أبشركم انحلت مشكلتي مع ضرتي (الديوانية )

وأخيرا قرر زوجي انه ينظم وقته ويعطينا 3أيام بالأسبوع وباقي الأيام عنده عمل مو ديوانية

فرحت وكان أول يوم ثلالثاء وتووفت عندنا مرة كبيرة (الله يرحمها ) فقال بيروح العزا ويرجع فأنا قررت اني ما أروح

رتبت بيتي وبخرته وعملت عشا مما لذ وطاب ورتبت أولادي وصاروا مبسوطين بابا بيجي اليوم البيت على الرغم اني احاول ما يحسون بالديوانية نهائيا

حفظتهم انشوده يقولون لهل لبوهم
ورحت خذيت دش وتظبطت انتظرت س9 ودقيت عليه قال يالله مشغول شوي وقفل قلت ارسل رساله مافهمت وش فيك

أرسل أنا مشغول شوي مع فلان بخلص واجي


أرسلت له ( تكفى يابو ...... استأذن منه والله مارحت العزا لجلك أنت والعيال والعشاء جاهز من فترة لا تكسر خاطري


مارد

س10 أرسلت بتجي ولا لأ


س 11 حرام الأكل كثير اذا مارح تجي برسله لجيرانا

كمان مارد

حسيت بحسره قوية ناديت عيالي أعشيهم قالوا مارح يجي قلت : لا حبايبي عنده عمل اليوم نخلص أكل وننام



خلصنا وغسلوا أسنانهم ودخل أبو الشباب س 11،45 آسف على التأخير باقي فيه عشا قلت لا وعادي لا تحط ببالك


لعبت أنا وياه مع العيال بس صراحة قلبي محروق بقوه

ناموا عيالي قلت تبي مني شي بروح أنام قال لا شكرا

دخلت عليه المطبخ وهو يسوي له عشا فقلت هات عنك ، قال والله ماتلمسينها روحي نامي

دخلت غرفة النوم حطيت راسي على المخدة وصرت أقلب بجوالي وأشوف رسايلي الي أرسلها وهو مطنش عزت علي نفسي وبكيت بصمت

دخل علي ماحاولت يسمعني لاني قد بكيييييييييت يامى ولاعنده

وفجأه حسيت بضيق تنفس وصداع رهيب وهذي ثاني مرة تجي هالحالة




يتبتتتتتتتتتتتبع

فجلس وقال كل هذا مني

ولا رديت جاتني حالة بكاء عجييييييييييييييبه وظليت على هالحال 20 د تقريبا ولا هداني أو قالي كلمة


المهم كنت أفكر في هالوقت وش الحل مالقيت الا حل واحد مابعد سويته طول عشرتنا مسحت دموعي وقلت له : يا .... سامحني على اللي بصير بكرة قال وش فيك ؟ ولا رديت

طلعت من الغرفة وخذيت شنطتين كبار رتبت أغراضي أنا وعيالي وحطيتها بالصالة ورجعت أنام وباقي صاحي مانانم بس مافتح فمه أبد

بعد كذا قمت وصليت الفجر ودعيت الله انه يهديه وهو راح يصلي بالمجلس ووجلس ساعه تقريبا قلت أكيد بيشوف الشناط ويرجع يكلمني رجع وامتد على السرير ولا تكلم آآآآآآآآآآآآآآآآآآآخ


قلت أبي أروح عندهلي ودك تودينا الحين ولا لما ترجع من الدوام

قال اذا رجعت نشاء الله وديتكم

وقام بدري س6 ولبس وهو طالع قلت :بكلم أمي أعطيها خبر عن الموضوع ، قال سوي الي يريحش

تخيلوووووووووووو

قمت كتبت له رساله

شكرا
على كل لحظة ألم سببتها لي على صمتك القاتل عاى تطنيشك منقطع النظير... على كبريائك وعزة نفسك التي تراها كل شيء بينما لا تأخذ كرامتي بعين الاعتبار

