ضرب باي شي في يديآآآآآآآ

مشكوره حبيبتي على المرور الكريم وان شاء الله نلقى حلل

لا حول حبيبتي


مب زين ترا حاسبي الضرب المبرح ممكن يادي للموت !

وخصوصن انه صغار


والله حاسه فيج


انا كنت مثلج واخس بعد واضرب ضرب مب طبيعي بس صدقيني الحينه لو ابي اضرب اول شي اسويه اطلع من المكان الي انا فيه
واذا كنت قاعده اوقف

واذا واقفه ايلس هذا الحل دلنا عليه نبينا محمد عليه الف الصلاة والسلام

وصرت يوميا اقرا القران سوري يس كامله يوميا وربي تغيرت وايد والاستغفارر بعد ودايمن ادعي ربج


ولمن تبين تضربينهم مثل ماقلت لج اطلعي من المكان قعدي بروحج وفكري وهدي نفسج وارجعي لهم بعدين بس حرام اطفال مالهم ذنب والله كسروا خاطري

استهدي بالله أختي واكثري من ذكر الله
ألا بذكر الله تطمئن القلوب
وحاولي تشغلي في بيتك قرآن
حتلاقي العصبية خفت كثير

{ اختي تعوذي من الشيطان مو زين لك ولا زين حق عيالك حرام مالهم ذنب...~
طولي بالك وروقي مافي شي ف الدنيا يستاهل هذا كله

اذا عصبتي وفارت اعصابك ع الاخير
استغفري ربك واذكري الله
واتعوذي من الشيطان باستمرارررر

وقولي لاحول ولاقوة الا بالله وان لله وان اليه راجعون

والله راح تتحاسبين ويعاقبك الله اشد العقاب لو ما إستغفرتي الله وطلبتي منو يسامحك وطلبتي من أولادك يسامحوك لأن هذاضلم والضلم حرام ما راح ينفع لا زوج ولاغيره إحمدي ربك عندك عيال
وإستغفريه وطلبي منو يحفظ لك النعمة لي إنتي مضيعتها
ماراح ألومك لأني كنت مثلك لما أتعصب أضرب بنتي رغم أنها صغيرة
بس صحيت ونسيت الزوج وهمه ولتفت لولادي وعطيتهم كل حبي وطلبت من ربي يسامحني
وأنا الحمد لله الحيت لما أتعصب أكثر شيئ أعملو أصرخ مثل المجنونة :D بس ما أحط إيدي عليهم إلى نادرا جدا وهيا ضربة وحدة صغيرة وبس
الضرب راح يخلي ولادك وحشين في المستقبل
وقلوبهم قاصية وممكن يتعبون نفسيا
وأكيد بيعتبروك عدوة لأن العدو هوا لي بيأدي هذا مخ العيال
وطبعا إنتي مو بتربي بالضرب إنتي بتنتقمي لفسك وياريت كانو عملو شيئ
الله يسامحنا

اللهـ يهديكـ رووووووووووووقي وتعوذي من ابليس واستغفري اللهـ يسهل امركـ...

ترى مب زين اول شي لانه يمكن من الغضب اتذبحين واحد منهم لا سمح الله
وترى اذا تميتي على هالحال اعيالج راح يكرهونج واذا صادهم شي انتي اخر شخص بيون ايقولون له
فسوي مثل ما البنات ما قالوا اقراي قران ,طلعي من المكان ,تعوذي من الشيطان

وغيره من النصائح المذكورة فوق

لا حول و لا قوة الا بالله العلي العظيم

و بناتك ايش ذنبهم
حاولي تسبحي و تصلي و فكري بشي تاني غير ايلي مزعلك
عشان ما تقسي على بناتك و يكرهوكي

ما شاء الله البنات كفوا و وفوا...

أنا بعد عصبية و ما أتحمل... أقل شي ينرفزني... و قبل كنت هااادية و ما لي صوت... بس السبب اللي خلاني كذا هو تعب التربية و المسؤولية، مسؤولية الزواج و الأطفال و البيت!

أنا ولدي كل ضرب لين قال بس مسكين، الحين قد ما أقدر أمسك نفسي و بس أعصب أتعوذ من ابليس... و جربي هالحل، الضربة اللي كنتي بتوجهينها لعيالج، جربيها على نفسج! و الله من صرت أسوي هالحركة خفيت واجد... لأني صرت أحس بقوة الضربة و شلون هي حارة و تعور! فإذا أنا الكبيرة عورتني شلون هم!

