعض اهيا و العنود جميلة خجولة فصلة حلوة ماشاء الله
نبدي البارت الاول بعد ما نشوف رايكم و نكمل القصة
الصبح وفي بيت بوفهد:
العنود وهي ترتب شعرها رن الفون ترن ترن ترن
العنود:الووووو
------- (شخص مجهوول ) : هلا بالعسل هلا ابوووي
العنود: منو معاي ؟
-------: انا احبج من زمان و كل يوم اشوفج بالجامعة تكفيييييييين عبريني شدعوة
العنود بدت تتنرفز: لوسمحت انا عندي اخوان مو فاضية ولا تدق مره ثانية
-------- : انا بعطيج اسبوع فكري الله يخليج
العنود عصبت:لا اسبوع ولا شهر فارج يالله اووووف
(خل اقولكم عن سالفة عنود والشخص المجهول الي يلحقها في الجامعة هديل زميلة العنود في الجامعة تعرفت على بدر وحبتة وراحت تشوف بدر خل اوضحلكم مع الحوار )
بدر ومعاه الشخص المجهول : هاي
هديل : هايات
بدر : شلونج
هديل : تمام والله
بدر : منو الحلوة الي معاج
هديل : هذي زميلتي العنود
بدر : تشرفنا
العنود مستحية :هههه وانا اكثر
بدر : هذا رفيجي ----
( وهذي القصة هني الشخص المجهول حب العنود)
وكالعادة قعدة ام فهد ودلال والغازهم على سارة.
ام فهد: اقول سويرة ليش ما يبتي نونا و حسون هااا ؟
سارة : عند امي خالتي باجر ايبهم
ام فهد : شقلتي اليهال عند امج مالت عليييج قومي يبييهم صج تربيت نويرة ماكو فايدة قومي اشوف وييع مادري فهود العوي هذا ماخذج على شنو لو ماخذ حصة بنت اختي نجاه وايد ارحم (والتفتت على دلال وقالت)اقول دلولة ماكو مني مناك ولد على الطريج؟
دلال : انشاءالله خالتي الله يسمع منج
اذا شفت تفاعل راح اكمل انشاءالله قراءة ممتعة لمسة الماسية
تم البارت الاولF: