انا بكربة احتاج لنصيحة وخصوصا من المتزوجات

.. أمــ عــلــيــ ..;15378177:
الله يعينك .. بصراحه حسيت بالاختلاف بينكم .. انتي شرق و هو غرب .. !!

اذا انتي طموحاتك عالية .. ومستعدة تدرسين وتشتغلين .. وهو عكسك ما يبي خلاص لا ترتبطين فيه لأن بعدين راح تصير بينكم مشاكل الله أعلم بها .. !!!! خاصة وأنه قال لك .. بيشوف أول المكان هل يعجبه أو لأ ........... !!!

وبعدين تقولين مدخن .. وانتي ما تبين المدخن .. ووش يضمن لك انه بعد الزواج بيترك التدخين ؟.!! ترى تركه صعب صعب صعب .. يتغير 180 درجة .. يعني يصير شخص ثاني .. وطبعاً بيحتاج معاملة ثانية منك .. !! هل أنتي مستعدة لهالتجربة ؟.!!!!

انا كلمتك عن أهم نقطتين ذكرتيهم بموضوعك .. وحبيت اشوف نفسيتك هل انتي مستعده لها أو لأ .. اذا لأ .. خلاص ارفضيه و ربي بيعوضك باللي أحسن منه ان شاءالله ..

:)

حشيمـﮧ راقـيـﮧ;15378245:

اختي في الله

لا تحتارين و لا تتضايقين او تبكين .. توكلي على الله ... دام الرجال طيب و على خلق و دين وين الوحده تلقى في هالزمن هالمواصفات صح و الا لا .. انا كنت مثلج انا جامعية و هو ثانوي و عادي ما حسيت انه في فرق .. والحمدلله امورنا في السليم اول قالي ما ابيج تكملين قلت له لا بكمل دراستي و عقبها اقتنع و قالي ما ابيج تداومين .. قلت له تمااام بس اذا طلعت لي وظيفة مناسبة فكر و فكر عقب قاالي اووكي .. يعني اوول ابد كان غيور و مدري شو بس عقب ما تزوجنا والحين مكملين 8 شهور و الحمدلله كل شي تماااام كملت و تخرجت و انتظر الوظيفة انتي لازم بيقولج هالكلام بس انتي ما تدرين يمكن يغير رايه و انتي ما تدرين وش يصير باجر حنا ما نعلم الغيب الله بيده كل شي و ما في داعي انج تكبرين الموضوع الموضوع ما يبيله اي شي الوحده منا تدور الستر و السعادة و الرجال اللي يستر عليها و يحميها و يوقف معاها صح و الا لا يا اختي .. و الا باقي الشكليات والمظاهر و الثقافه كل شي بتحسينه بعدين يتغير مع العشرة و السوالف و الضحك و الطلعات اسمعيني .. كل شي بيدج انتي تقدرين تغيرين ك
ل شي .. انا اول ريلي ما يحب يطلع انا اقترج عليه اقوله شرايك نطلع و تعجبه الافكار والرحلات و حتى صار يحب الشوبينق اكثر مني .. و كل اسبوع يقوولي قوومي نسير نغير جوو معنه ما كان جذي كان كله مع ربعه و ما تعجبه الرحلات الحين صاار يحب شي اسمه طلعه .. انتي صلي و توكلي على الله و استخيري رب العالمين و الله يكتب اللي فيه الخير ان شاء الله و خلج قنوعه و لا تتحسسين من اي شي ربي بيده كل شي انا هذه نصيحتي لج يا اختي و عسى الله يكتب لج اللي فيه الخير و تستاهلين كل خير ..