الضرب يخلي شخصية الطفل ضعيفة و يخاف من كل شي... ولدي جاته فترة من أرفع يدي باخذ شي أو أسوي شي، يخاف و يحط يده على وجهه يحسبني باضربه! يحزني مسكين...

الله يحنن قلوبنا عليهم و يعينّا على تربيتهم...

موفقة F:

حاولي اضغطي ع اعصابك واستحملي،ترا الحياه بدها صبر، وخبري اولادك انهم يبعدوا عنك ،وقت ماتكوني معصبه،وحاولي فكري باي شي يضحكك وقتها تنسي الموضوع وبعدها حتتعودي

العيال امانه في رقبتج حبيبتي حاااسبي هديه من الله في ناس يتمنون عيال وما عندهم حاولي تطلعين من المكان اللي هم جالسين فيه يوم تعصبي

انا كنت مثلك يا اختي ... وبعد ولدي مشاغب جدا ...في يوم بالليل هاوشته وقام راح رقد بعيد مني ولا رضى يجي ينام معاي ...قررت من يوم حوالي اسبوع اني ما بضرب ولدي الا بعد ما يكمل ال6 سنين وحلفت على نفسي ...خصوصا انه ماله في الدنيا احن مني ....وصرت معاه باللين مهما شاغب ومهما كان قدامي وانا معصبة امسكه واحضنه وهو الحين مع ان اسبوع فترة جدا بسيطة بس صار صديقي ويخفف عني ويفهمني ترى الاطفال حساسين اكثر من الكبار


خلي عندك قوة ارادة واقلبي عصبيتك على زوجك وتصرفاته حنية على عيالك ...ترى انت الام لهم والضرب مهما كبروا بيتذكرونه

مساكين شذنبهم بتعقدينهم و بتخوفينهم منج

لا حول و لا قوة
وش ذنب الاطفااال ؟؟؟
تدرين بكرة اذا كبروا ما ينسون
الضرب المبرح الي يشوفونه منج
و ممكن يكرهونج بعد لا تنسي انهم
اماااااااااااانة عندج من رب العالمين يعني
هم بذمتج عالعموم الحل ان تحاااااااااولين
قد ما تقدرين لما تعصبين تمسكين اعصابج
او تطلعي من المكان الي انتي فيه و الاستغفار
مهههههم و استسمحي منهم و ضمينهم

مايجوز مايجوز مايجوز ...


استغفــري ربك ... ولاتقولي عادي هذا صغير ربي مارح يحاسبني لأنه ولدي ...


صدقيني رح تأثمي عليه ...

مرحبا حبيبتي معاج أشواك , اول شئ أنا بافسرلج الي تمرين فيه , انتي في تعاملج مع

زوجج , تحافظين على هدوءج , مما يترتب عليه انفجار بركاني كان خامد وتصبين الغضب على

المساكين سواء ابناءج او الخدم او اي حد , حبيت انبهج ابناءج الي الله رزقج فيهم مسؤوله

عنهم مسؤولية تامه وضربج المبرح لهم ممكن يخل في العلاقة الي بينج وبينهم في يوم من

الأيام الي بتكونين فيه انتي بحاجه الهم , الحل : خلي تعاملج مع زوجج بإحترام ولكن لازم

تكلمينه بعد ما يهدا بحيث الي كان في خاطرج تطلعينه وما يتم فيه اي شئ عشان ما ينصب

على ابناءج , طبعا الحوارات من المهم جدا تدور بينج وبين زوجج في الغرفة بعيده عن الأبناء

ومن دون وجود الأبناء في الغرفة هذي امور حطيها في الأولويات والضروريات , اذا حسيتي

أن الحوار ما نفع مع زوجج , حطي في بالج حزتها أنج بتحلين الموضوع بعد ما يهدا كلمي

نفسج الحين زوجي عصب باكلمه بعد شوي , حتى لما تطلعين من الغرفة افصلي تماما

بين الي صار معاج في الغرفة وبين حياتج مع ابناءج وهذي الي ذكرته يصير مع التدريب .

طيب يمكن من حبوب منع الحمل تسوي عصبيه