ولكني أستحق كل ذلك فأنا من ربطت سعادتي بك وبت أشعر أن لاطعم لوجودي مع أبنائي بدونك
وأنا من حاولت ترجمة حبي ومشاعري بشخص ضرب به عرض الحائط
فقد أثبت لي اليوم بأنني لاشيء
أعدك بأني لن أظهر شيئأ مما كتبته اليوم لوالدي

وألحقتها برساله ثانية

لم أكن محبة فحسب بل كنت صادقة ومخلصة معك
أحببتك من أعماقي وقدرت أهلك ودفعتك لبرهم
تفانيت في تربية أبنائك وأعطيتهم كل ما أملك من الحب والحنان والمرح
حرصت على ألا تقع عينك الا على ماهو جميل ولا تشم أنفك الاكل رائحة زكية
تنازلت عن أشياء كثيرة في شخصيتي لكي أصل الى توافق معك
ولكني كنت أنهار
أشعرتك بأهميتك
وحاولت ترغيبك في الجلوس معنا ولكن دون جدوى

وعند سؤالك عن سبب الهروب لا تعطيني أي اجابه

هاه وش تتوقعون رد وقال؟؟؟؟؟؟؟؟؟؟؟؟؟


ممتازين صح مارد وطنش


ساعتها حسيت ان مافيه رجى نمت وقمت الساعه 11 وفطرت أولادي وقلت بابا بيسافر وبنروح ننام عند خوالكم

طبعاَ انبسطو وفرحوا وأنا ميته قهر وقلت للشغاله تجهز لها شنطة صليت ظهر وقريت سورة الأنعام بنية ان الله يسر اللي فيه خير

رجع الأستاذ سلم علي وجلس ونفس الكلام ولا كلمة جاو الاولاد قالوا بابا بتسافر وبنروح عند خوالنا قال : ***** الله

قلت حنا جاهزين ، قال : يالله توكلنا على الله

اذا قلت ان قلبي انطر فأنا كذابه جاني جمود عجيب حسيت ان هذا الشي الصح
لبست عباتي وبنتي الي عمرها 6 سنوات تطالع وجه أبوها الي بدأ يتغير لونه وأنا أقوله مانستاهل على الأقل سلام وداع أنا والعيال سلم علينا ونزل للسيارة

دخلت اجيب ولدي الصغير واطلع من البيت الا وبنتي منهارة تبكي بقوه أقول وش فيك من اللي زعلك بابا قالك شي

قالت لا بس أنا أحب بابا وودي يجي معنا عند خوالي ما أبي أروح بدونه
جلست وأنا واقفة وغطيت على وجهي بالغطا وصرت أبكي وهي تقول كلميه يمة أبي أبوسه بقوه ( وربي ان هذا كلامها )
وأنا طالعة من البيت

يتتتتتبع

كلمته وطلع يبوسها ويهديها وقال ؟؟؟؟؟؟؟؟؟؟؟؟؟؟؟؟؟؟ ماعليه حبيبتي بتجلسون شوي عند خوالكم وأجيلكم

نزلنا وركبنا في السيارة والشغالة تنزل شناطنا

الا وخالتي وعمتي جايين ويقولون : وقف وصلنا العزا معك

كااااااااااااااااااااااااااااا رثة أنا ماابي أحد يدري لين أوصل بيت هلي

نزلت من السيارة وركضت للشغاله قلت وقفي خلي الشناط عند الباب

أرست له رسالة : وش السوات ؟
تمنيت يرسل اجلسي وبتفاهم معك اذا رجعت

أرسلي لا أعلم

قلت للشغاله خليها هنا ومرت وحده من خواته وسلمت علي شافت الشناط وما قالت شي

ركبت السيارة قلت حط العيال عند هلي ووصلني العزا معاهم

وعيالي يقولون وين شناطنا متى بيسافر بابا وأنا أسكت فيهم

المهم لقيت أمي بالعزا وقلت أنا جاية زعلانه من زوجي وشناطي عند الباب باجي معاك والشناط يوصلها بعدين
قالت حياش الله بس الأصول أصول لازم يوصلك هو
رجعوني بيتي وطلعت لزوجي لقييييييييييته ؟؟؟؟؟ وش تتوقعون