و خبرينا عنج بعدين وش يصير و مستعدين نساعدك بكل خطووة

وربي يحفظج ان شاء الله

SuNSh!Ne;15378232:
أختي الكريمة من كلامك عنه حسيت أنك أنتي في وادي وهو في وادي ثاني
يعني أفكاركم مختلفة
ولا يقول حيترك التدخين لأن اللي عنده عادة ما راح يبطلها وإن بطلها بيرجع لها
وكمان قصة الغيرة والشك هذه صعب تتحملها أي وحدة

شوفي ياعسل كل هالأمور لو كنتي مرتاحة كان ممكن لكن لو انتي مو مرتاحة من الاول صعب كثير تكملي
ونصيحة من أخت لأختها انتبهي تجبري نفسك على شي وأنتي مو مرتاحة له لأن حتوقع على راسك بعدين (لا قدر الله)

الاستخارة مو ارتحتي أو لا
الاستخارة أنه ربي ييسر لك أمرك أو يعسره

بالنهاية القرار لك
ربي يوفقك للقرار الصحيح ويختار لك الخير

mitcy;15378409:
حبيبتي يعني لا مرتاحه ول حتي مواصفاته عجباكي فليه تعبه نفسك
او بتفكري في ايه تاني ..
متجيش علي نفسك اوي وتحاولي تضحكي علي نفسك وتدوري للموضوع علي
حاجه كويسه...الموضوع من اوله مش عجبك تماما..يبقي من اولها كدا بلاش تكملي

سيده نفسي;15378431:

امممم حبيبتي القرار الاول والاخير راجع لج.. لا احنا راح نفرضه عليج ولا لان اهلج واهله حابين الموضوع ولا لانج تشوفينه انسان زين وما ينرفض
اهم شي الراحة النفسية وتقبل الطرف الثاني.. اذا برايج هالاشياء مو موجودة مافيه شي يخليج تستمرين وانتي في حالة نفور منه!

طبعا من كلامج انا في البداية كنت بعلق وبقول يمكن مو شرط ان من الجامعه خلتج تتغيرين وتتغير طريقة تفكيرج.. بس لانج انتقلتي من مرحلة كنتي فيها نوعا ما صغيرة الى مرحلة انتي تراكضين ورى عمرج وتحولتي كبيرة..

مو كل من عنده شهادة جامعية يكون مستواه الثقافي ازيد من الطرف الثاني.. وهالشي ما اقصدج فيه ابدا.. اقصد لج يمكن ايي لج شخص جامعي ماعنده اسلوب في الكلام ولو تسألينه ما عنده ثقافة.. و ايي لج شخص عنده ثانوية وما شاء الله تسألين ياخذ ويعطي بالكلام ويسكتج..

لكن الانسان لما يحب يتطور يطور من علمه ودراسته لانها ترفعه فووق في شتى المجالات كفاية انه يندرج تحت مسمى جامعي وعنده شهادة جامعية تنفعه في مجال شغله.. وللأسف الشخص المتقدم لج واضح انه ما يبي يبذل مجهود عشان هذا الشي.. الدورات اللي تكون من العمل اغلبها قصيرة وما تفيد بشي..

شغله ثانية... التدخين لو شنو سوا راح يدخن .. خذيها مني.. مثل الادمان وما راح يقدر يقطعها حتى لو خفف منها.. يمكن يضطر انه يجذب عليج بهالشغلة..

شغلة ثالثة.. سالفة شغلج.. شنو على كيفه اهوا يمنعج ويقولج اذا ناسبته يمكن يوافق؟؟ اذا انتي طموجة حتى الماستر تبين تدرسينه وهو ماعنده شهادة.. انا اسميها غيرة وما يحب الخير ..
وصدقيني صدقيني ابصم لج بالعشرة وعن تجربة في محيطي.. شخص نفسه قال للبنية جيي اهيا جامعية وهو ثنوي وبالدز قالها انا ماحبج تشتغلين واذا اذا خليتج مدرسة.. يعني شنوو؟؟ ولما تمت تتكلم معاه يا زعم وافق تشتغل بس من اسلوبه باين انه مكار وعرفت بالنهايه ان هالشي يسايرها فيه عشان توافق
وطبعا الريايل جذي فخذي بالج من هالنقطة..

ومثل ما قلتي اثنينكم نفس النمط حياتكم بتكون روتينية ومملة..

فكري زين والقرار الاول والاخير لج انتي ..

والله يوفقج ويكتب لج اللي فيه الخير

سكّرهـ;15378561:
نصيحة لااا توافقي عقلبه مثل هذه بتكون عاائق في مسيرة نجاحك
وترى الزوج كمان مو دايم لك ما يبقى لك غير الشهاده