طفلي والسخونة المتكررة...

كل زائر او مشترك بيدخل على موضوعي امانة امانة امانة الدعاء لابني بالشفاء ...امانة ادعوله
ابني اسمه باسم ...ادعوا الله يلبسه لباس الصحة والعافية هو واخوانه امانة
حطيت موضوعي باكتر من منتدى حتى الجميع ان شاء الله يدعوا لباسم واخوانه

فكرت احط معاناتي مع ابني لتستفيد الامهات منها...لاني كنت دايما ابحث في جوجل عن حالات مشابهة وماكنت الاقي...كنت دايما ابحث عن سر ارتفاع حرارة ابني المتكررة وماالاقي جواب يريحني
ابني وترتيبه الثالث بين اربعة اطفال اكبرهم خمس سنوات ونصف واصغرهم ثلاثة اشهر...اصيب بالتشنج الحراري عندما كان عمره ثمانية اشهر,,,لم الق للامر بالا لان الطبيب طمانني انه التشنج الحراري مو مشكلة ابدا...لكن هادي كانت فقط البداية...صار ابني كل تلت اسابيع يتشنج..كلها تشنجات حرارية...طيب من وين السخونة بتيجي??كل شوي بلاقيه سخن...هديك الايام ماكنت مركزة على السخونة ابدا ابدا كان كل اهتمامي تكرار التشنجات الحرارية وخوفي من تطور الموضوع لصرع...كنت كتير اقرا عن التشنجات الحرارية...وبالنهاية طبيب الاطفال حولنا لطبيب مخ واعصاب اللي اكدلنا انه طالما التشنج مع سخونة واقل من خمس دقائق فما في مشكلة وحكالنا انه ماعنده كهربا زيادة...لاحظوا احنا وكمان الطبيب ركزنا على التشنجات وماركزنا بالسبب اللي هو السخونة وكان الاولى نهتم نعرف ليش بظل يسخن لانه التشنج مرتبط بالسخونة...نسيت اقلكم انه الطبيب كل مرة مابلاقي سبب للسخونة بمعنى لا بكون عنده التهاب ولاشي وبنحلل انه مجرد برد...المهم حملت ومرت فترة حملي بصعوبة لانه ابني كتير بسخن ولازم اركض فيه واحممه واعطيه خافض حرارة قبل مايتشنج وكتير كنت الحق اتصرف ومرات ماكنت الحق اعمل شي ويتشنج واتصل على الاسعاف واركض معه وهيك مرت شهور حملي دموع وشد اعصاب وخوف على ابني,,, طفلي حبيبي صار كل تفكيري فيه واي حركة صرت اقول تشنج...مرة فاق ببكي وكنت نايمة قمت اركضله واول مااحملته تشنج,,,والله نام وماكان ماله شي...مرة كنت بسوق السيارة وبتطلع من المراي لقيته عم يتشنج,,,وهيك صار الموضوع فلم رعب,,, مابروح مكان من غير ميزان حرارة وخافض حرارة,,,ازا بكى بالليل بيوقف قلبي من الخوف,,,ان كنت بسوق مابرضى اتطلع عليه ليتكرر نفس المشهد,,,صرت دايما خايفة عليه ...رحت اولد.. قبلها بيوم تشنج.. رحت اولد وعندي اكتئاب لانه التشنج الاخير اللي كان قبل بيوم ماراح من مخيلتي...جبت ولد امور حاليا عمره تلت شهور,,المهم بعد طفلي الاخير زادت مسؤولياتي وزادت معها معاناتي....صار ابني يسخن مرة او مرتين بالاسبوع....وياسلام لما اكون بحممه بمي فاترة وبصرخ من الالم لانه لما بسخن بكون موجوع...والبيبي ببكي وبناتي ببكوا بدهم اهتمام مرات بوقفولي حممينا يللا بفكروا انه بحممه بس انا بكون بجرب اخفض حرارته قبل مايتشنج,,وبصير ابكي,,,انسيت اقلكم اني بغربة وماعندي حد يساعدني...وبيتقطع قلبي على البيبي بيكون ببكي لكن اخوه مابقدر اتركه وعليه حرارة ليتشنج,,,لكن سماعي لصوت البيبي ببكي قلبي ببكي معه لانه حبيبي مو قادرة اعطيه وقت كافي بسبب مرض اخوه المستمر,,,,هون حسيت انه مو معقول كل هاد برد ?????????????????????????????????????????????????? ????????????????????????وانه المشكلة بالسخونة من وين بتيجي????????????????????????????????????????????? ?????????????????????????????????? مو قادرة صرت لا اروح ولا اجي بسبب سخونات ابني المفاجئة...كزا مرة اقول لطبيب الاطفال انه الوضع مو طبيعي ولازم اعرف شو الغلط من وين هالسخونة هادي بتيجي,,,الوضع صار ضاغط على اعصابي وصارت دموعي تنزل بسرعة مع انه طبيعة شخصيتي ماببكي بسهولة لكن الوضع كان متعب كتير وانا بغربة وعندي طفل جديد بحبه كتييير لكن ماعاد الاقيله وقت وصار عندي احساس بالذنب...لكن الطبيب بيظل يطلب فحوصات بسيطة كفحص الحساسية والسكري وتعداد شامل للدم وكل شي طبيعي...مافكر يتعمق ويفكر باسباب اكتر تعقيد...لا,,, ظل يقللي برد.....مع العلم اني باميركا...المهم الكل نصحني اغير الطبيب لكن كان صعب لانه الطبيب جنب البيت وعندي ماشاء الله ٤ اطفال,,,لكن بلشت اقتنع انه لازم اشوف دكتور تاني...بس قبل هيك قلت اجرب ابحث في جوجل عن الامراض اللي بتسبب تكرر السخونة...لقيت امراض كتيرة و للحظة عذرت الطبيب بحيرته لانه ولا مرض عوارضه بتنطبق على ابني?????????لكن الامراض كتيرة...راجعت الطبيب واصريت انه مش طبيعي طفل يسخن مرتين بالاسبوع?????الدكتور في النهاية قرر يحولنا على اخصائي دم...لكن صعب تاخدي موعد من اخصائي هون..بعطوك مواعيد بعيدة,,,الاخصائي قال اعمله تقرير تقرير لشهر كامل كم مرة بسخن خلاله ,,كم مرة بسخن والفواصل الزمنية بين المرضات وكم بترتفع حرارته ثم احكوا اعملوا موعد,,,,,,وطبعا اكيد الموعد رح يكون بعييييد...واعصابي ماعادت تتحمل....??????????

__________________