نااااااااااااااايم


قومته قلت قوم ياحبيبي بترتاح منا كثير وصلني بيت هلي

قال طيب

لبس ثوبه ومشى سألته : وش بتقول لهلك اذا اسألوك ويني

قال : عند هلها
قلت وش السبب
قال ماأدري ما اتفقنا
ساعتها انفجرت : ماتدري بتقول ماتدري حسبي الله ونعم الوكيل بعتنا برخيص ياأبو ......
قال أنا مابعت أنت اللي بعتي
- جايني بعد عشر سنين تقول أنا اللي بعت أنا مادريت لك بحل احترمتك مانفع ، قدرتك مانفع
دللتك طنشتك تخاصمت معك كل هالأشياء مانفعت فيك جرحتني كثير وحطمتني أكثر وأنا في يوم من الأيام قلت لك مارح أيأس وطلعت ماني صادقة ييئست وبدخل الي أكبر منا يحلونها

ساكت ولا كلمة

أبي أعرف شي واحد قبل ما أطلع من هاالباب وش قصرت معاك فيه

تكلم الجبل : رايتش بيضا والله ماقصرتي في شي ، والله ماقصدي أجرحك ولا أهينك واني باقي على العشرة اني أحبك لدرجة ماتخيلينها
قاطعته : ماأبي حب في القلب أبيك اطلعه انت تقول ماتجرحني وبتطنيشك تهيني وتذبحني
انت تدري ان كلمة واحده ممكن ترضيني بس ما هان عليك اتقول اقعدي أو براضيك

قال : والله اني مصمم أتغير هالشهر بالذات بس عطيني فرصة
قلت : عطيتك كثير
قال طلبتك الي خلاك تصبرين عشر سنين اصبري هالشهر
قلت : أوعدني
قال : ***** الله
قلت : أوعدني أنا ماأقدر على صدمة جديدة
قال أوعدك
وقلت والله اني طالعه وماودي يجيك كلمة من أبوك أو ابوي

والحمد لله يابنات حياتنا مستقره من فترة طلعات أسبوعية جلسات في البيت روحات عن هله وهلي

قرب من ولده أكثر وصار يطلعه أسبوعيا نادي وملعب


الله يتمم على خير ويوفق كل زوجين


النهايه


على فكرة الموضوع كتبته بمنتدى ثاني

مشاء الله الله يخليكم لبعض و يجمع ما بينكم بالخير و الحب

الله لا يغير عليكم يا حبيبتي .. و فرحت إن مشكلتك انحلت إن شاء الله ديماً مبسوطين

تسلمي على طرح تجربتك .. إلي استخلصت منها أهمية الصبر و المعاملة الحسنة

الله يكملك بعقلك يا الغلا

الله يهديه لج ويحنن قلبه عليج وعلى العيال
الله لايغير عليكم يارب

مشكورين عيني وماقصرتوا

الحمد لله الي أصلح الحال بينكم

والله يخليكم لبعض يااارب

قصتك بكتني

ما شاء الله عليك صبر واخلاص ياريتني كنت مثلك

الله يحفظك ويحفظ زوجك وعيالك ويحنن قلبه عليش دايما

الف مبروك من صبر نال

انا تقريبا مثلك هالفترة بس ينام ويقوم بتغدى ويطلع ياذن الفجر وهو مارجع ولا طلعات الا العايله كلها بتطلع نتحاصم ويعتدل فتره وترجع حليمه لعادتها القديمه بس مالنا الصبر والدعاء والاستغفار بنية الهدايه والصلاح وعلى قولتهم وقع الفاس بالراس
بس انا دائما عندي امل انه بتغير الضع للاحسن بس متى مدري يالله اهم شي مانضيع عيالنا وهذا كله من رفقاء السوء

الله يوفقك ويهنيك

الله يوفق كل وحدة ردت علي وينولها الي ببالها

يا الله على صبرك انا ما فيني اتحمل ها الصبر ربي يجعله بميزان صالح اعمالك و ربي يديم عليكي الاستقرار

مشكوره عيني

الله يوفقكم بس لولا الحريم الي ركبوا معكم عشان العزا والله كان وصلك ولا همه شي

اللة عوضك بدال صبرك
اللة يوفقكم ان شاء اللة