ماااابي اتزوج

السلآم عليكم ورحمة الله وبركاته
صبآح الخير / مسآء الخير ..
بخش في المشكله على طول
انا لي 4 اخوات وانا الخامسه
اخواتي الاربع كلهم متزوجات الحمدلله بسسسس في مشكله
كلللللللللللللللللللهم الاربع حياتهم يررررررررثى لها
الكبيره زوجها ياخذ كل راتبها ولا يعطيها منه شي مرره مرره شكلها ولبسها كانها ماعندها شي ابد .. وغير كذا لو تقوله شي والا لا تاخذ راتبي يقلب الدنيا عليها
اللي بعدها معلقه برضو بسبب الراتب .. وهو عنده ديون .. وكل ماقالت شي ظربها او قالها ابوك ملياردير خليه يساعد .. طبعا هي حاليا معلقه بسبب الظرب ..
اللي بعدها زوجها عاطل عن العمل .. واختي تصرف عليه ( شقه فواتير مقاضي للبيت حتى ملابسه منها هي ) وفوق كل ذا لا اسلوب ولا احترام ولا تقدير ..
اللي بعدها هي اهون شي لانها متزوجه ولد عمي بس تواجه نفس الاشياء تقريبا
اهانه وعدم تقدير .. وبخل مو طبيعي ..

انا من كثر ماشوف واسمع تعقققققققققققققققققققققدت من سالفة الزواج
ورفضت للحين 3 عرسان .. وابوي بدا يتنرفز ويعصب وشك فيني
وانا ما رفضتهم الا لاني مابي اعيش عيشه مثل عيشة اخواتي
ادري انها مشكله كبيره هالعقده . وانه ما ينفع اقعد كذا على طول .. بس جد تعقدت .. وكل ماجاني خطابه قعدت ابكي ومااتحمل احد يحاكيني عن الزواج .. ورافضته تماما
كل يوم ادعي ان ربي يرزقني باللي يرضيني ويحترمني ويقدرني ويسعدني
بس العقده فيني ولللحين انا رافضه

وكل ما حاولو يقنعوني بالزواج ... اقوولهم اخواتي افضل مني بكل شي .. جمال وطبخ ونظافه وسناعه .. انا مافيني اللي فيهم وهذي حالتهم .. اجل زوجي وش بيسوي .؟!

ساعدوني وربي مو عارفه شسوي .. ابوي زعلان علي وشاك فيني لاني دايم ارفض ..
وامي تضغط علي تقول ما يصلح ترفضينهم كذا

وانا من جد ماااااااااااااااابي اتزوج رافضه هالفكره تماما ..

تكفون قولولي وش اسوي ...؟!