حالة طارئة:اعز رفيجاتي حامل وهي مو متزوجة

اكتب لكم هذه الرسالة بعد الياس والحزن الشديد على صديقتي العزيزة
التي كانت دائما واقفة معي وتنصحني من طريق السوء ومن كوارثه


اصحاب القصة الماساوية

البنت: ضعيفة جدا متوسطة الجمال لاتهتم بلبسها ولا شكلها ولا تلقى التشجيع من اهلها للدراسة او لاي هدف اخر كل صديقاتها القدماء يستغلونها للترقيعات امام اهلهم
نظرا لان اهل البنت فري.

الام: دائمة العمل وهي رب الاسرة وتاخذ ابنتها للعمل معها شديدة قليلا على ابنتها من حيث الطلعات والام بخيلة من ناحية الفلوس لدرجة انها ترى كل شي غالي تقريبا ولا يستحق الشراء ونظامها(( خلك على خلاقينك ابرك))<<<عشان جذي كانت البنت دايما مهلقة.

الاب: رجل كبير جدا في السن ووجوده مثل عدم وجوده لا يعمل ولا يفعل شيء في البيت غير غسل ملابسه والذهاب الى المقهى المجاور لمنزلهم.

الاخ: عمك اصمخ ويركض ورا.... ومايدري عن البيت خير شر وطالع على ابوه ومايقط ولا فلس خير شر عالبيت وما يي البيت الا لما يبي ينام او يبي ياخذ فلوس من امه.

المهم يا طويلين العمر

انا عندي رفيجة عمري كان حلمها انها تتزوج من فارس الاحلام بس هالحلم كان مستحيل بالنسبة لها لانها كانت مو واثقة من حالها ودايما تشوف نفسها انها ضعيفة ومو حلوة ومحد يبي يطل بويهها وكانت هذه نظرتها لنفسها للاسف

المهم والسالفة الاساسية انها في يوم من الايام تعرفت على ولد الجيران من العمارة المقابلة لهم ان ما خاب ظني وتعرفوا بالصدفة انه كان صافط مكان سيارتها وكلمته عشان يطلع من مصفطها وصار الي صار وتعرفوا على بعض
وكان اهوا دايم يمدح فيها ويحسسها انها حلوة وجسمها حلو<<<وهذا الاحساس الي كانت فاقدته حتى مع نفسها

فانعجبت فيه وقام وسوا روحه روميو وعرفها على عايلته الكريمة من خواته كلهم الى امه
ونظرا ان العمارة يم العمارة صارت تروح تزروهم والولد قال لها انا بخطبج وبالفعل خطبها من امها
فحبته اكثر واكثر

وكان ما يقصر وياها من هدايا وفلوس وطلعات ومطاعم وكل شي
نظفها من عيشة الفقر الي كانت فيها وسنعها وقامت تهتم بنفسها وااااايد من وراه


المهم صارت تدش غرفته ببيتهم وعلى يوم وقع المحظور
ومن يومها صار الولد يوخر عنها شوي شوي واهيا متعلقة فيه وراسمه حياتها معاه
واخر شي قام يتهمها بشرفها وانه اهيا مسوية المحرم مع غيره قبل ما تسوي وقام يتهما <<<وكلها اتهامات باطلة عشان لا يتزوجها



وفي النهاية قال لهاا انا ما ابيج ولا تقربين مني ولا تيين صوبي وتحرش برفيجتنا الثالثة واهيا كانت صابرة وساكته ومحتسبة ويقول حق رفيجتنا الثالة ((( اصلا لو انا الي فاتحها جان تزوجتها على طول)))<<<<واهوا جذاب اهوا الي مسويها فيها ماكو غيره


وبعد كل هالسوالف اكتشفت الحين انها حامل وابن ال....... مو راضي يتزوجها
فراحت علمت ام الولد لانها ما تقدر تقول لاهلها

وام الولد يتلها هستيريا وقامت تزفه واهوا ولا عالبال
وحلف عالبنت يمين اذا طبت بيتهم مرة ثانية رح يسوي لها شي جايد


بتقولون ليش ما تشتكي بالمخفر؟؟؟؟
لانها بالرغم من انه اهلها فري بس امها ما رح تتحمل الصدمة ورح تطيح طيحة جايدة لانها فيها مرض
والابو بدون اي شي رح يمووووووووووووووووووووووووت لانه كبييييييييييييييييير

والاخو سبق ان قلت وجوده مثل عدم وجوده و دايما متهور وما عنده اسلوب للتفاهم فعادي يذبحها

والمخفر فضييييييييييييييحة وبعدها محد رح يرضى فيها
والولد قال لها انا عندي ادش السجن ولا اخذج يال....

والام قالت انا بنفسي مبدلة الشرايف وشفت الدم عليه((( عذريتها)))



واخر شي الولد قال لها تبيني اتزوجج عطيني المبلغ الفلاني وتطيحين الولد بعدين افكر اتزوجج:'(



والبنت الحين امها بدت تشك فيها لانها ما يتها الدورة شهر

والبنت من كثر ما يتها حالة الكابة قعد تحاول تطيح الولد باي طريقة بس هم مو قادرة ومو هاينة عليها<<<< لاحول ولا قوة الا بالله


الحين شالحل ساعدوها بليييييييز

خايفة عالبنت تسوي بعمرها شي شالحل

البنت بجي ليل ونهار وبطنها بدت تكبر والام قعد تشك
واهل الولد محتارين بين نار ولدهم ونار البنت المسكينة ويترجونها انها لا تفضح الولد وانهم بيلاقولها حل
بس الاهل باردين احسهم

والبنت ماعندها اهل بالديرة غير اهل بيتها فشالحل...

..؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


اريد حلا باسرع